ৰাজনৈতিক অস্থিৰতাৰ মাজতে পাকিস্তানৰ প্ৰধানমন্ত্ৰী ইমৰাণ খানৰ পত্নী বুশ্ৰা বিবিৰ এগৰাকী ঘণিষ্ঠ বান্ধৱীয়ে বৃহৎ পৰিমাণৰ ধন লৈ দেশৰ পৰা পলায়ন কৰিছে৷ এই গুৰুতৰ অভিযোগ কৰিছে পাকিস্তানৰ বিৰোধী দলৰ এগৰাকী নেত্ৰীয়ে৷
পাকিস্তান মুছলীম লীগ-নাৱাজ(PML-N)ৰ নেত্ৰী ৰোমিনা খুৰ্শ্বিদ আলমে এক টুইটযোগে এই বিস্ফোৰক অভিযোগ কৰিছে৷ বিৰোধী দলৰ নেত্ৰী ৰোমিনাৰ মতে প্ৰধানমন্ত্ৰী ইমৰাণ খানৰ পত্নী বুশ্ৰা বিবিৰ বান্ধৱী ফাৰাহ খানে যোৱা দেওবাৰে প্ৰায় ৯০ হাজাৰ মাৰ্কিন ড’লাৰ ধন লৈ পাকিস্তানৰ পৰা উধাও হৈছে৷
PML-Nৰ নেত্ৰী ৰোমিনা খুৰ্শ্বিদ আলমৰ মতে ফাৰাহ খানে দুৰ্নীতিৰে আহৰণ কৰা এই বিশাল পৰিমাণৰ ধন লৈ ডুবাইলৈ পলায়ন কৰিছে৷
লগতে পঢ়ক ফ’ৰ্বছ ২০২২ৰ তালিকা অনুসৰি ভাৰতৰ ১০ গৰাকী ধনী ব্যক্তি কোন কোন?
নিজৰ টুইটাৰ হেণ্ডেলত ফাৰাহ খানৰ এখন ফ’টো শ্বেয়াৰ কৰি বিৰোধী নেত্ৰীগৰাকীয়ে লিখিছে যে এটা বুশ্ৰা বিবিৰ বান্ধৱী ফাৰাহ খানে বেগত ৯০ হাজাৰ মাৰ্কিন ড’লাৰ ধন ভৰাই লৈ প্ৰায় ৫০ হাজাৰ মাৰ্কিন ড’লাৰ ব্যয়ে কৰি এখন প্ৰাইভেট জেট বিমানেৰে দেশ ত্যাগ কৰিছে৷
Farah Khan, Bushra’s Frontwoman who ran away . The bag with her is for $90,000. Yes that’s ninety thousand dollars. pic.twitter.com/ESrZOKD3h6
— Romina Khurshid Alam (@MNARomina) April 5, 2022
ইফালে, ফাৰাহ খানক সকলো দুৰ্নীতিৰ মাতৃ বুলি অভিহিত কৰিছে প্ৰাক্তন প্ৰধানমন্ত্ৰী নাৱাজ শ্বৰীফৰ কন্যা তথা PML-Nৰ উপ সভানেত্ৰী মাৰ্য়াম নাৱাজে৷ মাৰ্য়াম নাৱাজে বিস্ফোৰক অভিযোগ তুলি কয় যে ফাৰাহ খানে দেশৰ শাসকীয় ৰাজনৈতিক নেতা আৰু চৰকাৰী শীৰ্ষ বিষয়াসকলৰ সৈতে মিলি প্ৰায় ৩২ মিলিয়ন মাৰ্কিন ড’লাৰ দুৰ্নীতি সংঘটিত কৰিছে৷
আনহাতে, ইমৰাণ খানৰ আৰু বহু ঘণিষ্ঠ লোকে দেশৰখনৰ পৰা ধন লৈ পলায়ন কৰিবলৈ সাজু হৈ থকাৰো অভিযোগ কৰিছে বিৰোধীয়ে৷
লগতে পঢ়ক পাকিস্তানৰ পিছত এইবাৰ শ্ৰীলংকা : গাদী হেৰুওৱাব নেকি প্ৰধানমন্ত্ৰী মাহিন্দা ৰাজাপক্ষেই?
উল্লেখ্য যে বিগত কে’বা সপ্তাহ ধৰি পাকিস্তানত ৰাজনৈতিক অচলাৱস্থা চলি আছে৷ তাৰ মাজতে বিৰোধীয়ে পাকিস্তানৰ নেচনেল এছেম্বলীত প্ৰধানমন্ত্ৰী ইমৰাণ খানৰ বিৰুদ্ধে অনাস্থা প্ৰস্তাৱ উত্থাপন কৰে৷
যোৱা দেওবাৰে পাকিস্তানৰ সংসদত উক্ত অনাস্থা প্ৰস্তাৱৰ ভোটগ্ৰহণ আছিল যদিও ইয়াৰ পূৰ্বে প্ৰধানমন্ত্ৰী ইমৰাণ খানে পাকিস্তানৰ নেচনেল এছেম্বলী ভংগ কৰি দিয়ে৷
এই ৰাজনৈতিক অচলাৱস্থাৰ মাজতে সাময়িক সকাহৰ বাবে পাকিস্তানত এগৰাকী তত্বাৱধায়ক প্ৰধানমন্ত্ৰী নিযুক্তি দিয়াৰ সিদ্ধান্ত লোৱা হৈছিল যদিও এতিয়ালৈকে ইমৰাণ খানে তত্বাৱধায়ক প্ৰধানমন্ত্ৰীৰ নাম ঘোষণা কৰা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
