চলিত বৰ্ষৰ আইপিএলত দুৰ্দান্ত প্ৰদৰ্শন কৰি দেশৰ ক্ৰীড়াক্ষেত্ৰত চৰ্চা লাভ কৰিছিল ভাৰতীয় তাৰকা ইউকেটকীপাৰ বেটছমেন দীনেশ কাৰ্তিক৷ অৱশ্যে আইপিএলৰ ইতিহাসত দীনেশ কাৰ্তিকৰ প্ৰদৰ্শন চমকপ্ৰদ বুলিয়েই ক’ব পাৰি৷
কিন্তু এইবাৰৰ প্ৰতিযোগিতাত আগবঢ়োৱা প্ৰদৰ্শনৰ ভিত্তিতে দেশৰ ৩৭ বছৰৰ বয়সতো জাতীয় দললৈ প্ৰত্যাৱৰ্তন ঘটাইছে৷
উল্লেখ্য যে ২০০৪ বৰ্ষতে জাতীয় দলত অভিষেক ঘটাই যদিও কাৰ্তিকে টিম ইণ্ডিয়াত নিজৰ স্থান স্থায়ী কৰিবলৈ সক্ষম হোৱা নাছিল৷ কঠোৰ পৰিশ্ৰমী দীনেশ কাৰ্তিকে জাতীয় দলত স্থান স্থায়ী কৰিবলৈ সংগ্ৰাম কৰি থকাৰ সময়তে তেওঁৰ ব্যক্তিগত জীৱনলৈ ধুমুহা নামি আহে৷
লগতে পঢ়ক কিশোৰক কিয় চৰিয়ালে পাকিস্তানী যুৱতী সাংবাদিকে? ভাইৰেল ভিডিঅ’…
২০০৭ চনত দীনেশ কাৰ্তিকে শৈশৱৰ বন্ধু নিকিতা ভাঞ্জাৰাৰ সৈতে বিবাহপাশত আবদ্ধ হয়। তেতিয়া দীনেশ কাৰ্তিকৰ বয়স আছিল ২১ বছৰ। নিকিতা আৰু দীনেশৰ দেউতাক বৰ ভাল আছিল। এই কাৰণেই দুয়োটা পৰিয়ালে সন্তানৰ বিবাহৰ বাবে সহমতত উপনীত হৈছিল।
কঠোৰ পৰিশ্ৰম আৰু অনুশীলনৰ পিছতো টিম ইণ্ডিয়াত স্থান স্থায়ী কৰিবলৈ ব্যৰ্থ হোৱাৰ সময়তে বিবাহিত জীৱনৰ পাঁচটা বছৰৰ অন্তত ২০১২ চনত দীনেশ কাৰ্তিকৰ পত্নী নিকিতা ভাঞ্জাৰাই প্ৰতাৰণা কৰি কাৰ্তিকৰ ৰঞ্জী টিমৰ সতীৰ্থ মুৰলী বিজয়ৰ সৈতে বিবাহপাশত আৱদ্ধ হয়৷
ব্যক্তিগত জীৱনৰ এই কাল ধুমুহাই দীনেশ কাৰ্তিকৰ কেৰিয়াৰ শেষ কৰা বুলিহে চৰ্চা লাভ কৰিছিল৷ আনকি একাংশ সংবাদ মাধ্যমে দীনেশ সুৰাৰ ৰাগীত জীৱন আৰু কেৰিয়াৰ ধ্বংস কৰা বুলিও প্ৰচাৰ চলাইছিল৷
লগতে পঢ়ক ৰূপৱতী হ’বলৈ ৫ দিনীয়া নৱজাকক বিক্ৰী মাতৃৰ! সেই ধনেৰে কচমেটিক চাৰ্জাৰী…
কিন্তু অত্যন্ত দৃঢ়মনা আৰু কঠোৰ প্ৰৰিশ্ৰমী দীনেশ কাৰ্তিকৰ শৈশৱ বান্ধৱী তথা একালৰ প্ৰেমিকা তথা পত্নীয়ে তেওঁক এৰি সতীৰ্থ মুৰলী বিজয়ৰ সৈতে বিবাহপাশত আৱদ্ধ হ’লেও নিজৰ কেৰিয়াৰ আৰু জীৱনৰ লক্ষ্যৰ পৰা এচুলি মানো বিচ্যুত হোৱা নাছিল৷
বৰং অধিক কঠোৰ আৰ একাগ্ৰতাৰে নিজৰ কেৰিয়াৰ আৰু জীৱনক নতুন গতি দিবলৈ যৎপৰোনাস্তি কৰিছিল দীনেশে৷ এই প্ৰচেষ্টাৰ ফলতে মাজে সময়ে কাৰ্তিকে জাতীয় দললৈ প্ৰত্যাৱৰ্তন কৰিবলৈ সক্ষম হৈছিল৷ আনকি আইপিএলৰ প্ৰায়বোৰ ছিজনতে চমকপ্ৰদ প্ৰদৰ্শন আগবঢ়াই আহিছিল৷ কিন্তু তেওঁৰ বাবে জাতীয় দললৈ প্ৰত্যাৱৰ্তন কৰাৰ বাবে এইটোৱে ডাঙৰ বাধা আছিল যে জাতীয় দলত কাৰ্তিকে যিটো স্থানত খেলে সেই স্থান দলৰ অধিনায়ক মহেন্দ্ৰ সিং ধোনীৰ বাবে নিগাজি হৈ আছিল৷
ইয়াৰ পিছতে জিমত স্কোয়াছ খেলুৱৈ দীপিকা পল্লিকালক লগ পাই দীনেশ কাৰ্তিকে। দুয়োৰে মাজত ঘনিষ্ঠতা বাঢ়ি আহিল আৰু দীনেশ কাৰ্তিকে দীপিকাক প্ৰেমৰ প্ৰস্তাৱ দিয়ে আৰু ২০১৫ চনত দুয়োগৰাকী ক্ৰীড়াবিদ বিবাহপাশত আৱদ্ধ হয়।
লগতে পঢ়ক অৱশেষত চৰকাৰী কৰ্মচাৰীৰ অপেক্ষাৰ পৰিব অন্ত! দৰমহা বৃদ্ধিৰ ঘোষণা কেতিয়া কৰিব চৰকাৰে?
দীপিকা পল্লিকালে দীনেশ কাৰ্তিকৰ জীৱন সম্পূৰ্ণৰূপে সলনি কৰি দিলে। যোৱা বছৰত যমজ সন্তানৰ পিতৃ-মাতৃ হৈছিল দীনেশ কাৰ্তিক আৰু দিপিকা পল্লিকাল। এতিয়া দীনেশ কাৰ্তিক কেৱল পাৰিবাৰিক জীৱনতে সুখী নহয়, ক্ৰিকেটতো ঈৰ্ষণীয় সফলতা লাভ কৰিছে।
আইপিএল ২০২২ত দীনেশ কাৰ্তিকে দেখুৱাইছিল এক সুন্দৰ খেল। আৰচিবি দলৰ বাবে তেওঁ আটাইতকৈ ডাঙৰ মেচ বিজয়ী হিচাপে আত্মপ্ৰকাশ কৰে। আইপিএল ২০২২ৰ ১৬ খন মেচত তেওঁ ৩৩০ ৰান সংগ্ৰহ কৰে।
তেওঁৰ বিপজ্জনক প্ৰদৰ্শন দেখি তেওঁ পুনৰ টিম ইণ্ডিয়াত সুযোগ পালে। তিনি বছৰৰ মূৰত টীম ইণ্ডিয়ালৈ ঘূৰি অহাই নহয় তেওঁ এইবাৰ ৩৭ বছৰৰ বয়সত টি-২০ বিশ্বকাপত ভাৰতীয় দলকো প্ৰতিনিধিত্ব কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
