অল ইণ্ডিয়া ইউনাইটেড ডেম’ক্ৰেটিক ফ্ৰণ্টৰ মুৰব্বী তথা ধুবুৰী সমষ্টিৰ লোকসভাৰ সাংসদ বদৰুদ্দিন আজমলৰ পূৰ্ব পুৰুষ বংগমূলীয় মুছলমান নহয় হিন্দুহে আছিল৷ এই বাদী কৰিছে খোদ লোকসভাৰ সাংসদ বদৰুদ্দিন আজমলে৷
সংবাদ মাধ্যমৰ আগত বৰুদ্দিন আজমলে কয়, ‘‘মোৰ পূৰ্বপুৰুষসকল হিন্দু আছিল। হিন্দুৰ এটা সৰু দলৰ অত্যাচাৰৰ বাবে মোৰ পূৰ্বপুৰুষসকলে ইছলাম ধৰ্ম গ্ৰহণ কৰিবলগীয়া হৈছিল।’’ অৰ্থাৎ আজমলৰ মতে হিন্দুসকলৰ অত্যাচাৰৰ বাবেই তেওঁৰ পূৰ্বপুৰুষে মুছলমান ধৰ্মলৈ ধৰ্মান্তৰিত হ’বলৈ বাধ্য হৈছিল।
আনহাতে ৰাষ্ট্ৰীয় স্বয়ং সেৱক সংঘ আৰু বিজেপিক আক্ৰমণ কৰি আজমলে লগতে কয় যে হিন্দু ৰাষ্ট্ৰৰ এজেণ্ডাক এক ৰাজনৈতিক প্ৰহসনহে৷ আজমলে কয় যে হিন্দু ভোট লাভৰ বাবে তেওঁলোকে ৰাজনৈতিক আহিলা হিচাপে ব্যৱহাৰ কৰে।
লগতে পঢ়ক পৰীক্ষা কৰক নিজৰ SBI একাউণ্ট, বেংকে বন্ধ কৰিছে বহু একাউণ্ট!
কিছুদিন পূৰ্বে আজমলে আগন্তুক ঈদ উদযাপনৰ সময়ত অসমৰ মুছলমানসকলক গৰু বলি নিদিবলৈ আহ্বান জনাইছিল আৰু অন্য জীৱ-জন্তুক ধৰ্মীয় ৰীতি নীতি পালন কোৰবানি কৰিবলৈ অনুৰোধ জনাইছিল।
আজমলৰ এই আহ্বানে ৰাজ্যজুৰি তীব্ৰ প্ৰতিক্ৰিয়াৰ সৃষ্টি কৰে যাৰ ফলত ৰাজ্যখনৰ বহু মুছলমান নেতাই আজমলক বিৰোধিতা কৰিবলৈ আৰম্ভ কৰে। এই সন্দৰ্ভত আজমলে কয় যে মই মোৰ হিন্দু ভাইসকলৰ আৱেগক সন্মান কৰিবলৈ আহ্বান জনাইছো। আনকি বহুতো মুছলমান ধৰ্মীয় অনুষ্ঠানে গৰু বলিদানক সমৰ্থন নকৰে। তেওঁৰ মতে, দেশৰ সৰ্ববৃহৎ ইছলামিক শিক্ষানুষ্ঠান দাৰুল উলুম দেওবন্দেও কেইবছৰমান পূৰ্বে একেধৰণৰ আহ্বান জনাইছিল।
ইফালে, বদৰুদ্দিন আজমলে বিজেপিক আক্ৰমণ কৰি আহিলেও ৰাষ্ট্ৰপতিৰ নিৰ্বাচনত তেওঁৰ দলে এনডিএ প্ৰাৰ্থীকে সমৰ্থন কৰিব পাৰে। ইতিমধ্যে আজমলে এনডিএৰ প্ৰাৰ্থী দ্ৰৌপদী মুৰ্মুক সমৰ্থন কৰাৰ ইংগিত দিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
