ডায়াবেটিচ, উচ্চ ৰক্তচাপ, থাইৰইড, হৃদৰোগ, ইউৰিক এচিড বঢ়া আদি ৰোগ এতিয়া প্ৰায়সংখ্যক লোকৰেই মূল সমস্যা। ইউৰিক এছিড বৃদ্ধিৰ সমস্যা বহু পৰিমানে বৃদ্ধি হৈছে। ইউৰিক এছিড বাঢ়িলে সাধাৰণতে পোৱা অসুবিধাসমূহৰ ভিতৰত, খোজ কঢ়াত অসুবিধা, ভৰি-হাত ফুলা আদি সমস্যাই দেখা দিয়ে। সাধাৰণতে ইউৰিক এচিড বৃদ্ধিৰ মূলতে হৈছে আমাৰ খাদ্যভাষ। ইউৰিক এচিড বৃদ্ধি হ’লে, বৃক্ক আৰু হৃদযন্ত্ৰ বিকল হোৱাৰো আশংকা থাকে। এজন মানুহৰ শৰীৰত কিমান পৰিমানৰ ইউৰিক এচিড থাকিব লাগে?
ইউৰিক এচিড কিমান থাকিব লাগে?
মহিলাৰ ক্ষেত্ৰত ইউৰিক এচিডৰ স্তৰ প্ৰতি ডিএলত ৬ মিঃগ্ৰাঃ আৰু পুৰুষৰ ক্ষেত্ৰত প্ৰতি ডিএলত ৭ মিঃগ্ৰাঃ অধিক হ’লে এয়া ভাল লক্ষণ নহয়। ইয়াৰ ফলত গুৰুতৰ ৰোগ হ’ব পাৰে। গাঁঠিৰ বিষ, গাঁঠি ফুলা, গাঁঠিৰ ওচৰৰ ছালৰ ৰং ম্লান পৰা, প্ৰস্ৰাৱত অত্যাধিক গোন্ধ, ওকালি অহা আৰু বমি বমি অনুভৱ হোৱা আদি সমস্যাই দেখা দিব পাৰে। এই ৰোগত আক্ৰান্ত ব্যক্তিৰ আন এটা লক্ষণ হৈছে সঘনাই প্ৰস্ৰাৱ কৰা। ইউৰিক এচিডৰ ঘৰুৱা প্ৰতিকাৰ আছেনে?
ইউৰিক এচিডৰ বাবে ঘৰুৱা প্ৰতিকাৰ
হালধিত কাৰকিউমিন থাকে যি প্ৰদাহ-প্ৰতিৰোধী গুণাগুণ সমৃদ্ধ। প্ৰতিদিনে হালধি মিহলোৱা গাখীৰ খালে ই ৰক্তচাপ আৰু এচিড নিয়ন্ত্ৰণ কৰাত সহায় কৰে। ই পাচন তন্ত্ৰকো শক্তিশালী কৰে।
স্বাস্থ্য বিশেষজ্ঞসকলৰ মতে, গাখীৰত অতি কম পৰিমাণত প্ৰুৰিন পোৱা যায়। আমাৰ শৰীৰৰ হাড় গাখীৰে শক্তিশালী কৰে। লগতে, আৰ্থ্ৰাইটিছৰ সমস্যাৰ আশংকা কমি আহে।
শৰীৰত থকা ইউৰিক এচিড নিয়ন্ত্ৰণ কৰিবলৈ, ভিটামিন চি থকা বস্তুবোৰ যিমান সম্ভৱ খাব লাগে। উদাহৰণস্বৰূপে, ভিটামিন চি থকা ফল যেনে কমলা, বিলাহী, নেমু ইত্যাদি দৈনিক খাব পাৰে। ভিটামিন চি থকা বস্তু খালে ইউৰিক এচিড সহজে আৰু কম সময়ৰ ভিতৰত নিয়ন্ত্ৰণ কৰিব পাৰি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
