অলিম্পিকৰ পৰা উভতিছিল মাত্ৰ, পূৰ্ব প্ৰেমিকে পেট্ৰ’ল ঢালি…৮০ শতাংশ অগ্নিদ্বগ্ধ
উগাণ্ডাৰ মহিলা খেলুৱৈ ৰেবেকা চেপটেগেইৰ প্ৰাক্তন প্ৰেমিকে পেট্ৰল ঢালি জীৱন্তে জ্বলাই দিয়াৰ চেষ্টা কৰে। ৰেবেকাক কেনিয়াৰ এখন চিকিৎসালয়ত ভৰ্তি কৰোৱা হৈছে য’ত তেওঁ বৰ্তমানে জীৱন মৃত্যুৰে যুঁজি আছে। শেহতীয়াকৈ ৰেবেকাই পেৰিছ অলিম্পিকত অংশগ্ৰহণ কৰিছিল।
খেলুৱৈগৰাকী উগাণ্ডাৰ যদিও কেনিয়াত বাস কৰে। ৰেবেকাৰ দুটা সন্তানো আছে। ৩১ বছৰীয়া মাৰাথন দৌৰবিদ ৰেবেকা এই দুৰ্ঘটনাৰ ফলত ৮০ শতাংশ অগ্নিদ্বগ্ধ হৈ পৰিছে।
দীৰ্ঘ দূৰত্বৰ দৌৰবিদ ৰেবেকা চেপটেগেইক প্ৰশিক্ষণ লৈ থকা পশ্চিম কেনিয়াৰ ঘৰত আক্ৰমণ কৰা হয়। সন্তান দুটাৰ সৈতে গীৰ্জাৰ পৰা উভতি আহি থকাৰ সময়তে ৰেবেকাক আক্ৰমণ কৰা হয়। পেৰিছ অলিম্পিকৰ মাৰাথন ইভেণ্টত ৰেবেকাই ৪৪ নম্বৰ স্থান দখল কৰিছিল।
ৰেবেকাই ২০২২ চনত থাইলেণ্ডত অনুষ্ঠিত হোৱা বিশ্ব মাউণ্টেন আৰু ট্ৰাইল ৰান চেম্পিয়নশ্বিপত সোণৰ পদক লাভ কৰিছিল ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
