অসম লাইভ২৪ঃ সূৰ্যৰ মাজত তৈয়াৰ হৈছে এটা বৃহৎ আকাৰৰ গাঁত। ৬০ টা পৃথিৱীৰ সমান অন্ধকাৰ এই অন্ধকাৰ গাঁতটোৰ নাম বিজ্ঞানীয়ে দিছে ‘কৰোনেল হোল’। এই বিশেষ গাঁতটোক লৈয়েই বৃদ্ধি হৈছে আতংক। এই গাঁতৰ পৰাই শক্তিশালী তেজস্ক্ৰিয় স্ৰোত নিৰ্গত হৈ আছে। এই তেজস্ক্ৰিয়া সোঁতক কোৱা হয় সৌৰধুমুহা। সেই সৌৰধুমুহা পৃথিৱীৰ দিশেৰেই আহি আছে। নাছাই শ্বেয়াৰ কৰিছে সূৰ্যত সৃষ্টি হোৱা সেই গাঁতৰ ছবি।
নাছাই শ্বেয়াৰ কৰা ছবিত দেখা গৈছে সূৰ্যৰ উজ্জ্বলতাৰ মাজত এটা ক’লা অংশ। নাছাৰ বিজ্ঞানীয়ে জনোৱা অনুসৰি এই কৰোনেল গাঁত সূৰ্যৰ বাকী অংশৰ তুলনাত বহু বেছি ঠাণ্ডা। বিগত ২ ডিচেম্বৰত এই গাঁত নতুনকৈ সূৰ্যত সৃষ্টি হৈছে। মাত্ৰ ২৪ ঘণ্টাৰ ভিতৰতেই গাঁতটো ৮লাখ কিঃমিঃ বহল আৰু দ’ হৈ পৰিছে। ৪ ডিচেম্বৰৰ পৰা পৃথিৱীৰ দিশেৰে সৌৰধুমুহা আহিবলৈকো আৰম্ভ হৈছে। কিন্তু সূৰ্যৰ মাজত হঠাৎ এই গাঁতৰ সৃষ্টি কেনেকৈ হ’ল?
বিজ্ঞানীয়ে জনোৱা অনুসৰি এই গাঁত নিতান্তই সাময়িক। এয়া বিৰল ঘটনা নহয়। সূৰ্যৰ চৌম্বকক্ষেত্ৰই হঠাৎ এনে শীতল গাঁতৰ সৃষ্টি কৰে। এই গাঁতৰ মাধ্যমেৰে সৌৰপৃষ্ঠৰ তেজস্ক্ৰিয় সৌৰধুমুহা মহাবিশ্বত বিয়পি পৰে। বিগত মাৰ্চ মাহতো এনে গাঁতৰ সৃষ্টি হোৱাৰ কথা বিজ্ঞানীয়ে জনাইছিল। বিজ্ঞানীৰ আশংকা ২০২৪চনত সূৰ্যত আৰু এক প্ৰকাণ্ড বিস্ফোৰণ হ’ব পাৰে। এই বিস্ফোৰণে পৃথিৱীৰ চৌম্বকক্ষেত্ৰকো ক্ষতিগ্ৰস্থ কৰিব পাৰে বুলি আশংকা কৰিছে বিজ্ঞানীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
