ৰন্ধনৰ সময়ত অলপমান অসাৱধান হ’লেই বিপদ ঘটে৷ ৰান্ধি থাকোতে কেতিয়াবা ৰন্ধা খাদ্য বাচনৰ তলত লাগি ধৰে বা জ্বলি যায়৷ সম্পূৰ্ণ খাদ্যতেই লগে লগে পোৰা পোৰা গোন্ধ বিয়পি কৰে৷ সহজে ঘৰুৱা কিছু উপায় অৱলম্বন কৰি পোৰা তৰকাৰি ঠিক কৰিব পাৰি৷ পোৰা গোন্ধও সহজেই দূৰ কৰিব পাৰি৷
পোৰা তৰকাৰীৰ পাত্ৰ সলনি কৰক
যি কেৰাহী বা চৰুত আপুনি ৰান্ধি আছে তেই পাত্ৰ তৎক্ষণাৎ সলনি কৰক৷ খাদ্যবিধ অন্য কেৰাহী বা পাত্ৰত ঢালি দিয়ক৷ পোলাও-বিৰয়ানী আদি ৰান্ধোতে পাত্ৰৰ তলত লাগি গলে ওপৰৰ পৰা লাহে লাহে খাদ্যবিধ তুলি আনক৷ পোৰা পাত্ৰত খাদ্য ৰান্ধিলে সমগ্ৰ খাদ্যতেই পোৰা পোৰা গোন্ধ বিয়পি পৰে৷
ভিনেগাৰ মিহলাই লওক
এবাৰ খাদ্য পুৰি গলেই খাবলৈ বেয়া হৈ পৰে৷ পাত্ৰ সলনি কৰিলেও কেতিয়াবা কাঢ়া গোন্ধ নাযায়৷ তেতিয়া ৰন্ধন সামগ্ৰীবিধত ভিনেগাৰ মিহলাই দিয়ক৷ খাদ্য কম জুইত ৰাখি লাহে লাহে লৰাই থাকক৷ আৰু কম কমকৈ ভিনেগাৰ যোগ কৰি যাওক৷ ইয়াৰ ফলত পোৰা গোন্ধ গুচি যায়৷ ভিনেগাৰৰ সলনি নেমুৰ ৰস, টমেট চছো ব্যৱহাৰ কৰিব পাৰে৷
আলুও কামত আহে
পোৰা খাদ্যৰ স্বাদ সলনি কৰিব পাৰে আলুৱে৷ আলুৱে পোৰা গোন্ধ শুহি লয়৷ এটা আলু দুটুকুৰাকৈ এই পোৰা খাদ্যত মিহলাই দিয়ক৷ ১০-১৫মিনিট মৃদু জুইত ৰান্ধক৷ ৰন্ধনৰ শেষত আলু দুটুকুৰা তুলি আনক৷ দাইল পুৰি গলেও এই উপায় গ্ৰহণ কৰিব পাৰে৷
ৰঙালাও ব্যৱহাৰ কৰিব পাৰে
মাংস ৰান্ধিবলৈ গৈ পুৰি গৈছে? চিন্তা নকৰিব৷ মাংসৰ টুকুৰাসমূহ প্ৰথমে তুলি লওক৷ জোলৰ ভিতৰত ২-৩ টুকুৰা ৰঙালাও মিহলাই দিয়ক৷ ৰঙালাও সিজি যোৱা পৰ্যন্ত জোলখিনি উতলাই থাকক৷ তাৰপিছতেই ৰঙালাও টুকুৰাকেইটা তুলি লওক আৰু মাংসসমূহ সেই জোলত মিহলাই দিয়ক৷ দেখিব মাংসৰ জোলৰ পৰা পোৰা গোন্ধ আঁতৰি গৈছে৷
শুকান খাদ্য পুৰি গ’লে কি কৰিব?
পাউৰুটি সেঁকোতে পুৰি গৈছে বা ৰুটিও পুৰি গৈছে? এই অৱস্থাত পোৰা অংশটো কাটি পেলাওক৷ আৰু অলপ তেল বা মাখন পাউৰুটি বা ৰুটি টুকুৰাত মিহলি কৰি সেঁকক৷ তেতিয়া পাউৰুটি বা ৰুটিৰ স্বাদ বেয়া নহয় আৰু পোৰা গোন্ধও আঁতৰি যায়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
