বৈদিক জ্যোতিষ অনুসৰি কেতু হৈছে ছায়া গ্ৰহ৷ এই গ্ৰহই এক ৰাশিৰ পৰা অন্য ৰাশিত যাবলৈ প্ৰায় ১৮মাহ সময় লাগে৷ ৰাহুৰ দৰে কেতুৱেও সকলো সময়ত বক্ৰী চলনত থাকে৷ বিগত ১০ নৱেম্বৰৰ নিশা ১১ বাজি ৩২ মিনিটত কেতুৱে সূৰ্যৰ নক্ষত্ৰ উত্তৰ ফাল্গুনীত গোচৰ কৰিছে৷ সূৰ্য আৰু কেতু হৈছে পৰস্পৰৰ শত্ৰু গ্ৰহ৷ সেয়ে সূৰ্যৰ ঘৰত কেতুৰ প্ৰৱেশৰ কাৰণে গঠিত হৈছে অশুভ গ্ৰহণ যোগ৷ এই কাৰণতে ব্যক্তিগত জীৱন আৰু কেৰিয়াৰত বেয়া প্ৰভাৱ পৰিব কোন কোন ৰাশিৰ ওপৰত৷ জানি থওক কেতুৰ গোচৰত বেয়া সময় কাৰ কাৰ চলিব?
মেষ ৰাশি
কেতুৰ গোচৰৰ প্ৰভাৱত শৰীৰ বেয়া হ’ব মেষ ৰাশিৰ জাতকৰ৷ আপুনি মেষ ৰাশিৰ জাতক হ’লে এই সময়ত নিজৰ স্বাস্থ্যৰ যত্ন লওক৷ নিজৰ লাইফষ্টাইলত ডিছিপ্লিন বৰ্তাই ৰাখক৷ জীৱনসংগীৰ সৈতে সম্পৰ্কত অৱনতি ঘটিব৷ গ্ৰহণ যোগৰ অশুভ প্ৰভাৱত প্ৰিয় মানুহৰ সৈতে দূৰত্ব বাঢ়িব৷ যিসকলে আপোনাক ভালপায় তেওঁলোকৰ ওপৰতো ক্ষুদ্ধ হ’ব৷ অফিচত সহকৰ্মীৰ সৈতে কথাৰ কটাকটি হ’ব পাৰে৷
মিথুন ৰাশি
উত্তৰ ফাল্গুনী নক্ষত্ৰ কেতুৰ গোচৰৰ ফলত কঠিন সময় আহিছে মিথুন ৰাশিৰ জাতকৰ জীৱনত৷ এই সময়ত আপোনাৰ আত্মবিশ্বাস কমিব৷ নিজৰ ব্যৱসায়ত আগুৱাই যাবলৈ আপোনাৰ হাতলৈ সুযোগ আহিব৷ এই সময়ত খৰচ বাঢ়িব পাৰে৷ আৰ্থিক পৰিস্থিতি দুৰ্বল হ’ব৷ পৰিয়ালত অশান্তিৰ পৰিবেশে দেখা দিব৷ পাৰ্টনাৰৰ সৈতে সম্পৰ্ক বেয়া হ’ব৷
কৰ্কট ৰাশি
কেতুৰ গোচৰত বেয়া সময় আহিছে কৰ্কট ৰাশিৰ জাতকৰ জীৱনত৷ এই সময়ত আপোনাৰ উপাৰ্জন পূৰ্বতকৈ কমিব৷ উপাৰ্জনৰ কিছু পথো আপোনাৰ সন্মুখত বন্ধ হৈ যাব৷ বিনিয়োগৰ পৰাও আপুনি লাভ কৰিব পাৰে৷ এই সময়ত বিনিয়োগ নকৰিব৷ এই সময়ত আপোনাৰ সন্মানহানি হ’ব৷ ছাত্ৰ-ছাত্ৰীসকলে পৰীক্ষাত বেয়া ফল পাব৷
মীন ৰাশি
কেতুৰ নক্ষত্ৰ পৰিবৰ্তনৰ কাৰণে স্বাস্থ্য বেয়া হ’ব মীন ৰাশিৰ জাতকৰ৷ এই সময়ত আপোনাৰ পেটৰ অসুখ হ’ব পাৰে৷ প্ৰেম জীৱনত নানান সমস্যা হ’ব পাৰে৷ সংগীৰ সৈতে নানান কাৰণত মতানৈক্যই দেখা দিব৷ আৰ্থিক ক্ষতি হ’ব পাৰে৷ ব্যৱসায়ীসকলে সতৰ্ক হৈ কাম কৰক৷ এই সময়ত আপুনি কাংক্ষিত লাভ কৰিব নোৱাৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
