ব্যস্ততাৰ মাজত বা দীৰ্ঘ ভ্ৰমণত হয়তো আপোনাৰো প্ৰস্ৰাৱ ধৰি ৰখাৰ অভ্যাস বা অভিজ্ঞতা আছে৷ প্ৰস্ৰাৱ লাগিলেও কিন্তু প্ৰস্ৰাৱ কৰিবলৈ উপযুক্ত স্থানৰ অভাৱত বহুতেই প্ৰস্ৰাৱ ধৰি ৰাখে৷ বহুতেই ভাৱে যে এয়া তেনেই সাধাৰণ এক বিষয়৷ কিন্তু এয়া অলপ সময়ৰ বাবে হ’লে সমস্যা নাই৷ এই বিষয়টো যদি বেছি সময়লৈ বাঢ়ি যায় বা ইয়াৰ এক অভ্যাসত পৰিণত কৰি লয় তেতিয়া কিন্তু শৰীৰত মাৰাত্মক সমস্যাৰ সৃষ্টি হ’ব পাৰে৷ কি কি সমস্যাত ভূগিব পাৰে?
এঘণ্টা প্ৰস্ৰাৱ চেপি ৰখাৰ তাৎক্ষণিক ফল কি?
যদি কাৰোবাৰ মুত্ৰথলি সুস্থ থাকে তেন্তে তেওঁ কেৱলমাত্ৰ এঘণ্টাৰ বাবেহে প্ৰস্ৰাৱ চেপি ৰাখিব পাৰে৷ আৰু সাধাৰণতে ইয়াৰ ফলত তেতিয়া তেওঁৰ স্বাস্থ্যৰ বিশেষ ক্ষতি নহয়৷ কিন্তু মুত্ৰথলি দুৰ্বল হ’বলৈ ধৰে৷ আৰু এয়া অভ্যাস হৈ গ’লে কি হ’ব?
অস্বস্তি আৰু চাপ
এঘণ্টা প্ৰস্ৰাৱ ধৰি ৰাখিলে মুত্ৰথলিত চাপৰ সৃষ্টি হয়৷ যাৰ ফলত তলপেটত বা মূত্ৰথলিৰ আশেপাশে সামান্য অস্বস্তি বা বিষ অনুভৱ হ’ব পাৰে৷
বাৰে বাৰে প্ৰস্ৰাৱৰ চাহিদা
মস্তিষ্কত সংকেত যোৱাৰ বাবেই প্ৰস্ৰাৱৰ তাগিদা আৰু তীব্ৰ হয়৷ যাৰ ফলত মনোযোগ নষ্ট হ’ব পাৰে৷
শৰীৰবৃত্তীয় প্ৰস্তুতি
এই সময়ত সেই ব্যক্তি ইউৰিন ব্লাডাৰ বা মূত্ৰথলিৰ পেশিসমূহ আৰু প্ৰসাৰিত হয় ফলত বেছি পৰিমাণৰ প্ৰস্ৰাৱ ভিতৰত সংৰক্ষণ হ’ব ধৰে৷
বিশেষজ্ঞই কি কয়?
এজন সুস্থ প্ৰাপ্তবয়স্ক মানুহৰ মূত্ৰথলিত সাধাৰণতে ৩৫০ মিলিৰ পৰা ৫০০ মিলি পৰ্যন্ত প্ৰস্ৰাৱ জমা হ’ব পাৰে৷ জৰুৰী পৰিস্থিতিত ১ ঘণ্টা প্ৰস্ৰাৱ ধৰি ৰাখিলে তাৎক্ষণিক কোনো ডাঙৰ বিপদ নঘটে যদিও এয়া অভ্যাসত পৰিণত কৰিলে স্বাস্থ্যৰ ক্ষতি হ’ব পাৰে৷
এঘণ্টা প্ৰস্ৰাৱ ধৰি ৰাখিলে মূত্ৰনলীত সংক্ৰমণ স্বাভাৱিক নেকি?
প্ৰস্ৰাৱ ধৰি ৰাখিলে ইউৰেনাৰি ট্ৰেক্ট ইনফেকশ্ব্যন বা UTI মূত্ৰনলীৰ সংক্ৰমণ হোৱাৰ আশংকা থাকে৷ কাৰণ ইয়াৰ ফলত মূত্ৰথলিত বেক্টেৰিয়াৰ সংখ্যা বাঢ়ি যায়৷
এই অভ্যাস কিয় বিপজ্জনক?
মূত্ৰথলিৰ পেশি দুৰ্বল হৈ পৰে
দীৰ্ঘদিন ধৰি এই অভ্যাস বজায় ৰাখিলে মূত্ৰথলিৰ পেশি দুৰ্বল হৈ পৰে৷ ফলত পৰবৰ্তীসময়ত প্ৰস্ৰাৱ কৰাৰ সময়ত সম্পূৰ্ণৰূপে প্ৰস্ৰাৱ শৰীৰৰ পৰা ওলাই নাযায় যিয়ে সংক্ৰমণৰ আশংকা বঢ়ায়৷
কিডনিৰ ওপৰত চাপ
দীৰ্ঘসময় ধৰি প্ৰস্ৰাৱ ধৰি ৰাখিলে চাপ ধীৰে ধীৰে কিডনিৰ দিশলৈ যায় আৰু কিডনিৰ স্বাস্থ্যৰ বাবেও ই ক্ষতিকাৰক৷
মূত্ৰথলিত পাথৰ
প্ৰস্ৰাৱ ধৰি ৰাখিলে ইউৰিনৰ মাজত থকা খনিজ পদাৰ্থসমূহ জমা বান্ধি পাথৰ তৈয়াৰ কৰিব পাৰে৷
মূত্ৰনলীৰ সংক্ৰমণ
ই সকলোতকৈ বিপজ্জনক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
