অপেক্ষাৰ অবসান৷ প্ৰথমবাৰ এলন মাস্কৰ স্পেছএক্সৰ ৰকেটত উঠি মহাকাশলৈ যাত্ৰা ইছৰোৰ জিছেট-২০ কৃত্ৰিম উপগ্ৰহৰ৷ সোমবাৰে মাজনিশা ফ্লোৰিডাত কেনভেৰাল স্পেছ ফৰ্ছ ষ্টেচনৰ পৰা এটি কৃত্ৰিম উপগ্ৰহ উৎক্ষেপণ কৰা হৈছে৷ স্পেছ এক্সৰ ফেলকন-৯ ৰকেটৰ সহায় লৈ সফলভাৱে মহাকাশলৈ যাত্ৰা কৰিছে ইছৰোৰ অত্যাধুনিক কৃত্ৰিম উপগ্ৰহ জিছেট-২০৷ ইছৰোৰ বাণিজ্যিক শাখা নিউ স্পেছ ইণ্ডিয়া লিমিটেডৰ চেয়াৰমেন ৰাধাকৃষ্ণণ ডুবাইৰাজে জনাই যে, উৎক্ষেপণ সফল হৈছে৷ লগতে নিৰ্দিষ্ট কক্ষপথত উপস্থিত হৈছে কমিউনিকেছন ছেটেলাইট৷
জিছেট-২০ কৃত্ৰিম উপগ্ৰহ কি কামত লাগিব?
ইছৰোৱে জনাইছে যে ভাৰতৰ ইণ্টাৰনেট পৰিসেৱাক আৰু উন্নত কৰাত সহায় কৰিব কৃত্ৰিম এই উপগ্ৰহই৷ প্ৰান্তীয় গ্ৰামীণ অঞ্চলত ইণ্টাৰনেট পৰিসেৱা, মাজআকাশত বিমানৰ ভিতৰতো ইণ্টাৰনেট পৰিসেৱাৰ দৰে একাধিক সুবিধা পোৱা সম্ভৱ৷ ইয়াত আছে এটা Ka-ব্ৰেণ্ড, হাই থ্ৰুপুট কমিউনিকেছন পেলোড৷ কৃত্ৰিম উপগ্ৰহটো ১৪ বছৰ সচ্চল হৈ থাকিব৷
এই ছেটেলাইট জিএছএটি এন২ নামেৰেও পৰিচিত৷ কৃত্ৰিম উপগ্ৰহটোৰ ওজন ৪৭০০ কেঃজিঃ যি ইছৰোৰ নিজস্ব ৰকেটৰ মাধ্যমেৰে বহন কৰিবলৈ অপাৰগ৷ সেয়ে স্পেছ এক্সৰ সৈতে এই যৌথ উদ্যোগ৷ কেৱল এটা কৃত্ৰিম উপগ্ৰহ উৎক্ষেপণ নহয়৷ ইছৰো আৰু স্পেছএক্সে এতিয়াৰে পৰা যৌথভাৱে কিছু মহাকাশ গৱেষণাও কৰিব৷ আন্তৰ্জাতিক মহাকাশ ষ্টেচনলৈ মহাকাশচাৰী পঠিওৱাতো সহায় কৰিব৷ গ্ৰুপ কেপ্টেইন শুভাংশু শুক্লাই ২০২৫ চনত ফ্লাইং লেবৰটৰিলৈ যোৱাৰ বাবে এছিয়ান স্পেছত প্ৰশিক্ষণো লৈ আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
