অতিকে শোকাৱহ, ৬৫০ ফুট উচ্চতাৰ পৰা নদীত পৰি মৃত্যু ২৫ গৰাকী লোকৰ
পুৱাই সংঘটিত হোৱা খবৰে শোকস্তব্ধ কৰি তুলিছে বহু লোকক। ৬৫০ ফুট উচ্চতাৰ পৰা নদীত পৰি মৃত্যু হয় ২৫ গৰাকীকৈ লোকৰ। এখন যাত্ৰী ভৰ্তি বাছ দুৰ্ঘটনাত পতিত।
এই অতিকে শোকাৱহ তথা ভয়ংকৰ পথ দুৰ্ঘটনাটো সংঘটিত হৈছে পেৰুত। এক পাহাৰীয় এলেকাত নিয়ন্ত্ৰণ হেৰুৱাই বাছ খন পৰি যায় ৬৫০ ফুট তলৰ নদীত। যাৰ ফলত বাছখন ভাঙি চুৰমাৰ হৈ পৰে। লগতে ঘটনাস্থলীতে মৃত্যুক সাৱতি লয় ২৫ গৰাকী লোকে।
দুৰ্ঘটনাৰ সময়ত বাছ খনত ৫০ গাৰকী যাত্ৰী আছিল বুলি জানিব পৰা গৈছে। বাছখন নদীৰ পানীত ভাঙি যায় আৰু বাছখনত থকা কিছুমান লোকক পানীয়ে উটুৱাই লৈ যায়।
ঘটনাৰ খবৰ লাভৰ লগে লগে দুৰ্ঘটনাস্থলীত উদ্ধাৰকাৰী আৰু অগ্নিনিৰ্বাপক বাহিনীৰ লোক উপস্থিত হয় আৰু উদ্ধাৰকাৰ্য চলাই। আহতসকলক উদ্ধাৰ কৰি চিকিৎসালয়লৈ প্ৰেৰণ কৰা হৈছে।
উল্লেখ্য যে, দ্ৰুতবেগী গাড়ী, পথৰ দুৰৱস্থা, পথত থাকিবলগীয়া প্ৰয়োজনীয় চিন নথকা আৰু যান-বাহন নিয়ম বলবৎ নকৰাৰ বাবে পেৰুৰ পথত সঘনাই দুৰ্ঘটনা সংঘটিত হয়। বিগত বৰ্ষত দেশখনত যান-বাহন দুৰ্ঘটনাত ৩১০০ৰো অধিক লোকৰ মৃত্যু হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
