এক শোৰাৱহ বাছ দুৰ্ঘটনা সংঘটিত হৈছে মধ্যপ্ৰদেশৰ ধৰ জিলাত৷ মধ্যপ্ৰদেশৰ পৰা মহাৰাষ্ট্ৰৰ পুনে অভিমুখে যাত্ৰা কৰা ৰোডৱেজৰ এখ যাত্ৰীবাহী বাছ দলঙৰ ওপৰৰ পৰা নমৰ্দা নৈত সৰি পৰা ফলতে এই শোকাৱহ দুৰ্ঘটনাটো সংঘটিত হৈছে৷
এই ভয়ংকৰ বাছ দুৰ্ঘটনাটো অতি কমেও ১৩ গৰাকী যাত্ৰীৰ মৃত্যু হোৱাৰ লগতে বহু যাত্ৰী আহত হোৱা বুলি জানিব পৰা গৈছে৷ ১৫ জন যাত্ৰীক নিৰাপদে উদ্ধাৰ কৰা হৈছে যদিও কে’বাজনো যাত্ৰী সন্ধানহীন বুলি প্ৰকাশ পাইছে৷
ঘটনাৰ বিৱৰণীৰ মতে মধ্যপ্ৰদেশৰ ইন্দোৰৰ পৰা মহাৰাষ্ট্ৰৰ পুনে অভিমুখী যাত্ৰীভৰ্তি বাছখনে নিয়ন্ত্ৰণ হেৰুওৱাই ধৰ জিলাৰ খালঘাটস্থিত দলঙৰ ৰেলিং ভাঙি নমৰ্দা নদীত সৰি পৰে৷
লগতে পঢ়ক ৭ বছৰীয়া কন্যা শিশুক বলপূৰ্বক বিবাহৰ চেষ্টা! বিৰোধ কৰা শিশু ভাতৃক মৰিয়াই হত্যা
শোকাৱহ দুৰ্ঘটনাটোৰ খবৰ পোৱাৰ লগে লগে ঘটনাস্থলীত আৰক্ষীৰ দল আৰু অন্যান্য সংস্থাসমূহ উপস্থিত হৈ উদ্ধাৰ অভিযান আৰম্ভ কৰিছে। একে সময়তে দুৰ্ঘটনাৰ খবৰ পোৱাৰ লগে লগে সেই স্থানলৈ ডুবাৰুৰ দল এটাও প্ৰেৰণ কৰা হয়।
দুৰ্ঘটনাত আহতসকলক ধমনোদৰ চৰকাৰী চিকিৎসালয়লৈ প্ৰেৰণ কৰা হৈছে। আনহাতে, দুৰ্ঘটনাত নিহত হোৱা লোকসকলৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰা হৈছে।
দুৰ্ঘটনা সংঘটিত হোৱাৰ লগে লগে চৰকাৰে স্থানীয় প্ৰশাসনৰ সকলো শীৰ্ষ বিষয়াক ততাতৈয়াকৈ সেই স্থানত উপস্থিত হ’বলৈ নিৰ্দেশ দিছে।
লগতে পঢ়ক ‘টকাৰ বাবে বিক্ৰী হৈছে সুম্মিতা!, টকাৰ প্ৰেমত পৰিলে সন্মান শীঘ্ৰেই হেৰুওৱায়’
তথ্য অনুসৰি এই বাছখনত মহিলা আৰু শিশুসহ প্ৰায় ৪০ গৰাকী যাত্ৰী আছিল। উদ্ধাৰকাৰী ডুবাৰু দলে এতিয়ালৈকে ১৩ টা মৃতদেহহে উদ্ধাৰ কৰিবলৈ সক্ষম হৈছে। অভিযান এতিয়াও দ্ৰুত গতিত চলি আছে বুলি জানিব পৰা গৈছ৷
ইফালে বিষয়াসকলে সন্দেহ কৰা মতে প্ৰৱল বৰষুণৰ বাবে বাছখনে নিয়ন্ত্ৰণ হেৰুওৱাই দলঙৰ ৰেলিং ভাঙি নৰ্মদা নদীত সৰি পৰে।
দুৰ্ঘটনাটো সংঘটিত হোৱাৰ পিছতে শোক প্ৰকাশ কৰি মধ্যপ্ৰদেশৰ মুখ্যমন্ত্ৰী শিৱৰাজ সিং চৌহানে শোকপ্ৰকাশ কৰি ভুক্তভোগীৰ পৰিয়ালক সান্ত্বনা প্ৰদান কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
