কোভিড অতিমাৰীৰ বাবে যোৱা দুটা বছৰ বহাগ বিহু উদযাপন কৰিবলৈ নাপালে অসমীয়াই৷ যোৱা দুটা বছৰে বাসতিসাহোন বহাগৰ বিহু উদযাপন কৰিবলৈ নোপোৱা অসমীয়াই এইবাৰ বহাগ বিহু উদযাপনৰ বাবে সাজু হৈ আছে৷
কিন্তু এইবোৰো অসমীয়াই আশাহত হোৱাৰ আশংকাই দেখা দিছে৷ এইবাৰ অসমীয়াই হাততে পোৱা বিহুটোক যেন বতৰৰ বাবেই হেৰুওৱাৰ উপক্ৰম হৈছে!
হয়, যোৱা দুটা বছৰ অন্তত অসমীয়াই সাদৰৰ বহাগ বিহুটোক আদৰিবলৈ সাজু হৈ থকাৰ সময়তে বতৰে যেন সকলোবোৰতে কেণা লগাবলৈ আগবাঢ়ি আহিছে৷
লগতে পঢ়ক বিমানবন্দৰত বলিউদৰ অভিনেত্ৰীক যৌন আতিশয্য! স্বামীও বৰ্ণবৈষম্যৰ বলি!
বহাগ বিহুলৈ মাজত মাত্ৰ আৰু দুটামান দিন থকাৰ সময়তে বতৰ বিজ্ঞান কেন্দ্ৰই ৰাজ্যজুৰি ধাৰাসাৰ বৰষুণ হোৱাৰ আগজাননী দিছে৷ বতৰ বিজ্ঞান কেন্দ্ৰৰ মতে অহা বুধবাৰৰ পৰা দেওবাৰ পৰ্যন্ত ৰাজ্যৰ প্ৰায়বোৰ প্ৰান্ততে ধাৰাসাৰ বৰষুণ হোৱাৰ সম্ভাৱনা আছে৷
বতৰ বিজ্ঞান কেন্দ্ৰৰ আগজাননীৰ মতে সেই দিনকেইটাত ৰাজ্যত তাপমাত্ৰাও হ্ৰাস পাব৷ সৰ্বোচ্চ ২৬ ডিগ্ৰীৰ হোৱাৰ বিপৰীতে সৰ্বনিম্ন তাপমান ১৯ৰপৰা ২১ ডিগ্ৰীলৈ হ্ৰাস পোৱাৰ সম্ভাৱনা আছে৷
লগতে পঢ়ক ৰ’পৱেত উঠাৰ পূৰ্বে সাৱধান! ৰ’পৱেত ভয়ংকৰ দুৰ্ঘটনা, ২ জনৰ মৃত্যু, অৰ্ধশতাধিক আৱদ্ধ
আজি দিনটোৰ পুৱাৰ ভাগতে ৰাজ্যৰ বিভিন্ন প্ৰান্তত বৰষুণ হোৱাৰ লগতে ঠাই ভেদে বতৰ ডাৱৰীয়া হৈ আছে৷ বতৰ বিজ্ঞান কেন্দ্ৰৰ মতে কাইলৈ দিনটোও আকাশ প্ৰায় ডাৱৰীয়া হৈয়ে থাকিব৷
ইফালে বতৰ বিজ্ঞান কেন্দ্ৰৰ ফালৰ পৰা ৰাজ্যত উক্ত দিনকেইটাত বৰষুণৰ পৰিমাণ বৃদ্ধি পোৱাৰ সম্ভাৱনা থকা বুলি প্ৰকাশ কৰি হাই এলাৰ্ট জাৰি কৰা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
