দৈনিক কোনোবা নহয় কোনোবা ভাৰতীয় বিমানত বোমা ৰখাৰ খবৰ ভাইৰেল হৈছে৷ এই ভুৱা খবৰেই এতিয়া বিপদত পেলাইছে বিমান সংস্থাসমূহক৷ যাত্ৰীৰ মাজত ভয় ভাৱ বিভিন্ন ফ্লাইটৰ সময়সূচীত খেলিমেলি আদি সমস্যাই দেখা দিছে৷ এই বোমাতংকৰ বাবেই এয়াৰলাইন্সমূহৰ বিপুল খৰচো হৈছে৷
কিয় এনে হৈছে?
বোমাতংকৰ বাবে বহু বিমানৰ জৰুৰী অৱতৰণো কৰা হৈছে৷ কেতিয়াবা উৰাণৰ মাত্ৰ কেইটামান মিনিটক পাছতেই আহিছে এনে খবৰ৷ প্ৰটকল মানি নতুনকৈ আকৌ বিমানত তালাছি চলোৱা হয় এইবোৰতেই ব্যয় হয় বহু পৰিমানৰ ধন৷
বোমাতংকৰ বাবে কিমান খৰচ বাঢ়িছে?
মুম্বাইৰ পৰা নিউৱৰ্কগামী এয়াৰ ইণ্ডিয়াৰ বোয়িং ৭৭৭ বিমানত বোমাতংকৰ ঘটনা ঘটে৷ উৰাৰ কিছুক্ষণ পাছতেই আহে বিমানত বোমা ৰখাৰ খবৰ৷ দ্ৰুত ব্যৱস্থা গ্ৰহণ কৰি অহা বাবে উভতি দিল্লীত জৰুৰী অৱতৰণ কৰা হয় বিমানখনৰ৷ জৰুৰীভাৱে অৱতৰণ কৰোৱা হয় দিল্লীৰ বিমানবন্দৰত৷ টাইমছ অফ ইণ্ডিয়াৰ এক প্ৰতিবেদন সূত্ৰৰ খবৰ অনুসৰি অৱতৰণৰ সময়ত যথেষ্ট সমস্যা হয়৷ লেণ্ডিঙৰ সময়ত বোয়িং ৭৭৭ বিমানৰ সৰ্বোচ্ছ ওজন থাকিব লাগে ২৫০টন৷ কিন্তু যাত্ৰা আৰম্ভৰ সময়ত এই ধৰণৰ বিমানৰ ইন্ধন, যাত্ৰী, মালপত্ৰ সহিতে ওজন থাকে ৩৪০-৩৫০টন৷ ফলত দিল্লীত নমাৰ সময়ত ১০০টন ইন্ধন এৰি দিব লগা হয় বিমানখনৰ পৰা৷
এইক্ষেত্ৰত কেৱল ইন্ধনেই নষ্ট হৈছে তেনে নহয়৷ এই নষ্ট ইন্ধনৰ দাম প্ৰায় ১ কোটি টকা৷ খবৰ অনুসৰি দিল্লী বিমানবন্দৰৰ লেণ্ডিং আৰু পাৰ্কিং খৰচো বহু বেছি৷ সকলো যাত্ৰী আৰু বিমানকৰ্মীৰ বাবে হোটেলৰ ব্যৱস্থা কৰা হয়৷ ক্ষতিপূৰণ দিয়া হয়৷ সেই বিমানখনক গ্ৰাউণ্ডত নমাই আকৌ তালাছি চলোৱা হয়৷ ইয়াৰোপৰি যিহেতু এই বিমানখন নিউয়ৰ্কত উপস্থিত নহ’ল তাৰবাবে নিউয়ৰ্কৰ পৰা আহিবলগা যাত্ৰীসকলক আনিব নোৱাৰিলে বিমানখনে৷ সকলো মিলি এটা এটা বোমাতংকৰ ঘটনাত ৩কোটি টকাতকৈ বেছি খৰচ হৈছে৷ এই সপ্তাহৰ ভিতৰত কেইবাখনো বিমানত বোমা ৰখাৰ ধমকি আহিছে৷ বৃহস্পতিবাৰ পৰ্যন্ত এই ঘটনাৰ সংখ্যা হৈছেগৈ প্ৰায় ৪০৷ ইয়াৰ ফলত সামগ্ৰিকভাৱে এয়াৰলাইন্সসমূহৰ বৃহৎ আৰ্থিক ক্ষতি হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
