ক্ৰিকেটৰ পৰা অৱসৰ লোৱাৰ পাছত বহু খেলুৱৈক কচিং বা ধাৰাভাষ্যৰ জগতলৈ তেওঁ যায়৷ বৰ্তমান এনে বহু ক্ৰিকেট লিগো আছে য’ত কেৱলমাত্ৰ অৱসৰপ্ৰাপ্ত ক্ৰিকেটাৰসকলেই অংশগ্ৰহণ কৰে৷ ইয়াৰ ফলত খেলুৱৈসকলে অৱসৰৰ পাছতো ক্ৰিকেটৰ সৈতে যুক্ত থাকিব পাৰে৷ কিন্তু এনে কিছু ক্ৰিকেটাৰ আছে যিসকলে অৱসৰৰ পাছত সম্পূৰ্ণ ভিন্ন পেছা বাচি লৈছে৷ তেনে এজন ভাৰতীয় ক্ৰিকেটাৰ হৈছে সিদ্ধাৰ্থ কল৷ তেওঁ বিৰাট কোহলিৰ নেতৃত্বাধীন ভাৰতীয় অনূৰ্ধ্ব-১৯ৰ বিশ্বকাপজয়ী দলৰ সদস্য আছিল৷ ক্ৰিকেটৰ পৰা অৱসৰ লোৱাৰ পাছত বৰ্তমান তেওঁ এক বেংকত সাধাৰণ চাকৰি কৰি জীৱনযাপন কৰিছে৷
সিদ্ধাৰ্থ কলৰ ক্ৰিকেট কেৰিয়াৰত খুবেই দীৰ্ঘ নহলেও যিমানদিন খেলিছে সিমানদিনতেই তেওঁ নিজৰ পাৰ্ফৰমেন্সেৰে সকলোৰে নজৰ কাঢ়িছে৷ অনূৰ্ধ্ব-১৯ বিশ্বকাপ জয়ৰ ওপৰিও তেওঁ ভাৰতৰ জাতীয় দলৰ হৈয়ো প্ৰতিনিধিত্ব কৰিছে৷ ভাৰতৰ হৈ তেওঁ ৩খন এদিনীয়া আন্তৰ্জাতিক আৰু ৩খন টি-টোয়েণ্টি আন্তৰ্জাতিক মেচ খেলাৰ সুযোগ পাইছিল৷ পৰ্যাপ্ত সুযোগ নোপোৱাত শেষ পৰ্যন্ত সিদ্ধাৰ্থ কৌলে ২০২৪ চনৰ ক্ৰিকেটৰ পৰা অৱসৰ ঘোষণা কৰে৷ ঘৰুৱা ক্ৰিকেট পঞ্জাৱৰ হৈ ধাৰাবাহিকভাৱে দুৰ্দান্ত পাৰ্ফৰমেন্স কৰা সিদ্ধাৰ্থ কৌলে অৱসৰৰ পাছত বৰ্তমান চণ্ডীগড়ত ভাৰতীয় ষ্টেট বেংকৰ এখন শাখাত কৰ্মৰত হৈ আছে৷
ক্ৰিকেটৰ পৰা অৱসৰ লোৱাৰ পাছত জীৱনৰ দ্বিতীয় অধ্যায়তো তেওঁ নিষ্ঠাৰে সৈতে নিজৰ দায়িত্ব পালন কৰিছে৷ ভাৰতত এনে ক্ৰিকেটাৰৰ সংখ্যা খুবেই কম যিয়ে অৱসৰৰ পাছত এই ধৰণৰ পেছা বাচি লৈছে৷ কাৰণ অধিকাংশ ক্ৰিকেটাৰেই প্ৰশিক্ষক, ধাৰাভাষ্যকাৰ অথৱা ক্ৰিকেট সংক্ৰান্তিয় অন্যান্য পেছাৰ সৈতে যুক্ত হৈ পৰে৷ সেই কাৰণেই সিদ্ধাৰ্থক লৈ চৰ্চা হৈছে৷ কাৰণ তেওঁ অন্যতকৈ পৃথক৷ সিদ্ধাৰ্থ কৌলে ২০০৮ চনত প্ৰথমবাৰৰ বাবে কলকাতা নাইট ৰাইডাৰ্ছৰ হৈ খেলিছিল৷ তেওঁক দলে ২০লাখ টকাত ক্ৰয় কৰিছিল৷ ২০১৩ চনত তেওঁক ক্ৰয় কৰিছিল দিল্লী ফ্ৰেঞ্চাইজিয়ে৷ তেওঁক প্ৰায় ৫০লাখ টকাত ক্ৰয় কৰিছিল দিল্লী কেপিটেলছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
