কি হৈছে এয়া৷ তাকেই বুজিব পৰা নাই কোনোৱে৷ জুবিন ক্ষেত্ৰ চোৱাচিতা কৰা এগৰাকী মহিলাৰো হঠাৎ মৃত্যু হোৱাৰ খবৰ আহি পৰিছে৷ এক পথ দুৰ্ঘটনাত প্ৰাণ হেৰুৱাইছে জুবিন ক্ষেত্ৰ চোৱাচিতা কৰা জ্যোষ্ণ গাৰো নামৰ মহিলাগৰাকীয়ে৷
জ্যোষ্ণ গাৰোৱে বহুদিন ধৰি জুবিন ক্ষেত্ৰ চোৱাচিতাৰ কামত জড়িত হৈ আছিল৷ আৰু হঠাতে এক পথ দুৰ্ঘটনাত তেওঁ প্ৰাণ হেৰুৱাইছে৷ এই খবৰ পোৱা মাত্ৰকে জুবিন গাৰ্গৰ ভগ্নী পামী বৰঠাকুৰে সামাজিক মাধ্যমত লিখিছে, ‘অতি দুখেৰে জনাওঁ যে আমাৰ শ্ৰদ্ধাৰ জ্যোষ্ণ গাৰ’ বাইদেউ এক দুৰ্ঘটনাত পতিত হৈ স্বৰ্গগামী হয় তেখেতৰ আত্মাৰ সদগতিৰ বাবে ঈশ্বৰৰ চৰণত প্ৰাৰ্থনা জনালোঁ। তেখেতে জুবিন ক্ষেত্ৰলৈ যি নিস্বাৰ্থ মৰম আৰু শ্ৰমদান প্ৰদান কৰিছিল তাৰ বাবে আমি চিৰকৃতজ্ঞ।’
পামী বৰঠাকুৰৰ এই পোষ্টকেই পুনৰ শ্বেয়াৰ কৰি গৰিমা গাৰ্গে সামাজিক মাধ্যমত লিখিছে, ‘নাজানো কি হৈছে.. কিয় বাৰে বাৰে এনেকে আমাক আঘাট দি আছে সময়ে, বিধাতাই !
প্ৰাৰ্থনাবোৰো কিয় এনেকুৱা হ’ব লগা হৈছেগৈ .. আপোনাৰ বাবেও এনেকৈ চিৰশান্তিৰ প্ৰাৰ্থনা কৰিবলৈ বৰ কষ্ট পাইছোঁ জ্যোৎস্না বাইদেউ ! আমাৰ পৰা আঁতৰি জুবিনৰ লগতে ভালে থাককগৈ, সুখত থাককগৈ
তেওঁৰ প্ৰতি আপোনাৰ নিঃস্বাৰ্থ মৰম আমি কেতিয়াও পাহৰিব নোৱাৰিম৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
