যোগদান কৰাৰ ৩ ঘণ্টাৰ পাছতে বিজেপিৰ পৰা বহিষ্কাৰ পূৰ্ব আপ মন্ত্ৰীক, ভাইৰেল হৈছিল যৌ/ন টেপ
এগৰাকী নেতাৰ বাবে এতিয়া চৰ্চাৰ বিষয় হৈ পৰিছে দেশৰ ৰাজনীতি। এগৰাকী প্ৰাক্তন আম আদমি পাৰ্টিৰ নেতা তথা দিল্লীৰ প্ৰাক্তন মন্ত্ৰীয়ে বিজেপিত যোগদান কৰাৰ মাত্ৰ ৩ ঘণ্টাৰ পাছতে বিজেপিৰ পৰা বহিষ্কাৰ। সেই নেতাগৰাকীৰেই ভাইৰেল হৈ পৰিছেল এক যৌন টেপ।
সেই নেতাগৰাকী হৈছে সন্দীপ বাল্কিকী। শণিবাৰে নেতাগৰাকীয়ে সতীৰ্থৰ সৈতে হাৰিয়ানাত ৰাজ্যখনৰ মুখ্যমন্ত্ৰী নায়ৱ সিং ছৈনীৰ উপস্থিতিত বিজেপিত যোগদান কৰিছিল। কিন্তু যোগদানৰ মাথো তিনিটা ঘণ্টাৰ পাছতে ৰাজ্যিক দল তথা শাসনত থকা দলটোৰ পৰা নেকাগৰাকীক বহিষ্কাৰ কৰা হয়।
তথ্য লুকুৱাই ৰখাৰ অভিযোগ বিজেপিৰ। সেই অভিযোগৰ বাবেই দলটোৰ পৰা বাহিৰ কৰি দিয়ে সন্দীপ বাল্মিকীক। বিতৰ্কৰ সৈতে সন্দীপৰ দীৰ্ঘদিনীয়া সম্পৰ্ক। হাৰিয়ানাৰ পৰা অহা সন্দীপ আম আদমী পাৰ্টিৰ অংশ হৈ পৰিছিল। চিডি কেলেংকাৰীৰ পিছত আপৰ পৰা বহিষ্কাৰ হোৱা সন্দীপ বাল্মিকিয়ে নিজাকৈ দল গঠন কৰি তাৰ পিছত বিজেপিত যোগদান কৰে। বিজেপিত যোগদান কৰাৰ ৩ ঘণ্টাৰ পিছতে সন্দীপক দলৰ পৰা বহিষ্কাৰ কৰা হয়।
হাৰিয়ানাৰ শোনিপতৰ বাসিন্দা সন্দীপ কুমাৰে ২০১৫ চনত বিধানসভা নিৰ্বাচনত ৫ বাৰৰ কংগ্ৰেছ বিধায়ক জয় কিষানক পৰাস্ত কৰি ৰাজনৈতিক মহলৰ এক পৰিচিত মুখ হৈ পৰিছিল। মুখ্যমন্ত্ৰী কেজৰিৱালে তেওঁক দিল্লী চৰকাৰতো মন্ত্ৰীৰ দায়িত্ব প্ৰদান কৰিছিল। সন্দীপ কুমাৰক দিল্লীৰ মহিলা আৰু শিশু উন্নয়ন মন্ত্ৰী হিচাপে নিযুক্তি দিয়া হৈছিল।
দিল্লী চৰকাৰত মন্ত্ৰী হৈ থকাৰ সময়তে সন্দীপ কুমাৰ বাল্মিকীৰ চিডি কেলেংকাৰী ভাইৰেল হৈ পৰিছিল। সন্দীপৰ সৈতে জড়িত এটা চেক্স টেপ ওলাইছিল। য’ত আপত্তিজনক বস্তু উপস্থিত আছিল। ২০১৬ চনতো এগৰাকী মহিলাই সন্দীপৰ বিৰুদ্ধে ৰেচন কাৰ্ড বনোৱাৰ সন্দৰ্ভত গুৰুতৰ অভিযোগ উত্থাপন কৰিছিল।
এই চিডি কেলেংকাৰীৰ পিছত আপে সন্দীপক মন্ত্ৰী পদৰ পৰা অপসাৰণ কৰাই নহয় দলৰ পৰা বাহিৰ কৰি দিছিল। চিডি কেলেংকাৰী সন্দৰ্ভত স্পষ্টীকৰণ দিওঁতে সন্দীপ কুমাৰে কৈছিল যে তেওঁ দলিত সম্প্ৰদায়ৰ। সেয়ে তেওঁক বদনাম কৰিবলৈ এই ষড়যন্ত্ৰ ৰচনা কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
