প্ৰেম এক মানৱীয় অনুভূতি আৰু আৱেগকেন্দ্ৰিক এক অভিজ্ঞতা। বিশেষ কোনো ব্যক্তিৰ প্ৰতি স্নেহৰ শক্তিশালী বহিৰ্প্ৰকাশ হৈছে প্ৰেম।
কোনোৱে প্ৰেমৰ কথা ক’লে প্ৰায়ে কয় যে প্ৰথম দৃষ্টিতেই প্ৰেম হৈছিল বা প্ৰথম দেখাতেই প্ৰেম হৈছিল। ইংৰাজীত যাক কোৱা হয় ‘Love At First Sight’। সঁচাকৈয়ে মানুহ প্ৰথম দৃষ্টিতে প্ৰেমত পৰেনে? গৱেষণাত পোহৰলৈ আহিছে এই কথা।
নিউয়ৰ্কৰ হেমিল্টন কলেজৰ মনোবিজ্ঞানীসকলে দাবী কৰিছে যে প্ৰথম দৃষ্টিত প্ৰেম নহয়, চতুৰ্থ দৃষ্টিতহে প্ৰেম হয়। দুজন মানুহৰ মাজত প্ৰেম জাগৃত হ’বৰ বাবে কমেও চাৰিবাৰ সাক্ষাৎ হ’ব লাগিব বা কমেও চাৰিবাৰ ফ’টো চাব লাগিব। এই গৱেষণাই প্ৰেম যে প্ৰথম দৃষ্টিত ঘটে সেই কথা একেবাৰতে খণ্ডন কৰিছে।
লগতে পঢ়ক যদি যোগাসনৰ সুফল বিচাৰে, তেনে কি কি ভুল নকৰিব!
এই গৱেষণাটো চলাবৰ বাবে মনোবিজ্ঞানীসকলে যুৱক-যুৱতীসকলৰ এটা দল গঠন কৰিছিল। গৱেষণাৰ সময়চোৱাত ল’ৰা-ছোৱালীক ইজনে সিজনৰ ফ’টো দেখুওৱা হৈছিল৷ ল’ৰা ছোৱালীৰ দলটোৰ মগজুক এনে এটা মণিটৰৰ সৈতে সংযোগ কৰিছিল যিয়ে তেওঁলোকৰ মনত বিভিন্ন ফ’টোৰ প্ৰতি থকা তেওঁলোকৰ আকৰ্ষণৰ বিচাৰ কৰিব পাৰিছিল।
এই গৱেষণাত মনোবিজ্ঞানীসকলে দেখিলে যে প্ৰথমবাৰৰ বাবে ফ’টোসমূহ দেখুওৱাৰ পিছত মণিটৰত সামান্য লৰচৰ হৈছিল কিন্তু চতুৰ্থবাৰ ফটোবোৰ দেখুওৱাৰ সময়ত মগজুৰ উত্তেজনা আৰু আনন্দ বহন কৰা অংশটো সক্ৰিয় হৈ পৰিছিল যিয়ে প্ৰেমত পেলাব পাৰে।
এইদৰে গৱেষকৰ দলটো নিশ্চিত হৈ পৰে যে মানুহে প্ৰথম দৃষ্টিতেই প্ৰেমত নপৰে, চতুৰ্থ দৃষ্টিতহে প্ৰেমত পৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
