পুনৰ মানৱ অধিকাৰ উলংঘন ঘটনা ঘটিছে ইৰাণত৷ ইৰাণ চৰকাৰে পিতৃক হত্যা কৰাৰ অপৰাধত এগৰাকী কন্যাক নিজ মাতৃক ফাঁচি দিবলৈ বাধ্য কৰোৱায়৷
আন্তঃৰাষ্ট্ৰীয় সংবাদ মাধ্যমত প্ৰকাশ পোৱা মতে ইৰাণৰ একনায়কত্ববাদী শাসন ব্যৱস্থাই ১৩ বছৰৰ পূৰ্বে এগৰাকী মহিলাই নিজৰ স্বামীক হত্যা কৰাৰ প্ৰতিশোধ কল্পে তেওঁলোকৰ কন্যাৰ দ্বাৰা মাতৃক ফাঁচি দি মৃত্যু দণ্ডৰ শাস্তি প্ৰদান কৰোৱাইছে৷
ঘটনাৰ বিৱৰণীৰ মতে মৰিয়ম কৰিমী নামৰ মহিলাগৰাকীৰ বিৰুদ্ধে নিজৰ স্বামীক হত্যা কৰাৰ গুৰুতৰ অভিযোগ আছিল৷ স্থানীয় সংবাদ মাধ্যমে প্ৰকাশ কৰা অনুসৰি স্বামী ইব্ৰাহিমে পত্নীৰে বিবাহ বিচ্ছেদ কৰিবলৈ ৰাজি হোৱা নাছিল৷ ইয়াৰ বাবে মাৰিয়ম কাৰিমীৰ পিতৃ-মাতৃয়েও বুজাবলৈ চেষ্টা কৰিছিল যদিও তেওঁ বিবাহ বিচ্ছেদ কৰিবলৈ সন্মত নোহোৱাৰ বাবে পিতৃৰ সহযোগত মাৰিয়মে পাছত স্বামী ইব্ৰাহিমক হত্যা কৰে৷
লগতে পঢ়ক সন্মতিসূচক শাৰীৰিক সম্পৰ্কৰ বেলিকা আধাৰ কাৰ্ড চাই সংগীৰ বয়স নিৰ্ণয় কৰাৰ প্ৰয়োজন নাই, উঃ ন্যায়ালয়
ইয়াৰ পাছতে মাৰিয়মৰ পিতৃ-মাতৃয়ে ইব্ৰাহিম আৰু মাৰিয়ম ৬ বছৰীয়া কন্যাক নিজৰ লগত ৰাখি তাইক এগৰাকী অনাথ শিশু বুলি জানিবলৈ দিয়ে আৰু অনাথ শিশু হিচাপেই কন্যাগৰাকী ককাক আইতাকে ডাঙৰ দীঘল কৰে৷
মাৰিয়মক ফাঁচি দিয়াৰ মাত্ৰ কেই সপ্তাহমান আগতেহে ককাক আইতাকে লুকুৱাই ৰখা সত্যটোৰ বিষয়ে কন্যাগৰাকীয়ে জানিব পাৰে৷ এতিয়া ১৯ বছৰৰ বয়সত ভৰি দিয়া এই কন্যাগৰাকীয়ে চলিত বৰ্ষৰ ১৩ মাৰ্চত ইৰাণৰ কেন্দ্ৰীয় কাৰাগাৰত মাতৃক ফাঁচি দিয়ে৷
ইৰাণৰ স্বানীয় সংবাদ মাধ্যমৰ মতে কন্যাগৰাকীয়ে মাতৃক ক্ষমা কৰিবলৈ অস্বীকাৰ কৰি নিজ মাতৃক চিপ দি হত্যা কৰে৷ উল্লেখ্য যে ইৰাণত কিছাছ নামেৰে জনাজাত এক প্ৰতিশোধ প্ৰথা আছে য’ত ভুক্তভোগীৰ এটা সন্তান উপস্থিত থকাৰ লগতে তেওঁক শাস্তি প্ৰদান কৰিবলৈ উৎসাহিত কৰা হয়৷
লগতে পঢ়ক ৰাষ্ট্ৰীয় ক্ৰীড়া দিৱসৰ দিনাই দৌৰত ৰাষ্ট্ৰীয় অভিলেখ গঢ়িলে অসম সন্তানে
ইফালে ইৰাণৰ মানৱ অধিকাৰ সংগঠনে ইয়াক কঠোৰ ভাষাৰে গৰিহণা দিছে। তেওঁলোকে কয় যে মৰিয়মৰ কন্যাৰ পৰা সত্য লুকুৱাই ৰখা হৈছিল। যেতিয়া কন্যাগৰাকীয়ে সত্যটোৰ বিষয়ে জানিব পাৰিলে তেতিয়া নিজ মাতৃৰ প্ৰতি ঘৃণা জন্মিবলৈ ধৰিলে।
উল্লেখ্য যে ২০১৯ চনত কিছাছৰ অধীনত ইৰাণত ২২৫ জন লোকক মৃত্যুদণ্ড দিয়া হৈছিল। ইয়াৰে ৬৮টা কাৰাগাৰত সম্পূৰ্ণ হোৱাৰ বিপৰীতে ৪ টা গোচৰত শিশুৰ হাতেৰে শাস্তি প্ৰদান কৰা হৈছিল। এই চাৰিওটা ক্ষেত্ৰতে শিশুকেইটা নাবালক আছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
