মানিলণ্ডাৰিং গোচৰৰ নতুন বিতৰ্কত অভিনেত্ৰী জ্যেকলিন, তিহাৰ জেলৰ কয়দী সুকেশ চন্দ্ৰ শেখৰৰ সৈতে গোপন ফটো ভাইৰেল

অসম লাইভ ২৪ঃ মানিলণ্ডাৰিং গোচৰ সন্দৰ্ভত পুনৰ সমস্যাত পৰিব পাৰে অভিযুক্ত অভিনেত্ৰী জ্যেকলিন ফাৰ্ণাণ্ডেজ৷ একেটা গোচৰতে দোষী সাব্যস্ত হৈ সম্প্ৰতি তিহাৰ জেলত থকা CONMAN প্ৰকাশ চন্দ্ৰ শেখৰৰ সৈতে গোপন ফটো ভাইৰেল হৈছে জ্যেকলিন ফাৰ্ণাণ্ডেজৰ৷ সুকেশ চন্দ্ৰ শেখৰৰ সৈতে প্ৰেমৰ সম্পৰ্কত আছিল অভিনেত্ৰী জ্যেকলিন ফাৰ্ণাণ্ডেজ৷ বহু আগতেই এই কথা দাবী কৰিছিল সুকেশৰ অধিবক্তাই৷ কিন্তু তেতিয়া সেইকথা নস্যাৎ কৰিছিল জ্যেকলিনে৷ কিন্তু এতিয়া পুনৰ বিতৰ্কত সোমাই পৰিছে অভিনেত্ৰীগৰাকী৷ CONMAN প্ৰকাশ চন্দ্ৰ শেখৰৰ সৈতে ঘনিষ্ঠ মুহুৰ্তৰ ফটো ভাইৰেল হৈছে অভিনেত্ৰীগৰাকীৰ৷ ঔষধ নিৰ্মাতা প্ৰতিষ্ঠানৰ মালিক শিবেন্দ্ৰ সিঙৰ পৰিয়ালক ২০০ কোটি টকাৰ প্ৰতাৰণাৰ অভিযোগত অভিযুক্ত সুকেশ চন্দ্ৰ শেখৰ৷ সেইগৰাকী প্ৰতাৰকৰ সৈতে ছ’ছিয়েল মিডিয়াত ভাইৰেল এখন ফটোৰ বাবে এতিয়া পুনৰ বিতৰ্কত জ্যেকলিন৷ কিয়নো পূৰ্বে মানিলণ্ড্ৰিঙৰ অভিযোগত দুবাৰকৈ EDৰ জেৰাৰ সন্মুখীন হৈছে অভিনেত্ৰীগৰাকী৷ সেয়ে ভাইৰেল ছবিখনকলৈ এতিয়া দুয়োৰে মাজৰ সম্পৰ্ক আৰু গোচৰ সন্দৰ্ভত বিভিন্ন প্ৰশ্নৰ অৱকাশ হৈছে জ্যেকলিনক লৈ৷

Click Here for more:

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ