অসম লাইভ২৪ঃ বৰ্তমান ডেষ্টিনেছন ৱেডিঙৰ জনপ্ৰিয়তা বৃদ্ধি হৈছে। পুৰণি ঘৰ, সমুদ্ৰৰ পাৰত, পাহাৰৰ চূড়াত, ফাৰ্ম হাউছত, বিশ্বৰ বিভিন্ন নামী দামী হোটেল বা পৰ্যটনস্থলত ডেষ্টিনেছন ৱেডিং বহুতেই কৰে। কিন্তু মহাকাশত বিয়া কৰাবলৈ মন মেলিলেও হয়তো সুবিধা নাই বাবে বহুতে এই কথা প্ৰকাশ নকৰে। কিন্তু এতিয়াৰে পৰা চিন্তাৰ কাৰণ নাই। অনায়াসেই আপোনাৰ সংগীৰ সৈতে সাতপাকত আৱদ্ধ হ’ব পাৰিব মহাকাশত। মহাকাশত বিবাহ কৰাবৰ বাবে বিশেষ যান তৈয়াৰ কৰিছে বিজ্ঞানীয়ে। আমেৰিকাৰ বিজ্ঞানীয়ে নিৰ্মাণ কৰি উলিয়াইছে বিশেষ যান। কাৰ্বন-নিউট্ৰেল বেলুনেৰে নিৰ্মিত যানত বহি মহাকাশত সাতপাকত বান্ধ খাব পাৰিব।
স্পেছ ৱেডিঙৰ দায়িত্ব কোন কোম্পানীয়ে লৈছে?
এই বিশেষ যান নিৰ্মাণ কৰি উলিয়াইছে মাৰ্কিন যুক্তৰাষ্ট্ৰ স্পেছ পাৰ্ছপেক্টিভ কোম্পানীয়ে। এটা কাৰ্বন-নিউট্ৰেল বেলুনত বহি, বতাহত ভাহি ভাহি মহাকাশ ভ্ৰমণ কৰাৰ ওপৰিও তাৰ পৰাই পৃথিৱীৰ দৃশ্য উপভোগ কৰি কৰি বিয়া কৰাব পাৰিব। সমস্ত ব্যৱস্থা কৰিছে সংশ্লিষ্ট সংস্থাটোৱেই।
মহাকাশত বিয়াৰ বাবে কেনেকৈ বুকিং কৰিব?
মহাকাশত গৈ বিয়া কৰাবৰ বাবে বৰ্তমানলৈ এহেজাৰ অগ্ৰিম টিকট বুকিং হৈছে। মহাকাশত বিবাহ কৰাবৰ বাবে বিশেষ পেকেজো আছে। ৬ঘণ্টীয়া পেকেজটোত আছে স্পেছচিপ নেপচুন ফ্লাইট যাত্ৰা। এই যাত্ৰাত অতিথিসকলক ১,০০,০০০ ফুট উচ্চতা পৰ্যন্ত লৈ যোৱা হব।
এখন আসনৰ বাবে দিব লাগিব ১কোটি টকা
মহাকাশত বিবাহৰ অভিজ্ঞতা লাভ কৰিবলৈ দম্পতিসকলে আগন্তুক বৰ্ষৰ বাবে টিকট বুকিঙ কৰিব লাগে। এই বুকিঙত এখন আসনৰ বাবে দিব লাগিব ১০,২৮৩,২৫০ টকা বা ১২৫,০০০ ডলাৰ।
কি কি সুবিধা থাকিব এই যানত?
মহাকাশযানখনত ৰিফ্ৰেছমেণ্টৰ সুবিধা দিয়া হ’ব। এই যানত থাকিব Wi-Fi, টয়লেটকে ধৰি সমূহ সা-সুবিধা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
