দেৱী কালী মানেই শক্তিৰ প্ৰতীক৷ ভয়, অশুভ আৰু অন্ধকাৰ বিনাশিনী তেওঁ৷ যাৰ জীৱনত দেৱীৰ আশীৰ্বাদ থাকে তেওঁ জীৱনত সকলো বাধাই সহজে অতিক্ৰয় কৰে৷ জ্যোতিষমতে গুৰুগ্ৰহৰ অৱস্থানৰ কাৰণে নিৰ্দিষ্ট কিছু ৰাশিৰ জাতকৰ ওপৰত মা কালীৰ আশীৰ্বাদ বিশেষ কাৰ্যকৰ হয়৷ নিয়মিত কালীপূজা কৰিলে তাৰ শুভ ফল তেওঁলোকে লাভ কৰে৷ জানি থওক মা কালীৰ প্ৰিয় ৪ ৰাশি কি কি?
মেষ ৰাশি
মেষ ৰাশিৰ জাতক জুইৰ দৰেই তেজাল৷ যুঁজ কৰিব জানে তেওঁলোকে৷ মা কালীৰ শক্তি তেওঁলোকৰ মাজত সকলো সময়তে থাকে৷ বাধা আহিলেও আকৌ শক্তিশালী হৈ উঠে৷ দেৱীৰ আশীৰ্বাদত মেষ ৰাশিৰ মানুহে জীৱনত ৰিস্ক ল’বলৈ ভয় নকৰে৷ জীৱনত বাৰে বাৰে ওঠা-নমা থাকিলেও শেষ পৰ্যন্ত তেওঁলোক জয়ী হয়েই৷
সিংহ ৰাশি
সিংহ মানেই আত্মবিশ্বাস, সাহস আৰু নেতৃত্ব৷ এই তিনি গুণ তেওঁলোকৰ মাজত স্পষ্ট৷ মা কালীৰ শক্তি তেওঁলোকৰ অন্তৰত স্থিৰ থাকে৷ সেয়ে ভয়, নিন্দা বা ব্যৰ্থতা একোতেই তেওঁলোক পিছুৱাই নাহে৷ মা কালীৰ কৃপাত সিংহ ৰাশিৰ মানুহে অন্যৰো অনুপ্ৰেৰণা হৈ উঠে৷ কৰ্মজীৱনত এওঁলোকে সাফল্য পায় আৰু ব্যক্তিজীৱনতো শক্তিশালী মানসিকতাৰে তেওঁলোক থিয় দি থাকে৷
বৃশ্চিক ৰাশি
বৃশ্চিক ৰাশি গভীৰ আৰু ৰহস্যময়৷ তেওঁলোকৰ মাজত তীব্ৰ আৱেগ আৰু দৃঢ়তা থাকে আৰু দেৱী কালীৰো তেওঁলোক প্ৰতিফলন৷ মা কালীয়ে এই ৰাশিৰ জাতকক সাহসী আৰু নিৰ্ভীক কৰি তোলে৷ অন্যায় দেখিলে তেওঁলোকে কেতিয়াও মনে মনে নাথাকে৷ জীৱনত যিমানেই সমস্যা নাহক কিয় তেওঁলোকে নিজৰ অন্তৰৰ শক্তিৰে যুঁজ দি যায়৷ দেৱীৰ কৃপাত বৃশ্চিক ৰাশিৰ মানুহে অন্যতকৈ পৃথক হৈ থাকে৷
মকৰ ৰাশি
মকৰ ৰাশিৰ জাতক বাস্তৱবাদী, পৰিশ্ৰমী আৰু স্থিৰ মনোভাৱৰ৷ তেওঁলোকৰ ধৈৰ্য্য আৰু অধ্যবসায়ৰ শক্তি বেছি৷ মা কালীৰ কৃপাত এওঁলোকে জীৱনৰ কঠিন পথো ভাঙি আগুৱাব পাৰে৷ লক্ষ্য ঠিক কৰি তাত উপস্থিত হোৱাটো তেওঁলোকৰ নিচা৷ দেৱীৰ আশীৰ্বাদত মকৰ ৰাশিৰ মানুহে পৰিণত শক্তিশালী আৰু দায়িত্ববান হৈ উঠে৷
মা কালীয়ে যাক কৃপা কৰে তেওঁলোকৰ জীৱনত ভয় নাথাকে৷ শক্তি, সাহস আৰু আত্মবিশ্বাসে তেওঁলোকক পথ দেখুৱাই৷ সেয়ে কালীপূজাৰ নিশা এই ৪ ৰাশিয়ে বিশেষভাৱে দেৱীৰ আৰাধনা কৰিলে জীৱনত সুখ, শান্তি আৰু উন্নতি লাভ কৰে বুলি দাবী কৰে জ্যোতিষীয়ে৷ দেৱীৰ নাম জপ কৰিলেও দূৰ হয় সকলো অশুভ ছায়া৷ মা কালীৰ আশীৰ্বাদ সকলো সময়তে থাকে তেওঁলোকৰ জীৱনত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
