পুনৰ বোমা বিস্ফোৰণে কঁপাই গৈছে পাকিস্তান৷ মংগলবাৰে দেশখনৰ বেলুচিস্তান অনুষ্ঠিত পাক ৰাষ্ট্ৰপতি আৰিফ আলিৰ অনুষ্ঠানত পূৰ্বে সংঘটিত হয় সেই এই আত্মঘাতী বিস্ফোৰণ৷
বিস্ফোৰণটো দেশখনৰ ৰাষ্ট্ৰপতি আৰিফ আলিৰ অনুষ্ঠান আৰম্ভ হোৱাৰ মাত্ৰ ৩০ মিনিটৰ পূৰ্বে সংঘটিত হয়৷ সংবাদ মাধ্যমত প্ৰকাশ পোৱা অনুসৰি ৰাষ্ট্ৰপতি অনুষ্ঠানৰ পৰা মাত্ৰ ৮০০ মিটাৰ নিলগত আত্মঘাতী বোমাৰুৱে বিস্ফোৰণ সংঘটিত কৰে৷
বিস্ফোৰণত অনুষ্ঠানৰ নিৰাপত্তাৰ দায়িত্ব থকা সাতগৰাকী নিৰাপত্তাৰক্ষীৰ মৃত্যু হৈছে৷ উক্ত বিস্ফোৰণটো দক্ষিণ-পশ্চিম পাকিস্তানত বিচ্ছিন্নতাবাদী সংগঠনে সংঘটিত কৰা বুলি দাবী কৰিছে পাকিস্তান চৰকাৰে৷ আনহাতে আইচিছে এই আত্মঘাতী আক্ৰমণৰ কৰাৰ কথা স্বীকাৰ কৰিছে৷
লগতে পঢ়ক পৌৰসভা নিৰ্বাচনত কংগ্ৰেছৰ বিপৰ্যয় : পৰাজয়ৰ দায়িত্ব স্বীকাৰ সভাপতি ভূপেন বৰাৰ
উল্লেখ্য যে এই সংগঠনটোৱেই যোৱা শুক্ৰবাৰে পেছোৱাৰৰ এটা ছিয়া মছজিদত হোৱা আত্মঘাতী আক্ৰমণৰ দায়িত্বও স্বীকাৰ কৰিছিল, য’ত ৬২ জন লোক নিহত আৰু প্ৰায় ২০০ জন লোক আহত হৈছিল।
উল্লেখ্যে যে ইৰাণ আৰু আফগানিস্তানৰ সীমান্তত অৱস্থিত বেলুচিস্তান হৈছে পাকিস্তানৰ আটাইতকৈ দৰিদ্ৰ অঞ্চল৷ প্ৰাকৃতিক সম্পদেৰে ভৰা উক্ত অঞ্চলটো বিচ্ছিন্নতাবাদী সংগঠন সন্ত্ৰাসবাদী কাৰ্যকলাপৰ বাবে এতিয়াও উন্নয়ন সম্ভৱ হোৱা নাই বুলি কোৱা হয়৷
লগতে পঢ়ক সন্মুখ সমৰত ব্যৰ্থ বিডেন! অন্য পথেৰে পুটিনক ভেটাৰ চেষ্টা মাৰ্কিন ৰাষ্ট্ৰপতিৰ!
যোৱা কে’বাটা সপ্তাহত অঞ্চলটোত বিচ্ছিন্নতাবাদীসকলে নিৰাপত্তা ঘাটিসমূহৰ লগতে বিভিন্ন ৰাজহুৱা স্থানত আক্ৰমণ চলাই বহু লোকক হত্যা কৰিছে৷ যোৱা মাহত, বেলুচ বিচ্ছিন্নতাবাদীসকলে প্ৰদেশৰ দুটা স্থানত চাৰিদিনীয়া আক্ৰমণ চলাই নজন সৈনিকক হত্যা কৰিছিল।
বিদ্ৰোহীসকলে দীৰ্ঘদিন ধৰি অঞ্চলটোত লাভজনক খনন আৰু শক্তি প্ৰকল্পৰ বিৰুদ্ধে অসন্তুষ্টি প্ৰকাশ কৰি আহিছে৷ তেওঁলোকৰ অভিযোগ যে অঞ্চলটোৰ সম্পদ আহৰণ কৰিলেও অঞ্চলবাসীয়ে তাৰ পৰা কোনো সুফল লাভ কৰা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
