কলকাতা কাণ্ডৰ শুনানিত ন্যায়াধীশৰ প্ৰশ্ন- ৪৪৪৭ টা চিচি টিভি থকাৰ পাচতো এই ঘটনা কেনেকৈ হ’ল, ঘটনাই লৈছে নতুন দিশ
কলকাতাৰ আৰ জি কাৰ চিকিৎসা মহাবিদ্যালয়ত এগৰাকী প্ৰশিক্ষাৰ্থী চিকিৎসকৰ ধৰ্ষণ আৰু হত্যা কাণ্ডত সৃষ্টি হৈছে এক নতুন জটিলতা। এতিয়ালৈকে চিবিআইৰ তদন্তত কিছু কথা পোহৰলৈ আহিছে, যিয়ে সমগ্ৰ গোচৰৰ গতিপথ সলনি কৰিব পাৰে। চিবিআইৰ সূত্ৰই জনোৱা মতে, মৰণোত্তৰ পৰীক্ষাৰ প্ৰতিবেদনৰ পৰা সম্পূৰ্ণ স্পষ্ট যে মহিলা চিকিৎসকগৰাকীক ধৰ্ষণ কৰা হৈছে যদিও ফৰেনছিক প্ৰতিবেদনত আন কথা প্ৰকাশ পাইছে।
ফৰেনছিক প্ৰতিবেদনৰ পৰা এইটো স্পষ্ট তথ্য পোৱা নাযায়। দেখা গৈছে যে ঘটনাৰ পিছতে প্ৰমাণৰ লগত খেলা কৰা হৈছিল। চিবিআইয়ে উচ্চতম ন্যায়ালয়ৰ আগত কয় যে ইয়াৰ সৈতে জড়িত বহু গুৰুত্বপূৰ্ণ সূত্ৰ তেওঁলোকৰ হাতত আছে, যিয়ে প্ৰমাণ ধ্বংস কৰাৰ চেষ্টা কৰা হৈছে বুলি প্ৰমাণ কৰে।
উচ্চতম ন্যায়ালয়ে চিবিআইক এই গোচৰত এতিয়ালৈকে চলোৱা তদন্তৰ ষ্টেটাছ ৰিপৰ্ট ১৭ ছেপ্টেম্বৰৰ ভিতৰত দাখিল কৰিবলৈ কয়। CJI DY Chandrachud কয়, ইয়াত সকলো অন্তৰ্ভুক্ত কৰক যে সংস্থাটোৱে কি নতুন প্ৰমাণ বিচাৰি পাইছে। সূত্ৰ অনুসৰি মৰণোত্তৰ পৰীক্ষাৰ প্ৰতিবেদনত মহিলা চিকিৎসকগৰাকীক ধৰ্ষণ কৰা বুলি স্পষ্ট হৈ পৰিছে যদিও ফৰেনছিক প্ৰতিবেদনত কোনো নিৰ্ণায়ক তথ্য পোৱা নাই।
মৰণোত্তৰ পৰীক্ষাৰ প্ৰতিবেদনত কোৱা হৈছে যে ডিঙি চেপি হত্যা কৰাৰ বাবেই মহিলা চিকিৎসকগৰাকীৰ মৃত্যু হয়। সূত্ৰই জনোৱা মতে, আন এটা প্ৰমাণ আছে, য’ত দেখা গৈছে যে মূল অভিযুক্ত সঞ্জয় ৰয়ৰ ডি এন এ নমুনা ভুক্তভোগীৰ মৃতদেহত পোৱা ডি এন এ নমুনাৰ সৈতে মিল আছে।
আনহাতে কালিৰ শুনানিত ভাৰতৰ মুখ্য ন্যায়াধীশ ড° ন্যায়াধীশ ডি.ৱাই. চন্দ্ৰচুড়ে আৰ জি কাৰ চিকিৎসা মহাবিদ্যালয়ৰ সৈতে জড়িত বিষয়টোৰ সন্দৰ্ভত কয় যে চি আই এছ এফে পৰ্যাপ্ত নিৰাপত্তা পৰীক্ষা অবিহনে জৰুৰীকালীন ৱাৰ্ডত কাকো মৰিবলৈ নিদিব। লগতে তৎকালীনভাৱে কাৰ্যকৰী হোৱাকৈ সকলো ছ’চিয়েল মিডিয়া প্লেটফৰ্মৰ পৰা ভুক্তভোগী বা তেওঁৰ মৃতদেহৰ ফটো আঁতৰোৱাৰ নিৰ্দেশ দিয়ে।
লগতে প্ৰশ্ন কৰে হাস্পতাল খনত যদি ৪৪৪৭ টা চিচিটিভি আছিলেই , তেন্তে কেনেকৈ সংঘটিত হবলৈ পালে এনে এক ঘটনা। সেয়ে হাস্পতাল খনে ক’ত কিমান টকা খৰচ কৰিছে বা পুঁজিৰ কথা কলেই লাভ নহব বৰঞ্চ , কি কি সঁজুলি আছে আৰু কি কি কাৰ্যক্ষম তাৰ হে অগ্ৰগতিৰ কথা কওক।
ইয়াৰ পিছত চি জে আইয়ে তেওঁৰ আদেশত কয় যে আন্দোলনকাৰী চিকিৎসকসকল শীঘ্ৰে কৰ্তব্যলৈ ঘূৰি আহিব লাগে। অন্যথা অনুশাসনমূলক ব্যৱস্থা গ্ৰহণ কৰা হ’ব। লগতে চিকিৎসকৰ সুৰক্ষাৰ বাবে উপযুক্ত ব্যৱস্থা গ্ৰহণৰ নিৰ্দেশ আদালতৰ।
পশ্চিম বংগ চৰকাৰে আদালতত কয় যে চিকিৎসকসকলে এতিয়াও ধৰ্মঘট অব্যাহত ৰাখিছে। এতিয়ালৈকে ৬ লাখ লোক চিকিৎসাৰ পৰা বঞ্চিত। চিকিৎসাৰ অভাৱত মানুহৰ মৃত্যু হৈছে। চিকিৎসাৰ অভাৱত বৰ্তমানলৈ ২৩ জন ৰোগীৰ মৃত্যু হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
