এগৰাকী প্ৰাক্তন পৰ্ণ তাৰকাই নিজে অধ্যয়ন কৰা কলেজৰ বিৰুদ্ধে নিজেই বৈষম্যৰ গোচৰ তৰি জয়ী হৈ কেবাকোটি টকাৰ ক্ষতিপূৰণ লাভ কৰিছে।
ডেইলী ষ্টাৰত প্ৰকাশিত বাতৰি অনুসৰি নিকোল গিলিলেণ্ড নামৰ ছাত্ৰী তথা প্ৰাক্তন পৰ্ণষ্টাৰগৰাকীয়ে তেওঁ অধ্যয়ন কৰা কলেজখত বৈষম্যৰ বলি হোৱাৰ অভিযোগ উত্থাপন কৰিছিল৷ বৈষম্যৰ বলি হোৱাৰ বাবে তেওঁ নিজে অধ্যয়নৰত কলেজখনৰ বিৰুদ্ধে আদালতত বৈষম্যমূলক আচৰণ কৰাৰ অভিযোগ দাখিল কৰিছিল৷ আৰু উক্ত গোচৰত জয়ী নিকোলে ১৪ কোটি টকাৰ বিশাল পৰিমাণৰ ক্ষতিপূৰণ লাভ কৰিবলৈ সক্ষম হয়৷
দাৰাছাক নিকোল, নিকি নামেৰে বেছিকৈ পৰিচিত এতিয়াৰ ৩০ বছৰ বয়সীয়া প্ৰাক্তন পৰ্ণ তাৰকা ২০১৭ চনত চাউথৱেষ্টাৰ্ণ অৰেগন কমিউনিটি কলেজ (SWOCC)ত নাৰ্চিং প্ৰগ্ৰেমত নামভৰ্তি কৰে। ইতিমধ্যে বহু বছৰ ধৰি ইএমটি আৰু পেৰামেডিক হিচাপে কাম কৰি আছিল যদিও মাতৃ হিচাপে তাই বিশ্বাস কৰিছিল যে নাৰ্চিংৰ সময়ত সেয়া তেওঁৰ বাবে অধিক সুবিধাজনক হ’ব।
লগতে পঢ়ক ৰূপৱতী হ’বলৈ ৫ দিনীয়া নৱজাকক বিক্ৰী মাতৃৰ! সেই ধনেৰে কচমেটিক চাৰ্জাৰী…
কিন্তু কলেজখনত অধ্যয়ন কৰা দুবছৰত বাৰে বাৰে হাৰাশাস্তি আৰু ‘শত্ৰুতাপূৰ্ণ শিক্ষাৰ পৰিৱেশ’ৰ সন্মুখীন হোৱা বুলি দাবী কৰিছিল প্ৰাক্তন পৰ্ণ ষ্টাৰ নিকিয়ে। নিকিৰ মতে, তেওঁ আৱেগিকভাৱে ভাঙি পৰিছিল। ইয়াৰ বাবেই তেওঁ আত্মহত্যাৰ চেষ্টাও কৰিছিল।
ডেইলী ষ্টাৰৰ প্ৰতিবেদন অনুসৰি এই পৰিৱেশত বিচলিত হৈ নিকিয়ে SWOCCৰ বিৰুদ্ধে গোচৰ তৰে। তেওঁ মহাবিদ্যালয়খনে চুক্তি ভংগ আৰু নৱম টাইটেল ভংগ কৰাৰ অভিযোগ উত্থাপন কৰে। এই নিয়ম অনুসৰি বিদ্যালয়ত লিংগভিত্তিক বৈষম্য কৰিব নোৱাৰিব।
লগতে পঢ়ক অৱশেষত চৰকাৰী কৰ্মচাৰীৰ অপেক্ষাৰ পৰিব অন্ত! দৰমহা বৃদ্ধিৰ ঘোষণা কেতিয়া কৰিব চৰকাৰে?
আদালতৰ নথি অনুসৰি SWOCCৰ এগৰাকী নাৰ্চিং প্ৰশিক্ষক আৰু একাডেমিক উপদেষ্টাগৰাকীয়ে তেওঁৰ বিৰুদ্ধে বৈষম্যমূলক ব্যৱস্থা গ্ৰহণ কৰিছিল। অভিযোগ অনুসৰি একাডেমিক উপদেষ্টাগৰাকীয়ে তেওঁক কৈছিল যে নাৰ্চিং হৈছে ক্লাছিক মহিলাৰ বৃত্তি। ইয়াত পৰ্ণ ছবিত অভিনয় মহিলাৰ কোনো স্থান নাই।
ইফালে নিকিয়ে ছ’চিয়েল মিডিয়াত প্ৰকাশ কৰিছে যে শতাধিক অধিবক্তাই তেওঁৰ গোচৰত যুঁজিবলৈ অস্বীকাৰ কৰে। কিন্তু শেষত ব্ৰেণ্ডন মাৰ্কছে নিকিৰ বাবে গোচৰটো যুঁজিবলৈ সিদ্ধান্ত লয় আৰু তেওঁ গোচৰটোত জয়ী হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
