উত্তৰ পূৰ্বাঞ্চলত প্ৰথমবাৰলৈ গুৱাহাটীত অনুষ্ঠিত হ’ব গ্লেমাৰিয়াছ টেবুল টেনিছ ইউনাইটেড প্ৰিমিয়াৰ লীগ ২০২২। ৮ এপ্ৰিলৰ পৰা ১০ এপ্ৰিললৈ গুৱাহাটীত অনুষ্ঠিত হ’বলগীয়া টেবুল টেনিছ ইউনাইটেড প্ৰিমিয়াৰ লীগখনৰ বাবে শুভেচ্ছা জনাইছে অলিম্পিকৰ পদক বিজয়ী খেলুৱৈ লাভলীনা বৰগোঁহাইয়ে।
নগেন হাজৰিকা টেবুল টেনিছ ফাউণ্ডেশ্যনে ৮ এপ্ৰিলৰ পৰা ১০ এপ্ৰিললৈ গুৱাহাটীৰ দেশভক্ত তৰুনৰাম ফুকন ইন্দ’ৰ ষ্টেডিয়ামত আয়োজন কৰিছে টেবুল টেনিছৰ গ্লেমাৰিয়াছ লীগখন। দেওবাৰে ষোল্লটা দলৰ স্বত্বাধীকাৰীসকলক গুৱাহাটীৰ লেণ্ডমাৰ্ক হোটেলত সম্বৰ্ধনা জনাই আয়োজকসকলে।
লগতে পঢ়ক IPLৰ অনুষ্ঠানত বক্সাৰ লাভলীনাক সন্মান BCCIৰ, ২৫ লাখ টকাৰ চেক প্ৰদান
গ্লেমাৰিয়াছ লীগখনত দেশৰ বিভিন্ন প্ৰান্তৰ ছিনিয়ৰ জুনিয়ৰ খেলুৱৈয়ে অংশ ল’ব। এই প্ৰতিযোগিতাত অসমৰ উঠি অহা খেলুৱৈসকল উপকৃত হ’ব বুলি কয় আয়োজক সমিটিৰ সচিব প্ৰধান মানস প্ৰতীম দাসে।
তিনিদিনীয়া ব্যয় বহুল বিশেষ প্ৰতিযোগিতাখনকলৈ আশাবাদী অলিম্পিকৰ পদক বিজয়ী খেলুৱৈ লাভলীনা বৰগোঁহাই। তাৰকা খেলুৱৈগৰাকীয়ে টেবুল টেনিছ প্ৰিমিয়াৰ লীগখনৰ সফল আয়োজনৰ বাবে শুভেচ্ছা জ্ঞাপন কৰে।
লগতে পঢ়ক অস্কাৰৰ মঞ্চত অঘটন; ক্ৰিছৰ গালত প্ৰচণ্ড চৰ সোধালে অভিনেতা স্মিথে, কিন্তু কিয়?
টেবুল টেনিছ ইউনাইটেড প্ৰিমিয়াৰ লীগখনৰ অধ্যক্ষৰ দায়িত্বত আছে জলসম্পদ মন্ত্ৰী পীযুষ হাজৰিকা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
