কেন্দ্ৰীয় চৰকাৰে কৰ্মচাৰীৰ বাবে ২০২২ বৰ্ষৰ বাবে Dearness Allowance দ্বিতীয়বাৰৰ বাবে ঘোষণা কৰিবলৈ ওলাইছে। বৰ্তমান কেন্দ্ৰীয় কৰ্মচাৰীয়ে লাভ কৰিছে ৩৪ শতাংশ ডি এ। আগষ্ট মাহৰ প্ৰথম সপ্তাহত ডিএ বৃদ্ধি ৪% হোৱাৰ সম্ভাৱনা আছে।
যোৱা এবছৰৰ ভিতৰত এইচ আৰ এলে ডিয়াৰনেছ ভাট্টাত বৃহৎ পৰিৱৰ্তন সাধিছিল। ইফালে ২০২০ চনৰ পৰা ২০২১ চনৰ জুন মাহলৈকে কেন্দ্ৰীয় কৰ্মচাৰীসকলে ১৮ মাহৰ বকেয়া ধন পাবলৈ বাকী আছে।
২০২১ চনৰ জুলাই মাহৰ পৰা কেন্দ্ৰীয় চৰকাৰে Dearness Allowance ১১% বৃদ্ধি কৰিছিল। তাৰ পিছতো পুনৰ দুবাৰকৈ এই ভাট্টা বৃদ্ধি কৰা হৈছে। কেন্দ্ৰীয় কৰ্মচাৰীৰ বৰ্তমান ডিয়াৰনেছ ভাট্টা ৩৪ শতাংশ। কিন্তু, ডেৰ বছৰ ধৰি নিথৰ হৈ থকা ডি এৰ বকেয়া ধনৰ বিষয়ে কোনো চৰ্চা হোৱা নাই। চৰকাৰে স্পষ্ট কৰি দিছে যে কৰ’না বাবে বিগত সময়ত ডিয়াৰনেছ ভাট্টা একেটা নিৰিখতে আছিল।
লগতে পঢ়ক দলঙৰ ৰেলিং ভাঙি নদীত পৰিল যাত্ৰীভর্তি বাছ, ১৩ জন লোকৰ মৃত্যু, বহু যাত্ৰী সন্ধানহীন!
উল্লেখ্য যে ২০২১ চনত ১৪ জুলাইত অনুষ্ঠিত কেবিনেট বৈঠকত একেলগে ১১ শতাংশ বৃদ্ধি কৰা হৈছিল ডিয়াৰনেছ ভাট্টা। ২০২১ চনৰ ১ জুলাইৰ পৰা ইয়াক কাৰ্যকৰী কৰা হৈছিল। ২০২০ চনৰ জানুৱাৰী, ২০২০ চনৰ জুন আৰু ২০২১ চনৰ জানুৱাৰী মাহৰ ডিয়াৰনেছ ভাট্টা কৰ’নাৰ বাবে ফ্ৰীজ কৰি ৰখা হৈছিল।
যোৱা বছৰ যেতিয়া কৰ’নাকালীন নিষেধাজ্ঞা প্ৰত্যাহাৰ কৰা হৈছিল তেতিয়া চৰকাৰে এই বিষয়ে ঘোষণা কৰিছিল। কিন্তু, ডিএ এৰিয়াৰৰ কেতিয়া প্ৰদান কৰা হ’ব সেই বিষয়ে চৰকাৰে অদ্যপি কোনো ঘোষণা কৰা নাই। যদি চৰকাৰে ১৮ মাহৰ বকেয়া মুকলি কৰি দিয়ে তেন্তে কৰ্মচাৰীসকলক এককালীন বকেয়া ১১ শতাংশ দিয়া হ’ব পাৰে।
মে’ মাহৰ এআইচিপিআইৰ তথ্যৰ পৰা স্পষ্ট যে ২০২২ চনৰ জুলাই মাহত ডিএ বৃদ্ধি কমেও ৪ শতাংশ হ’ব। অৰ্থাৎ ৭ম দৰমহা আয়োগৰ অধীনত ৪ শতাংশ বৃদ্ধিৰে মুঠ ডি এ ৩৮ শতাংশলৈ বৃদ্ধি হ’ব।
লগতে পঢ়ক ৰেডিঅ’লজীৰ মাধ্যমেৰে যন্ত্ৰণাৰহিত চিকিৎসা কেনেকৈ কৰা হয়?
২০২২ চনৰ মে’ মাহলৈকে শ্ৰম মন্ত্ৰালয়ৰ এআইচিপিআইৰ পৰিসংখ্যা ১২৯টাত উপনীত হৈছে। ২০২২ চনৰ জুন মাহৰ পৰিসংখ্যা এতিয়াও প্ৰকাশ পোৱা নাই। বিশেষজ্ঞসকলৰ মতে ডিয়াৰনেছ ভাট্টা ৪ শতাংশ বৃদ্ধি হোৱাৰ কথা। চৰকাৰে আগষ্ট মাহৰ প্ৰথম সপ্তাহত ইয়াৰ ঘোষণা কৰিব পাৰে।
উল্লেখ্য যে কেন্দ্ৰীয় চৰকাৰে এই ঘোষণা জুলাইতে কৰিব বুলি সংবাদ মাধ্যমত চৰ্চা লাভ কৰিলেও অদ্যপি এতিয়ালৈকে এই সম্পৰ্কীয় কোনো ঘোষণা কৰা নাই৷ কিন্তু শেহতীয়াকৈ চৰকাৰে আগষ্ট মাহৰ প্ৰথম সপ্তাহত এই ঘোষণা কৰিব বুলি কোৱা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
