মৃত্যুৰ পূৰ্বৰ দিনাই জীৱনৰ সকলোতকৈ ডাঙৰ শপত লৈছিল হিদাৰ মোশাৰে৷ হাস্পতালৰ বিচনাত শুই, অক্সিজেন মাস্ক পিন্ধি বগা গাউন পিন্ধি হিদাৰে বিবাহ কৰালে প্ৰেমিক ডেভিড মোশাৰক৷ বিবাহৰ ১৮ ঘণ্টা পাছতেই শেষ হৈ গ’ল ডেভিড মোশাৰৰ জীৱন৷ হিদাৰ আৰু ডেভিডৰ ভালপোৱাৰ গল্প আৰম্ভ হৈছিল ২০১৫ চনত, এক ছুইং ডান্স ক্লাছত৷ প্ৰেম গাঢ় হ’বলৈ নৌপাওঁতেই ২০১৬ চনৰ ২৩ ডিচেম্বৰত ডেভিডে যিদিয়া প্ৰপোজ কৰিব বিচাৰিছিল সেইদিনাই হিদাৰৰ ব্ৰেষ্টৰ কেন্সাৰ ধৰা পৰে৷ প্ৰথমে অপাৰেছন, তাৰপিছত কেমোথেৰাপি মুঠতে কৰ্কটৰ সকলো চিকিৎসাই চলিছিল হিদাৰৰ৷ কিন্তু কৰ্কট সমগ্ৰ শৰীৰত বিয়পি পৰে৷ শেষ পৰ্যন্ত তেওঁক ভেণ্টিলেটৰত ৰাখিব লগা হৈছিল৷
প্ৰথমে ৩০ ডিচেম্বৰত বিবাহৰ দিন ঠিক কৰা হৈছিল৷ কিন্তু পৰিস্থিতিৰ অৱনতি ঘটাত তেওঁৰ বিবাহৰ দিন আগুৱাই ২২ ডিচেম্বৰত বিবাহ কৰাই ডেভিডে৷ ছেণ্ট ফ্ৰেন্সিস হাস্পতালৰ এক কেবিনত বন্ধু আৰু আত্মীয়সকলৰ উপস্থিতিত বিবাহ কৰাই ডেভিডে৷
হিদাৰক বিচনাতেই গাউন পিন্ধাই সজাই তোলা হয়৷ তেওঁৰ শেষ কথাৰ ভিতৰত আছিল বিবাহৰ শপতবাক্য পাঠেই৷ ডেভিডে কয়, ‘মই জানিছিলো তেওঁ উশাহ লোৱাত কষ্ট পোৱাটো গম পাইছিলো৷ কিন্তু নিজৰ সমস্ত শক্তি দি তেওঁ সেই শপতবাক্য পাঠ কৰিলে৷ এয়া যেন simultaneously বিয়া আৰু বিদায় বেলাৰ মুহূৰ্ত আছিল৷ এয়া একেবাৰে অবিশ্বাস্য৷’
বিবাহৰ এখন বিশেষ ছবি য’ত হিদাৰে দুহাত তুলি বিজয়ৰ ভংগীত আছে৷ সেয়া ভাইৰেল হৈছে ইণ্টাৰনেটত৷ শেষ মুহূৰ্তৰ ভিতৰত সেই ভালপোৱা আৰু অদম্য সাহস অনুপ্ৰেৰণা জোগাইছে হাজাৰৰো অধিক মানুহক৷ হিদাৰৰ এই কাহিনী কেৱল মৃত্যু বা দুঃখৰ গল্প নহয়, এয়া এক অসীম ভালপোৱা, অংগীকাৰ আৰু জীৱনৰ শেষ মুহূৰ্তলৈকে প্ৰেম প্ৰদানৰ অনন্য দলিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
