কাইলৈ কাৰ্তিক পূৰ্ণিমা, ভুলতো পৰিহাৰ নকৰিব এই কাম, অন্যথা গোটেই বছৰজুৰি দেৱতাৰ ৰোষত পৰিব
সকলো পূৰ্ণিমাৰ ভিতৰত কাতি মাহৰ পূৰ্ণিমা তথা কাৰ্তিক পূৰ্ণিমাক আটাইতকৈ ডাঙৰ পূৰ্ণিমা বুলি গণ্য কৰা হয়। ২০২৪ চনত কাৰ্তিক পূৰ্ণিমা ১৫ নৱেম্বৰ কাইলৈ শুকুৰবাৰে পৰিছে।
এই পূৰ্ণিমাৰ দিনটোতে ভগৱান শিৱই ত্ৰিপুৰাসুৰৰ তিনি পুত্ৰক বধ কৰিছিল এই বিশেষ দিনটোত দেৱতাসকলে কাশীত দীপাৱলী পালন কৰি স্নান কৰিছিল।
মান্যতা অনুসৰি এই বিশেষ পূৰ্ণিমাৰ দিনা সকলো নদীতে দেৱ-দেৱতাই বাস কৰে। যাৰ বাবে এই কাৰ্তি পূৰ্ণিমাৰ দিনা নদীত গা ধোৱাটো অতিকে পবিত্ৰ বুলি বিশ্বাস কৰা হয়।
কিন্তু বহু অনুবিধাৰ বাবে বহু লোকে নদীত গা ধুবলৈ যাব নোৱাৰে, তেনে লোকে ঘৰতে গা ধোৱা পানীত গংগা পানী মিহলাই লব পাৰে। তেনে কৰিলেও সুফল পোৱা যায় বুলি বিশ্বাস।
পবিত্ৰ পানীৰে গা ধোৱাৰ লগতে কাৰ্তিক পূৰ্ণিমাৰ দিনা তুলসী পূজা কৰি পানী আগবঢ়াওক, আহত গছ পূজা কৰক, শিৱলিংগক পূজা কৰি পানী আগবঢ়াওক, লগতে চন্দ্ৰক উদ্দেশ্য কৰি পানী আগবঢ়াওক।
কাৰ্তিক পূৰ্ণিমাৰ দিনটোত সুখ আৰু সমৃদ্ধিৰ বাবে এই দিনটোত পবিত্ৰ পানীৰে গা ধুবলৈ নাপাহৰিব, দেৱতাৰ আশীৰ্বাদ চিৰদিন থাকিব।
গা ধোৱাৰ লগতে এই দিনটোত দান-দক্ষিণাৰো গুৰুত্ব অতিশয় বেছি। কাৰ্তিক পূৰ্ণিমাৰ দিনা নিশ্চয়কৈ দান দিব। এই দিনটোত খাদ্য দান আৰু কাপোৰ দানৰ বিশেষ তাৎপৰ্য আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
