সম্পূৰ্ণ ৰূপে বন্ধ হৈ পৰিব পাৰে অ’লা, উবেৰ, ৰেপিড’। ১ ছেপ্টেম্বৰ ২০২৬ৰ পৰা অনিৰ্দিষ্টকাললৈ বন্ধ হৈ পৰিব অনলাইন ৰেপিড’ আৰু কেব সেৱা। এই সিদ্ধান্তৰ ফলত দৈনিক কাম-কাজ, কাৰ্যালয়, ব্যৱসায়-বাণিজ্য অথবা অন্যান্য প্ৰয়োজনত অনলাইন কেবৰ ওপৰত নিৰ্ভৰ কৰা বহু যাত্ৰী অসুবিধাৰ সন্মুখীন হ’ব পাৰে। বৰ্তমান সময়ত নগৰাঞ্চলত অনলাইন কেব সেৱা যাতায়াতৰ এক গুৰুত্বপূৰ্ণ মাধ্যম হৈ পৰিছে। মোবাইল ফোনৰ জৰিয়তে অতি সহজে কেব বুকিং কৰি নিৰ্দিষ্ট স্থানলৈ যাব পৰা সুবিধাৰ বাবে বহু লোকেই ব্যক্তিগত বাহনৰ পৰিৱৰ্তে এই সেৱা ব্যৱহাৰ কৰে। বিশেষকৈ ব্যস্ত সময়ত অনলাইন কেব সেৱাই যাত্ৰীসকলক যথেষ্ট সকাহ দি আহিছে।
কিন্তু ১ ছেপ্টেম্বৰৰ পৰা এই সেৱা অনিৰ্দিষ্টকাললৈ বন্ধ থাকিলে যাত্ৰীসকলৰ মাজত যথেষ্ট সমস্যাৰ সৃষ্টি হ’ব পাৰে। কেবৰ ওপৰত নিৰ্ভৰশীল কৰ্মচাৰী, ছাত্ৰ-ছাত্ৰী, বয়োজ্যেষ্ঠ লোক তথা দৈনিক যাত্ৰা কৰা লোকসকলে বিকল্প যাতায়াতৰ ব্যৱস্থা বিচাৰিবলগীয়া হ’ব।
এই সিদ্ধান্তৰ আঁৰত থকা মূল কাৰণ, প্ৰতিকিলোমিটাৰ বিনিময়ত ভাৰাৰ নিৰিখ বৃদ্ধিৰ দাবী। কেৱল সেয়াই নহয়, Waiting charge প্ৰতি মিনিটত ২টকালৈ বৃদ্ধিৰ দাবী, Cancellation charge নূন্যতম ৫০ৰ পৰা ৮০ কৰাৰ দাবী। দাবী পূৰণৰ বাবে ৩১ আগষ্ট সময় বান্ধি দিলে প্ৰতিবাদী চালক সন্থাই। যদি দাবী পূৰণ নহয় তেন্তে, ১ ছেপ্টেম্বৰৰ পৰাই খালী হৈ পৰিব ৰাজপথ।
চিৰদিনলৈ বন্ধ হৈ পৰিব অনলাইন অ’লা, উবেৰ, ৰেপিড’। খালী হৈ পৰিব ৰাজপথ। দুচকীয়া, তিনিচুকীয়া, চাৰিচকীয়া একো বাহনেই নাপাব যাত্ৰীয়ে। ঐক্যবদ্ধ চালকৰ হুংকাৰ। ইয়াৰ ফলত দুচকীয়া, তিনিচুকীয়া, চাৰিচকীয়া একো বাহনেই নাপাব যাত্ৰীয়ে। অনিৰ্দিষ্টকাললৈ বন্ধ হৈ পৰিব অনলাইন অ’লা, উবেৰ, ৰেপিড’ সেৱা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
