আজিৰে পৰা আপৰ ‘জল সত্যাগ্ৰহ’, অনিৰ্দিষ্টকালীন অনশনত বহিল আতিশী
দেশৰ ৰাজধানী দিল্লীত পানীক লৈ সৃষ্টি হৈছে হাহাকাৰৰ। পানী সংকটত দিল্লী। পানীৰ সমস্যা এতিয়া ৰাজনীতিৰ বিষয় হৈ পৰিছে। আজি শুকুৰবাৰে হাৰিয়ানাৰ পৰা অতিৰিক্ত পানীৰ দাবীত অনিৰ্দিষ্টকালীন অনশনত বহে দিল্লীৰ জলমন্ত্ৰী আতিশি। আজিৰে পৰা আপৰ ‘জল সত্যাগ্ৰহ’।
আতিশীয়ে কয় যে দিল্লীৰ জনসাধাৰণে ঘণ্টাৰ পিছত ঘণ্টা ঘণ্টা ধৰি, পুৱাৰ পৰা নিশালৈ পানীৰ বাবে অপেক্ষা কৰি থাকে। হাৰিয়ানা চৰকাৰলৈ গৈ পানী বিচাৰিছিলো কিন্তু নিদিলে। পি এম মোডীলৈ চিঠি লিখিছিলো তথাপিও পানীৰ ব্যৱস্থা কৰি নিদিলে। এটা দিনৰ পূৰ্বৰ হিচাপ চাবলৈ হ’লে পুনৰ ১২০ এম জি ডি পানী বন্ধ কৰা হ’ল। এতিয়া এনে পৰিস্থিতি হৈছে আমি পানীৰ বাবে সত্যাগ্ৰহ কৰি আছো।
সেয়ে আজি ২১ জুনৰ পৰা আতিশীয়ে কোনো খাদ্য গ্ৰহণ নকৰাকৈ, কেৱল পানী খাই জল সত্যাগ্ৰহ আৰম্ভ কৰিছে। পানী নোপোৱালৈকে অব্যাহত থাকিব এই অনশন।
অতিশয় গৰম, দিল্লীত অভিলেখ ভংগকাৰী গৰম বুলি কয় আতিশীয়ে। ৰাতিও উষ্ণতা অধিক হৈ থাকে। এনে প্ৰচণ্ড গৰমত সকলোকে পানীৰ প্ৰয়োজন হয়। দিল্লীত ১০৫০ এমজিডি পানীৰ প্ৰয়োজন। হাৰিয়ানাৰ পৰা আহিছে মাত্ৰ ৬১৩ এম জি ডি পানী। হাৰিয়ানা চৰকাৰে পানী যোগান ধৰা নাই। ২৮ লাখ লোকৰ পানী বন্ধ কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ