ইন্ধনৰ মূল্যই আকাশলংঘী হোৱাৰ বাবে মধ্যবিত্ত লোকে দৈনন্দিন জীৱনত বাহন ব্যৱহাৰ কৰাতো প্ৰায় সাধ্যৰ বাহিৰ হৈ গৈছে৷ ইফালে নিম্ন মধ্যবিত্ত তথা নিম্নবিত্তৰ লোকসকলে দুচকীয়া বাহন ব্যৱহাৰ কৰি জীৱন যাপন কৰাতোও কষ্টসাধ্য হৈ পৰিছে৷
ইন্ধনচালিত দুচকীয়া বাহনৰ পৰিৱৰ্তে ইতিমধ্য কিছুমান দুচকীয়া বাহন নিৰ্মাণ প্ৰতিষ্ঠানে বিদ্যুৎচালিত বাহনো নিৰ্মাণ কৰি উলিয়াইছে৷ ইতিমধ্যে তেনে বাহনে বিশেষকৈ বিদ্যুৎচালিত স্কুটি বজাৰত উপলব্ধ হৈছে৷
কিন্তু ইয়াৰ সমান্তৰালকৈ কিছুমান নিৰ্মাণ প্ৰতিষ্ঠানে তেওঁলোকৰ পূৰ্বৰ ইন্ধনচালিত কিছুমান বাহনক আপডেট কৰি বিদ্যুৎচালিত বাহনলৈ ৰূপান্তৰৰ কৰি তুলিছে৷ ৰূপান্তৰ কৰি থকা প্ৰতিষ্ঠানসমূহৰ ভিতৰত আগত আছে হিৰো আৰু হোণ্ডা৷ প্ৰতিষ্ঠানকেইটাই তেওঁলোকৰ স্প্লেণ্ডাৰ, এইছএফ আৰু ইক্টিভা আদি বাহনক বিদ্যুৎচালিত বাহনলৈ ৰূপান্তৰ কৰি তুলিছে৷
লগতে পঢ়ক গ্ৰেপ্তাৰ হ’ব ৰাখী সাৱন্ত! বহুবল্কীতাৰে মাতি আনিছে নিজৰ বিপদ!
এতিয়াও এই আপডেট ভাৰ্চনসমূহ বজাৰত মুকলি কৰা নাই যদিও এই জনপ্ৰিয় বাইকবোৰ বৈদ্যুতিক বিকল্পও আগবঢ়োৱা হৈছে। এই বিকল্পৰ বাবে বাহনৰ গৰাকীয়ে কেৱল এটা ৰূপান্তৰ কিট ক্ৰয় কৰিলেই হ’ব।
ৰূপান্তৰ কিটটো ব্যৱহাৰ কৰি গৰাকীয়ে নিজৰ বাহনখন বৈদ্যুতিক বাহনলৈ ৰূপান্তৰ কৰি ল’ব পাৰিব৷ অৰ্থাৎ বিদ্যুৎ চাৰ্জ দিয়ে বাহনখন চলাব পাৰিব৷ ইতিমধ্যে হোণ্ডা এক্টিভাৰ এনে কিট উপলব্ধ হৈছে আৰু ইয়াৰ মূল্য হৈছে ১৮,৩৩০ টকা৷ ইয়াৰ সৈতে গৰাকীয়ে এটা বেটাৰী পেক ল’ব লাগিব৷
GoGoA1এ নিৰ্মাণ এই কিট নিৰ্মাণ কৰিছে৷ উল্লেখ্য এই প্ৰতিষ্ঠানটোৱে ইয়াৰ পূৰ্বে স্প্লেণ্ডাৰ বাইকৰ তেনে কিট নিৰ্মাণ কৰিছিল৷ GoGoA1ৰ দ্বাৰা নিৰ্মিত এই বৈদ্যুতিক ৰূপান্তৰ কিটটো হাইব্ৰিড আৰু সম্পূৰ্ণ বৈদ্যুতিক দুয়োটাতে উপলব্ধ। হোণ্ডা এক্টিভাৰ হাইব্ৰিড বৈদ্যুতিক কিটৰ মূল্য ১৮,৩৩০ টকা হোৱাৰ বিপৰীতে স্প্লেণ্ডাৰ মূল্য আপোনাৰ ২৩,০০০ টকা।
লগতে পঢ়ক উৰন্ত বিমানতে সহযাত্ৰীক প্ৰহাৰ কৰিলে কিংবদন্তী বক্সাৰ মাইক টাইচনে, চাওক ভিডিঅ’
GoGoA1 বৈদ্যুতিক কিটত ৬০ ভি আৰু ১২০০ ৱাট শক্তিৰ BLDC হাব মটৰ লগোৱা হ’ব। এক্টিভাত, ৭২ volt ৩০AH-ৰ বেটাৰী পেক দিয়া হ’ব৷ ইয়াৰ মূল্য ৩৫ৰপৰা ৪০ হাজাৰ টকা হ’ব।
এই এক্টিভাই এবাৰ চাৰ্জ কৰিলে ১০০ কিলোমিটাৰ দূৰত্ব অতিক্ৰম কৰিব। বৈদ্যুতিক Honda Activa আজি এটা চাৰ্জত ১০০ কিলোমিটাৰ পৰিসৰত বুক কৰিব পাৰি। কোম্পানীৰ দ্বাৰা নিৰ্মিত এই ৰূপান্তৰ কিটটো RTO ৰ দ্বাৰা অনুমোদিত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
