ভাৰতত এতিয়াও সন্তানক যৌন শিক্ষা দিয়া নহয়৷ ভাৰতৰ অভিভাৱসকলৰ মাজত যৌনতাক লৈ এতিয়াও শুচিবায়ুগ্ৰস্ততা আছে৷ যাৰ ফলত বৰ্তমান প্ৰজন্মই যৌনতাৰ বিষয়ে নিজ পিতৃ-মাতৃৰ সৈতে কোনো কথাই মুকলিকৈ আলোচনা কৰিব নোৱাৰে৷
কিন্তু পশ্চিমীয়া দেশত যৌনতাকলৈ অভিভাৱকৰ মাজত বিশেষ শুচিবায়ুগ্ৰস্ততা নাই৷ তেওঁলোকে সন্তানৰ সৈতে যথেষ্ট মুকলি মনেৰে যৌনতাৰ বিষয়ে আলোচনা কৰে৷ আৰু তেনে পৰিৱেশৰ বাবেই এসময়ত এগৰাকী কিশোৰীয়ে এক নিকট বিপদৰ পৰা ৰক্ষা পৰে৷
যুৱতীগৰাকীৰ নাম কেটি৷ বৰ্তমান তাই বয়স ২৭ বছৰ৷ ১৭ বছৰ বয়সত তাইৰ জীৱনত ঘটিল এক আশ্বৰ্যজনক ঘটনা৷
কেটিৰ এজন প্ৰেমিক আছিল৷ ইতিমধ্যে প্ৰেমিকৰ সৈতে কেটিৰ বিচ্ছেদ ঘটিছে৷ বিচ্ছেদ ঘটাৰ কে’বামাহৰ পিছত হঠাতে কেটিয়ে অনুভৱ কৰিলে যে তাই গৰ্ভৱতী হৈছে৷ ইতিমধ্যে তাইৰ মাহেকীয়া বন্ধ হৈছে৷
কেটিয়ে প্ৰেগনেঞ্চি কিট এটা আনি টেষ্ট কৰিলে৷ টেষ্টত ৰিপ’ৰ্ট পজিটিভ আহে৷ তাই দুঃচিন্তাত পৰিল৷ কেনেকৈ তাই গৰ্ভৱতী হ’ল? কাৰণ প্ৰেমিকেৰে বিচ্ছেদ হোৱাৰ পিছৰে পৰা যোৱা কে’বামাহো ধৰি তাই কোনো পুৰুষৰ সৈতে শাৰীৰিক সম্পৰ্ক স্থাপন কৰা নাই৷
তাই কথাটো কাকো ক’ব নোৱাৰি দুঃচিন্তা আৰু বাঢ়িল৷ বিচ্ছেদ হোৱাৰ বাবে প্ৰাক্তন প্ৰেমিকো তাই কথাটো ক’ব নোৱাৰা হ’ল৷ দুঃচিন্তাত তাই খাব বব নোৱাৰা হ’ল৷ কে’বাদিনো দুঃচিন্তাত থকাৰ পিছত তাই এক সিদ্ধান্ত ল’লে৷
তাইক কথাটো মাতৃক কোৱাৰ সিদ্ধান্ত ল’লে৷ মাতৃক ক’লে যে কে’বামাহো ধৰি কোনো পুৰুষৰ সৈতে শাৰীৰিক সম্পৰ্ক স্থাপন নকৰাকৈ গৰ্ভৱতী হৈছে৷ প্ৰেগনেঞ্চি টেষ্টত পজিটিভ অহাৰ কথাও ক’লে৷
ইয়াৰ পিছতে কেটিৰ মাত়ৃয়ে প্ৰেগনেঞ্চি কীটো আনিবলৈ ক’লে৷ তাই কীটটো আনি মাতৃক দিলে৷ মাতৃয়ে কীটটো চাই দেখে যে সেয়া প্ৰেগনেঞ্চি টেষ্ট কীট নহয়৷
সেয়া আচলতে উভিলেশ্যন টেষ্ট কীটহে আছিল৷ কেটিৰ সেই সময়ত উভিউলেশ্যন চলি আছিল৷ সেয়ে সেই কীটেৰে টেষ্ট কৰাত তাইৰ পজিটিভ আহিছিল৷
কেটিয়ে এতিয়া প্ৰায় ১০ বছৰ পিছত ঘটনাটো শ্বেয়াৰ কৰিছে৷ মাতৃৰে যৌনতাৰ বিষয়ে মুকলিকৈ আলোচনা কৰাৰ বাবেহে যে তাই এক সংকটৰ পৰা ৰক্ষা পৰিল সেয়াও তাই প্ৰকাশ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
