অসম লাইভ ২৪ঃ কৰোনাৰ দ্বিতীয় ঢৌৱে সমগ্ৰ বিশ্বৰ লগতে ভাৰতৰো কি সূচনীয় অৱস্থাৰ সৃষ্টি কৰিছিল সেইয়া এটা বেয়া সপোনৰ দৰে সদায়ে আমাৰ মনত সোমাই আছে। বিভিন্ন দেশৰ বিভিন্ন বিজ্ঞানীয়েও বিভিন্ন চিন্তা-চৰ্চা কৰিও অন্ত পেলাব পৰা নাই ভয়াৱহ কৰোনাৰ৷ কিছু দিনৰ বাবে কৰোনাৰ প্ৰকোপ সাধাৰণ অৱস্থালৈ অহাৰ লগে লগে কেন্দ্ৰৰ লগতে ৰাজ্য চৰকাৰসমূহেও শিথিল কৰি দিছিল কোভিড প্ৰট’কল আৰু আৰম্ভ কৰিছিল সাধাৰণ জীৱন যাত্ৰা। কিন্তু মৰি মৰিও যেন শেষ নহয় এই কৰোনাৰ। অন্ত পৰিল বুলি ভাৱোতেই পুনৰ বিশ্ববাসীৰ বাবে ভয়াৱহ বাৰ্তা কঢ়িয়াই আনিছে কৰোনাই। ন ৰূপত অহা এই কৰোনাই যেন ধাহি-মোহি নিব আকৌ এবাৰ সকলোকে। এই ন ৰূপত আহিছে কৰোনাৰ নতুন ভেৰিয়েণ্ট অমিক্ৰণ। ইতিমধ্যে ৪৮ দেশলৈ বিয়পি পৰা এই অমিক্ৰণে প্ৰৱেশ কৰিলে ভাৰততো। ভাৰতত ইতিমধ্যে দক্ষিন আফ্ৰিকাৰ পৰা অহা ৩ জন ব্যক্তিৰ দেহত ধৰা পৰিছে কৰোনাৰ এই নতুন শৃংখল অমিক্ৰণ। ইয়াৰ লগে লগে সতৰ্কতা অৱলম্বন কৰি কেন্দ্ৰীয় স্বাস্থ্য সচিবে ভাৰতৰ ৬ ৰাজ্যলৈ তাৎক্ষনিক পত্ৰ প্ৰেৰণ কৰিছে কৰোনাৰ এই অমিক্ৰণৰ ক্ষেত্ৰত অধিক গুৰুত্ব প্ৰদান কৰিবৰ বাবে। আৰু কেন্দ্ৰীয় স্বাস্থ্য সচিবে পত্ৰ প্ৰেৰণ কৰা সেই বিশেষ ৬খন ৰাজ্য হৈছে— তামিলনাডু, কৰ্নাটক , উৰিষ্যা, কেৰালা, জন্মু আৰু কাশ্মীৰ আৰু উত্তৰ পূৰ্বাঞ্চলৰ মিজোৰাম৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
