অন্ধ্ৰপ্ৰদেশ-বিহাৰ বিশেষ ২০২৪ৰ বাজেট …
বিহাৰৰ পথ সংযোগ প্ৰকল্পৰ বাবে ২৬ হাজাৰ কোটি টকা আগবঢ়োৱাৰ কথা বাজেটত ঘোষণা কৰে বিত্তমন্ত্ৰীয়ে। ইয়াৰ ফলত পাটনা-পুৰ্ণিয়া এক্সপ্ৰেছৱে, বাক্সাৰ-ভাগলপুৰ এক্সপ্ৰেছৱেৰ উন্নয়ন হ’ব কাশী-বিশ্বনাথ কৰিডৰ, বিষ্ণুপদ মন্দিৰ আৰু মহাবোধী কৰিডৰৰ নিৰ্মাণ কৰা হব। বোধগয়া, ৰাজগীৰ, বৈশালি আৰু দৰভংগা পথ সংযোগ প্ৰকল্পও গঢ়ি তোলা হ’ব। ইয়াৰ উপৰিও বাক্সাৰ গংগা নদীত অতিৰিক্ত দুই লেনযুক্ত দলং নিৰ্মাণত সহায় কৰিব। ২১ হাজাৰ ৪০০ কোটি টকা ব্যয় সাপেক্ষে বিহাৰত আৰম্ভ হ’ব বিদ্যুৎ প্ৰকল্প। ইয়াৰ ভিতৰত পিৰপাইন্তিত ২৪০০ মেগাৱাট শক্তিৰ নতুন প্লাণ্ট স্থাপনৰ কথাও আছে। বিহাৰত নতুন বিমানবন্দৰ, চিকিৎসা মহাবিদ্যালয় আৰু ক্ৰীড়া আন্তঃগাঁথনিও নিৰ্মাণ কৰা হ’ব। মূলধনী বিনিয়োগক সহায় কৰিবলৈ অতিৰিক্ত আবণ্টন প্ৰদান কৰা হ’ব। বহুপক্ষীয় উন্নয়ন বেংকৰ পৰা বহিঃসাহায্যৰ বাবে বিহাৰ চৰকাৰৰ অনুৰোধ ক্ষিপ্ৰতাৰে প্ৰক্ৰিয়াকৰণ কৰা হ’ব।
অন্ধ্ৰ প্ৰদেশৰ বাজেট ঘোষণা কৰি বিত্তমন্ত্ৰী নিৰ্মলা সীতাৰমণে কয় যে ‘অন্ধ্ৰ প্ৰদেশ পুনৰ্গঠন আইনৰ প্ৰতিশ্ৰুতি পূৰণৰ বাবে চৰকাৰে সমন্বিত প্ৰচেষ্টা চলাইছে। বহুপক্ষীয় উন্নয়ন সংস্থাৰ জৰিয়তে অন্ধ্ৰপ্ৰদেশক আৰ্থিক সাহায্য প্ৰদানৰ সুবিধা প্ৰদান কৰিব। চলিত বিত্তীয় বৰ্ষত ১৫ হাজাৰ কোটি টকাৰ যোগান ধৰা হ’ব আৰু আগন্তুক বছৰত অতিৰিক্ত পুঁজিৰ ব্যৱস্থা কৰা হ’ব। পোলাভাৰম জলসিঞ্চন প্ৰকল্পৰ কাম আগতীয়াকৈ সমাপ্ত কৰাৰ বাবে সম্পূৰ্ণ দায়বদ্ধ। ইয়াৰ দ্বাৰা আমাৰ দেশক খাদ্য সুৰক্ষাৰ ক্ষেত্ৰতো সহায়ক হ’ব বুলি উল্লেখ কৰে বাজেটত। বিশাখাপট্টনম-চেন্নাই ঔদ্যোগিক কৰিডৰৰ কোপপাৰ্থী অঞ্চলত আন্তঃগাঁথনিৰ ওপৰত গুৰুত্ব। অৰ্থনৈতিক উন্নয়নৰ বাবে মূলধনী বিনিয়োগৰ বাবে এবছৰ পৰ্যন্ত অতিৰিক্ত আবণ্টন। ‘আইনত ৰায়লাসীমা, প্ৰকাশম আৰু উত্তৰ উপকূলীয় অন্ধ্ৰ প্ৰদেশৰ পিছপৰা অঞ্চলৰ বাবে অনুদান।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
