শিহৰণকাৰী, কাছাৰত সুৰাসক্ত খুৰাকৰ হাতত প্ৰাণ হেৰুৱালে ২ বছৰীয়া ভতিজাকে
কালি ৩০ জুলাই তাৰিখে কাল সন্ধিয়া কাছাৰত সংঘটিত হৈছে এক অতিকে শিহৰণকাৰী ঘটনা। সুৰাসক্ত খুৰাকৰ হাতত অকালতে প্ৰাণ হেৰুৱালে এটি ২ বছৰীয়া কণমানি শিশুৱে। ঘটনাৰ পাছতে আৰক্ষীয়ে আটক কৰিবলৈ সক্ষম হয় হত্যাকৰী খুৰাকক।
ঘটনা সন্দৰ্ভত জানিব পৰা অনুসৰি, কাছাৰৰ দয়াপুৰ চাহ বাগিচাৰ আতইছৰা বস্তিত সংঘটিত হৈছে এই চাঞ্চল্যৰ হত্যাকাণ্ড। সুৰাৰ ৰাগিত কব নোৱাৰা হোৱা খুৰাকে কালি সন্ধিয়াৰ ভাগত দাৰে ডিঙি কাটি হত্যা কৰে নিজৰেই ককায়েকৰ ২ বছৰীয়া কণমানি ভতিজাকক।
খবৰ লাভ কৰাৰ পাছতে ঘটনাস্থলীত আৰক্ষী উপস্থিত হৈ হত্যাকাৰী খুৰাক ছুঠন ৰিকিয়াশনক গ্ৰেপ্তাৰ কৰে। সন্ধিয়া ঘৰৰ চোতালতে আন শিশুৰ সৈতে খেলি আছিল কণমানি শিশুটি। সেই সময়তে সুৰামত্ত অৱস্থাত ঘৰত উপস্থিত হৈ ছুটন ৰিকিয়াশনে ২ বছৰীয়া শিশুটিক ঘৰত লৈ যায় আৰু দাৰে ডিঙি কাটি হত্যা কৰে ।
ঘটনাৰ সময়ত শিশুটিৰ পিতৃ মাতৃ বাগিচাত কাম কৰি আছিলে। কিন্তু ঘটনাৰ বিষয়ে জানিব পৰাৰ লগে লগে প্ৰতিবেশী ৰাইজে ঘটনাস্থলীত উপস্থিত হৈ হত্যাকাৰী খুৰাকক নিজৰ জিম্মাত ৰাখি আৰক্ষীক খবৰ দিয়ে৷
আৰক্ষী ঘটনাস্থলীত উপস্থিত হৈ হত্যাকাৰী খুৰাকক গ্ৰেপ্তাৰ কৰি থানালৈ লৈ যায় । লগতে কণমানি শিশুটিৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে শিলচৰ মেডিকেল কলেজলৈ প্ৰেৰণ কৰে।
ঘটনাক কেন্দ্ৰ কৰি বৰ্তমানে দয়াপুৰ বাগিচাত তীব্ৰ চাঞ্চল্যৰ সৃষ্টি হৈছে । আনহাতে কি কাৰণত খুৰাকে নিজৰেই কণমানি ভতিজাক এনেদৰে হত্যা কৰে সেই বিষয়ে বৰ্তমানেও স্পষ্ট হোৱা নাই যদিও আৰক্ষীয়ে জেৰা অব্যাহত ৰাখিছে। তদন্ত সকলো বিষয় স্পষ্ট হব বুলি জনায় অতিৰিক্ত আৰক্ষী অধীক্ষক ৰজত কুমাৰে ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
