অসম লাইভ ২৪ঃ ছাত্ৰ-ছাত্ৰীক ভৱিষ্যতে ভাল মানুহ হোৱাৰ শিক্ষা দিয়া স্বয়ং শিক্ষকেই এইবাৰ পলায়ন কৰিলে আৰক্ষী থানাৰ পৰা৷ এই ঘটনা সংঘটিত হৈছে বৰাকত৷ আছিমিয়া ছিনিয়ৰ মাদ্ৰাছাৰ মধ্যাহ্ন ভোজনৰ চাউল আত্মসাতৰ অভিযোগ উঠিছিল ফকৰুল ইছলাম নামৰ শিক্ষকজনৰ বিৰুদ্ধে৷ কৰিমগঞ্জৰ বিদ্যালয় পৰিদৰ্শকৰ গোচৰৰ ভিত্তিত ইছলামক সোমবাৰে পাথাৰকান্দি আৰক্ষীয়ে গ্ৰেপ্তাৰ কৰিছিল৷ পিছে, কৰিমগঞ্জ সদৰ থানাৰ পৰা পুৱাৰ ভাগতে শিক্ষকজনে পলায়ন কৰে৷ শিক্ষকজনৰ পলায়নক লৈ ৰহস্যৰ সৃষ্টি হৈছে৷
কৰিমগঞ্জৰ পৰা দিব্যজ্যোতি দেব পুৰকায়স্থ
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
