২০২৬ চনৰ ১ জানুৱাৰীৰ পৰা লাঘু হ’ব অষ্টম পে কমিছন৷ ইয়াত চৰকাৰী কৰ্মচাৰীসকল বাদেই পেঞ্চনভোগীসকলো উপকৃহ হ’ব৷ মাহিলী পেঞ্চন এবাৰতেই বহু পৰিমাণে বাঢ়ি যাব৷ কাৰণ DR ও বৃদ্ধি পাব৷ অষ্টম পে কমিছনৰ ফিটমেণ্ট ফেক্টৰ হ’ব পাৰে ২.৮৬৷ বিভিন্ন কৰ্মচাৰী আৰু সংগঠনে সেয়া বৃদ্ধি কৰাৰ বাবেও দাবী জনাইছে৷ অৱশ্যে এতিয়াও চূড়ান্ত সিদ্ধান্ত লোৱা হোৱা নাই৷ অৱসৰপ্ৰাপ্ত কৰ্মীসকলৰ পেঞ্চন কিমান বাঢ়িব পাৰে তাকে লৈ আলোচনা অব্যাহত আছে৷
সপ্তম পে কমিছন লাঘু হৈছিল ২০১৬ চনত৷ তাতেই কেন্দ্ৰীয় চৰকাৰৰ অৱসৰপ্ৰাপ্ত কৰ্মীসকলৰ নূন্যতম বেছিক পেনছন ৯হাজাৰ টকা নিৰ্ধাৰণ কৰা হয়৷ সৰ্বোচ্চ পেঞ্চন ঠিক হয় প্ৰতি মাহে ১,২৫,০০০ টকা( সৰ্বোচ্চ দৰমহাৰ ৫০শতাংশ) ইয়াৰ সৈতে আছে ডিয়াৰনেছ ৰিলিফ বা ডি আৰ৷ বৰ্তমান বেছিক পেনছনৰ ৫৩ শতাংশ ডি আৰ পায় পেঞ্চনভোগীয়ে৷
ইয়াৰ সৈতে আছে ডিয়াৰনেছ ৰিলিফ বা ডি আৰ৷ বৰ্তমান বেছিক পেঞ্চনৰ ৫৩শতাংশ ডি আৰ পায় পেঞ্চনভোগীয়ে৷ এটা উদাহৰণ দাঙি ধৰিলে এই কথা বুজি পোৱাত আপোনাৰো সুবিধা হ’ব৷ ধৰক এজন অৱসৰপ্ৰাপ্ত কৰ্মচাৰীৰ বেছিক পেনছনৰ পৰিমান প্ৰতি মাহে ১০ হাজাৰ টকা৷ তেন্তে ডি আৰ যোগ কৰি তেওঁ হাতত পায় ১৫৩০০ টকা৷ মুদ্ৰাস্ফীতি আৰু কনজিউমাৰ প্ৰাইছ ইনডেক্সৰ সৈতে সংগতি ৰাখি ডি আৰৰ হাৰ ঠিক কৰা হয়৷ যাতে পেঞ্চনভোগীসকলৰ ক্ৰয় ক্ষমতা বৰ্তি থাকে তাৰবাবে এই ধন ঠিক কৰা হয়৷ সপ্তম দৰমহা কমিছনৰ ফিটমেণ্ট ফেক্টৰ আছিল ২.৫৭৷ অষ্টম পে কমিছনত এয়া বাঢ়ি হ’ব ২.৮৬ হ’ব পাৰে৷ ফলত বেতনৰ সৈতে পেঞ্চন বাঢ়িবও পাৰে৷
নূন্যতমঃ বৰ্তমান নূন্যতম পেঞ্চন ৯,০০০টকা৷ ২.৮৬ ফিটমেণ্ট ফেক্টৰ ধৰিলে এয়া বাঢ়ি ২৫,৭৪০ টকা হ’ব৷ অৰ্থাৎ প্ৰায় ১৮৬শতাংশ বাঢ়িব৷
সৰ্বোচ্চ পেঞ্চনঃ সৰ্বোচ্চ পেঞ্চন বৰ্তমান ১,২৫,০০০ টকা৷ অষ্টম পে কমিছনত এয়া প্ৰতি মাহে ৩,৫৭,৫০০ পৰ্যন্ত বাঢ়িব৷ ইয়াৰ সৈতে ডি আৰ যোগ হ’লে পেঞ্চনৰ পৰিমাণ আৰু বাঢ়িব৷
অতিৰিক্ত ভাট্টা আৰু সংশোধনীঃ অষ্টম পে কমিছনৰ আওঁতাত পেনছনৰ সুবিধাৰ বাবে কিছু ধন দিয়া হ’ব পাৰে৷ সেইসমূহ হৈছে ডিয়াৰনেছ ৰিলিফ আৰু গ্ৰেছুইটিৰ সীমা বৃদ্ধি৷
ডিয়াৰনেছ ৰিলিফঃ ভৱিষ্যতৰ বৃদ্ধি সংশোধিত পেঞ্চনৰ ভিত্তিত হিচাপ কৰা হ’ব৷
গ্ৰেছুইটিৰ সীমাঃ দৰমহা আৰু পেঞ্চনৰ পৰিমাণ যিহেতু বাঢ়িছে সেয়ে গ্ৰেচুইটিৰ সীমাও বঢ়োৱা হ’ব পাৰে৷ উল্লেখ্য যে ষষ্ঠ আৰু সপ্তম পে কমিছনৰ দৰমহা বৃদ্ধি অনুসৰি পেঞ্চন বৃদ্ধি কৰা হৈছিল৷ অষ্টম পে কমিছনতো তেনে হ’ব বুলিয়েই অনুমান কৰা হৈছে৷ অৱশ্যে আৰ্থিক বিশেষজ্ঞসকলে কৈছে যে শেষ পৰ্যন্ত আৰ্থিক পৰিস্থিতি, বাজেট আৰু কমিছনৰ সিদ্ধান্তৰ ওপৰতেই সমগ্ৰ বিষয় নিৰ্ভৰ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
