এক জঘন্য গণধৰ্ষণ কাণ্ড পোহৰলৈ আহিছে৷ এগৰাকী মহিলাক সন্তানৰ সন্মুখতে উচ্চ বৰ্ণৰ ছগৰাকী লোকে গণধৰ্ষণ কৰে৷ এই জঘন্য ঘটনাটো ৰাজস্তানত সংঘটিত হৈছে৷
আৰক্ষীয়ে প্ৰকাশ কৰা অনুসৰি ৰাজস্থানৰ ধলপুৰ জিলাৰ এক গ্ৰামাঞ্চলৰ পথাৰৰ পৰা ঘৰলৈ আহি থকা এগৰাকী দলিত মহিলাক লালু ঠাকুৰ, ধন সিং ঠাকুৰ, বিপিন ঠাকুৰ, মোহিত ঠাকুৰ, শচীন ঠাকুৰ আৰু লোকেন্দ্ৰ ঠাকুৰে গণধৰ্ষণ কৰে৷
মহিলাগৰাকীয়ে স্বামী আৰু সন্তানৰ সৈতে ঘৰলৈ ওভতি অহাৰ সময়তে উক্ত ছজন লোকে প্ৰথমে মহিলাগৰাকীৰ স্বামীক বন্দুকৰ কুণ্ডাৰে মাৰপিট কৰি ঘটনা স্থলীৰ পৰা খেদি পঠায়৷
লগতে পঢ়ক ৰাজনীতিলৈ আৰু এক ক্ৰিকেটাৰ; ৰাজ্যসভাৰ সাংসদ হ’ব প্ৰাক্তন ক্ৰিকেটাৰ হৰভজন সিং!
ইয়াৰ পিছতে লালু ঠাকুৰ আৰু ধন সিং ঠাকুৰে দলিত মহিলাগৰাকীক বন্দুকৰ ভয় দেখুওৱায়৷ বন্দুকৰ ভয় দেখুওৱাই লোককেইজনে মহিলাগৰাকীৰ সন্তানৰ সন্মুখতে দলৱদ্ধ ধর্ষণ কৰে৷ মহিলাগৰাকীয়ে আৰক্ষীৰ আগত প্ৰকাশ কৰা মতে সন্তানৰ কান্দোনেও ধৰ্ষণকাৰীকেইজনৰ মন বিগলিত কৰিব পৰা নাছিল৷
লগতে পঢ়ক চ্যুটকেচত উদ্ধাৰ ৰাষ্ট্ৰপতি পুটিনক চাইক’পেথ বুলি দাবী কৰা সুন্দৰী মডেলৰ মৃতদেহ!
ঘটনা সংঘটিত হোৱাৰ পিছতে ভুক্তভোগী মহিলাগৰাকীৰ পৰিয়ালে ধলপুৰ আৰক্ষীৰ থানাত অভিযোগ দাখিল কৰিছে৷ আৰক্ষীয়ে প্ৰকাশ কৰা অনুসৰি ঘটনাৰ সন্দৰ্ভত অনুসূচীত জাতি, জনজাতি (নৃশংসতা প্ৰতিৰোধ) আইনৰ অধীনত গোচৰ ৰুজু কৰা হৈছে৷
আৰক্ষীয়ে গোচৰ ৰুজু কৰি তদন্ত আৰম্ভ কৰিলেও এই পৰ্যন্ত এজনো অভিযুক্তক গ্ৰেপ্তাৰ কৰিবলৈ সক্ষম হোৱা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
