দেওবাৰে উভতি নহাৰ দেশলৈ গ’লগৈ বাংলা ফিল্ম ইণ্ডাষ্ট্ৰীৰ জনপ্ৰিয় অভিনেতা ৰাহুল অৰুণোদয় বেনাৰ্জী৷ তেওঁৰ মৃত্যুত সমগ্ৰ বাংলা ফিল্ম ইণ্ডাষ্ট্ৰিতেই শোকৰ ছাঁ পৰিছে৷ বহুতেই তেওঁৰ মৃত্যুত জুবিন গাৰ্গৰ মৃত্যুৰ সৈতে সামঞ্জস্য বিচাৰি পাইছে৷ দেওবাৰে তেওঁৰ মৃত্যু হোৱাৰ পাছতেই তেওঁৰ মৃত্যুক লৈ বহুতেই ৰহস্য বিচাৰি পালেও তেওঁৰ মৃত্যুক লৈ পৰিয়ালৰ পৰা কোনো অভিযোগনামা দাখিল কৰা হোৱা নাই৷ আৰক্ষীৰ তৰফৰ পৰা অস্বাভাৱিক মৃত্যুৰ গোচৰ ৰুজু কৰি নিজাববীয়া তদন্ত আৰম্ভ হৈছে৷ ওড়িশা আৰক্ষীৰ সৈতে সমন্বয় ৰাখি আগুৱাই নিয়া হৈছে তদন্ত প্ৰক্ৰিয়া৷
কি জনাইছে SP অংশুমান সাহাই?
১. অস্বাভাৱিক মৃত্যুৰ গোচৰ দাখিল হৈছে দিঘা থানাত৷ মৰোণোত্তৰ পৰীক্ষাৰ ৰিপৰ্টৰ ওপৰত ভিত্তি কৰি পৰবৰ্তী পদক্ষেপ গ্ৰহণ কৰা হব৷ ওড়িশা আৰক্ষীৰ সৈতেও কথা হৈছে৷ যিসকল প্ৰত্যক্ষদৰ্শী আছিল তেওঁলোকৰ ভাষ্যও ৰেকৰ্ড কৰা হৈছে৷ বাকী যি সহযোগিতা লাগিব সেয়া কৰাৰ আশ্বাস দিছে ওড়িশা আৰক্ষীয়ে৷
২. শ্বুটিঙৰ এক ফুটেজ আৰক্ষীৰ হাতলৈ আহিছে৷ এছ পিয়ে কয়, আমি এটা ফুটেজ লাভ কৰিছো৷ পৰবৰ্তী কি পদক্ষেপ হয় আমি জনাই দিম৷ তদন্তক লৈ এতিয়াও কথা ক’ব পৰা পৰিস্থিতি অহা নাই৷ শেষৰ ফুটেজ আমি পাইছো৷ সেই ফুটেজ বিশেষ টিমে পৰ্যবেক্ষণ কৰি আছে৷
৩. ফুটেজত লাইফ ছেভ কৰিব পৰা কোনো ব্যৱস্থা দেখা নাই৷ তদন্ত কৰিলে বিষয়টো জানিব পৰা যাব৷
৪. বহুতেই প্ৰশ্ন কৰি আছে যে উদ্ধাৰৰ সময়ত জীয়াই আছিল নেকি ৰাহুল৷ সেই বিষয়ক লৈ আমি এতিয়াও নিশ্চিতকৈ একো কব পৰা নাই৷
দেওবাৰে সন্ধিয়া শ্বুটিঙলৈ গৈ মৃত্যু হৈছিল ৰাহুল বেনাৰ্জিৰ৷ ভোলে বাবা পাৰ কৰেগা চিৰিয়েলৰ শ্বুটিঙৰ বাবে গৈছিল ৰাহুল বেনাৰ্জি৷ তাতেই সমুদ্ৰত ডুবি মৃত্যু হৈছে ৰাহুলৰ৷
মৰোণোত্তৰৰ প্ৰাথমিক ৰিপৰ্টৰ খবৰ হাস্পতাল সূত্ৰৰ খবৰ অনুসৰি খুবেই কম সময় পানীত ডুবি থাকিলে ইমান পানী জমা হোৱা সম্ভৱ নহয়৷ সম্ভৱত এঘণ্টামান পানীৰ তলত ডুবি আছিল অভিনেতাজন বুলিও সূত্ৰই প্ৰকাশ কৰিছে৷ অভিনেতাজনৰ মৃত্যুক লৈ দেওবাৰৰ পৰাই চলিছে নানান চৰ্চা৷ সূত্ৰৰ খবৰ অনুসৰি ইতিমধ্যেই যি কেমেৰাৰে দেওবাৰে দিনজুৰি ধাৰাবাহিকৰ শ্বুটিং চলিছিল সেই ফুটেজো তদন্তৰ বাবে লোৱা হৈছে৷ দুৰ্ঘটনাৰ বহু মুহূৰ্ত কেই কেমেৰাত ধৰা আছে বুলি ধাৰণা কৰিছে বহুতেই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
