বাতৰ বিষত ভূগি আছে ছাইনা নেহৱালে৷ পৰিস্থিতি ইমানেই জটিল হৈ পৰিছে যে বেডমিণ্টনৰ পৰা অৱসৰ লোৱাৰ কথাও চিন্তা কৰিছে ছাইনা নেহৱালে৷ অলিম্পিকত পদকধাৰী ৩৪ বছৰ বয়সীয়া নেহৱালে হতাশ লৈ লিখিছে, ‘৮ৰ পৰা ৯ঘণ্টা ধৰি খেলা মোৰ বাবে কষ্টকৰ হৈছে৷ আঁঠুৰ অৱস্থা খুবেই বেয়া হৈছে৷ এই ভৰিৰে বিশ্বৰ খেলুৱৈসকলৰ সৈতে খেলা সম্ভৱপৰ হোৱা নহয়৷ হয়তো মই অসুখৰ সৈতে মোকাবিলা কৰিবলৈ এৰি অৱসৰ লোৱাৰ কথা চিন্তা কৰিব লাগিব৷’
বাত বিষ এতিয়া বয়সকালীন ৰোগ নহয়৷ কমবয়সীয়া ছাইনাৰ দৰে খেলুৱৈয়ো এতিয়া এই ৰোগত আক্ৰান্ত হৈছে৷ সেই বিষ এনে এক পৰ্যায় পাইছেগৈ যে তেওঁৰ স্বাভাৱিক জীৱনযাত্ৰাও ব্যাহত হৈছে৷ কেৱল ছাইনাই এই ৰোগত বহুজন পংগু হৈছে৷ বহুতেই খোজ কঢ়াৰ ক্ষমতা পৰ্যন্ত হেৰুৱাই পেলাইছে৷ বলীউড অভিনেত্ৰী বিপাশা বসুও এই ৰোগত আক্ৰান্ত৷ তেওঁ নিজেই জনাইছে যে তেওঁৰ আঁঠুৰ অৱস্থা ৮০বছৰীয়া বৃদ্ধাৰ দৰে৷ তেওঁৰ বাবে দৌৰাদৌৰী, জপিওৱা আদি মুঠেও সম্ভৱ নহয়৷ কিন্তু বাত বিষৰ উপসমৰ কোনো চিকিৎসা নাই নেকি?
চিকিৎসকে কৈছে যে বাতৰ সমস্যাই মাৰাত্মক ৰূপ ল’ব পাৰে৷ কিন্তু এই ৰোগক জীৱনযাত্ৰাত কিছু সালসলনি আনি নিয়ন্ত্ৰণত ৰাখিব পাৰিব৷ অস্থি চিকিৎসকে এই সন্দৰ্ভত জনোৱা অনুসৰি আৰ্থ্ৰাইটিছত নিয়ন্ত্ৰণত ৰাখিব পাৰিব৷ এই নিয়ন্ত্ৰণৰ ৰখা পদ্ধতি নিৰ্ভৰ কৰে আৰ্থ্ৰাইটিছ কি ধৰণৰ তাৰ ওপৰত৷ চিকিৎসকৰ মতে বাত বা আৰ্থ্ৰাইটিছৰ বহু ধৰণ আছে৷ চিকিৎসাৰ পূৰ্বে সেয়া জনাৰ প্ৰয়োজন৷ আৰু জনা দৰকাৰ শৰীৰত আৰ্থ্ৰাইটিছৰ প্ৰভাৱ কোন পৰ্যায়ত আছে৷
কি কি ধৰণৰ আৰ্থ্ৰাইটিছ হ’ব পাৰে?
চিকিৎসকে জনোৱা অনুসৰি আৰ্থ্ৰাইটিছ বহু সময়ত জিনগত কাৰণতেই হয়৷ পৰিয়ালৰ কাৰোবাৰ যদি এই বাত বিষ থাকে তেন্তে পৰবৰ্তী প্ৰজন্মৰ মাজতো এই ৰোগ হোৱাৰ সম্ভাৱনা থাকে৷ এক ধৰণৰ আৰ্থ্ৰাইটিছ হয় আমাৰ ইমিউন চিষ্টেমৰ বাবে৷ যি ক্ষমতাই শৰীৰৰ ৰোগ প্ৰতিৰোধ কৰে সেয়াই টিছু মাছুলৰ বাবে ক্ষতিকৰ এণ্টিবডি তৈয়াৰ কৰে৷ ইয়াক কোৱা হয় ৰিউমেটয়েড আৰ্থ্ৰাইটিছ৷ যিকোনো বয়সৰ মানুহে এই ধৰণৰ আৰ্থ্ৰাইটিছত ভূগিব পাৰে৷ ইয়াৰোপৰি জীৱনযাপনৰ ধৰণৰ পৰাও আৰ্থ্ৰাইটিছ হ’ব পাৰে বুলি জনাইছে চিকিৎসকে৷
যি ব্যক্তি শাৰীৰিকভাৱে অতি সক্ৰিয় যেনে ফুটবল খেলা, দৌৰা আদিৰ সৈতে যুক্ত তেওঁলোকে অধিকাংশ সময়েই আঁঠুৰ ওপৰত চাপ দিয়ে বাবে তেওঁলোকৰ আৰ্থ্ৰাইটিছ হ’ব পাৰে৷ আকৌ যিসকলে দৈনিক বহি কাম কৰে, দৈনন্দিন কমকৈ খোজকাঢ়ে তেওঁলোকৰো শৰীৰত আৰ্থ্ৰাইটিছৰ সমস্যা হ’ব পাৰে৷
বহি কাম কৰাৰ বাবেই আৰ্থ্ৰাইটিছ বাঢ়িছে?
সমাধান আছেনে?
চিকিৎসকৰ মতে পৰিয়ালত যদি আৰ্থ্ৰাইটিছৰ সমস্যা থাকে তেন্তে পূৰ্বেই সতৰ্ক হলে এই ৰোগৰ পৰা দূৰৈত থকা সম্ভৱ৷ এই ক্ষেত্ৰত নিজৰ দৈনন্দিন ৰুটিনত অলপ এক্সাৰচাইজ ৰাখিব পাৰে৷ যাতে আপুনি মেদবহুলতাৰ চিকাৰ নহয়৷ ফাষ্টফুড জাতীয় খাদ্য এৰাই চলক৷ আৰ্থ্ৰাইটিছ ঔষধেৰে নিয়ন্ত্ৰণত ৰাখিব পাৰি৷ ফিজিঅ’থেৰাপিৰ মাধ্যমেৰেও ইয়াক বশ কৰিব পাৰিব৷ একেবাৰেই কাম নহলে ছাৰ্জাৰি কৰিব পাৰে৷ আৰ্থ্ৰাইটিছৰ চিকিৎসা এতিয়া বহু উন্নত৷ ঔষধৰ মানো যথেষ্ট বাঢ়িছে৷ ৰোবোটিৰ আৰ্মৰ দৰে প্ৰযুক্তিও আহিছে৷ যাৰ সহায়ত অস্ত্ৰোপচাৰৰ জৰিয়তে ভাল ফল পোৱা যায়৷ সকলো সময়তেই প্ৰতিস্থাপনৰ অস্ত্ৰোপছাৰ কৰাটোও জৰুৰী নহয়৷ বহু ক্ষেত্ৰত লিগামেণ্ট ৰিপিয়াৰিঙৰ কৰে অস্ত্ৰোপচাৰো চলি আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
