পুনৰ বলিউদৰ এজন পৰিচালকৰ বাতৰিয়ে বি টাউন, সামাজিক মাধ্যম আৰু দেশৰ সংবাদ মাধ্যমতো তোলপাৰ লগাইছে৷ বাতৰিটো হৈছে নাৰী অধিকাৰ হকে কাম কৰা মাত মাতি অহা বলিউদৰ এগৰাকী যশস্বী চলচ্চিত্ৰ পৰিচালকে এগৰাকী মডেলক গৰ্ভপাত কৰিবলৈ বাধ্য কৰাইছিল৷
গৰ্ভপাত কৰিবলৈ বাধ্য হোৱা মডেলগৰাকীৰ হৈছে ইৰাণী মূলৰ মান্দনা কৰিমী৷ লক’আপ নামৰ এক ৰিয়েলিটি শ্ব’ত অংশগ্ৰহণ কৰি বলিউদৰ বিৰ্তকিত অভিনেত্ৰী তথা শ্ব’টোৰ হোষ্ট কংগণা ৰাণাৱট আগত মান্দনাই এই সমস্ত কাহিনী বিৱৰি কয়৷
মান্দনাৰ মতে লকডাউনৰ সময়ত তেওঁৰ স্বামীৰে বিচ্ছেদ হোৱাৰ পিছতে তেওঁ মানসিকভাৱে ভাগি পৰিছিল৷ ঠিক তেনে সময়তে নাৰী অধিকাৰ প্ৰতি সচেষ্ট বলিউদৰ এগৰাকীৰ যশস্বী ছবি পৰিচালকেৰে তেওঁৰ বন্ধুত্ব আৰম্ভ হয়৷ পৰিচালকগৰাকীয়ে ভগ্ন মান্দনাক মানসিকভাৱে সাহস দিয়াৰ লগতে জীৱনটোক নতুনকৈ জীবলৈ সাজু কৰি তোলে৷
লগতে পঢ়ক কি জঘন্য কাণ্ড! তিনি সতীৰ্থসহ নিজ কন্যাক গণধৰ্ষণ পিতৃৰ!
তেওঁলোকে দুয়ো একেলগে থাকিবলৈ লয়৷ এই সম্পৰ্কটো তেওঁলোকে সম্পূৰ্ণ গোপনীয়ভাৱে ৰাখে৷ ইয়াৰ মাজতে তেওঁলোকে এটা সন্তানৰ পৰিকল্পনা কৰে৷ সেই মতেই মান্দনা গৰ্ভৱতীও হয়৷ কিন্তু ইয়াৰ পিছতে হঠাতে পৰিচালকগৰাকীয়ে মন সলনি কৰি মান্দনাক গৰ্ভপাত কৰিবলৈ হেঁচা প্ৰয়োগ কৰে৷
‘‘আমি সন্তানৰ পৰিকল্পনা কৰো আৰু পৰিকল্পনাৰ মতে আগবাঢ়ো৷ তেনেতে তেওঁ মন সলনি কৰে৷ তেওঁ কয় যে মানসিকভাৱে পুনৰ পিতৃ হ’বলৈ সাজু হ’ব পৰা নাই৷ ইতিমধ্যে তেওঁ এটা সন্তানৰ পিতৃ৷ তেওঁ কয়, ‘মই বিশ্বাস কৰিব পৰা নাই যে ৩৩ বছৰ বয়সতো তুমি সহজে গৰ্ভৱতী হ’বা’৷’’
পৰিচালকগৰাকীৰ হেঁচাৰ বাবেই মান্দনাই গৰ্ভপাত কৰে৷ কিন্তু মান্দনাই পৰিচালকগৰাকীৰ নাম প্ৰকাশ কৰা নাই৷ এই কথা মডেলগৰাকীয়ে শ্বেয়াৰ কৰাৰ পিছতে সামাজিক মাধ্যমত বিশেষভাৱে চৰ্চা লাভ কৰিছে৷ বহুতে পৰিচালকগৰাকী অনুৰাগ কাশ্যপ বুলিও অভিহিত কৰিছে৷ কোনো কোনো টুইটাৰ ইউজাৰে অনুৰাগ কাশ্যপ আৰু মান্দনাৰ যুগ্ম ফ’টো শ্বেয়াৰ কৰি বিভিন্ন ধৰণৰ মন্তব্য কৰিছে৷
লগতে পঢ়ক দুবছৰৰ পিছত বহাগ বিহু : এইবাৰো হেঁপাহৰ বহাগ বিহুৰ আশাভংগ হ’ব অসমীয়াৰ!
উল্লেখ্য যে যোৱা বছৰ পশ্চিমবংগৰ এগৰাকী অভিনেত্ৰী পায়েল ঘোষে অনুৰাগ কাশ্যপৰ বিৰুদ্ধে যৌন আতিশয্যৰ অভিযোগ উত্থাপন কৰোতে মান্দনাই অনুৰাগ কাশ্যপৰ কাষত থিয় দিছিল৷ মান্দনাই আনকি কৈছিল যে অনুৰাগ কাশ্যপে নাৰীৰ অধিকাৰ হকে মাত মতাই নহয় নাৰীক সন্মান কৰিবও জানে, তেনে এজন লোকে কেতিয়াও নাৰীক যৌন আতিশয্য কৰাতো সম্ভৱ নহয়৷
এই সকলোবোৰ দিশ লক্ষ্য কৰি মান্দনাই পৰিচালকগৰাকীৰ নাম ৰাজহুৱা নকৰিলেও সামাজিক মাধ্যমত বিভিন্ন লোকে অনুৰাগ কাশ্যপৰ নাম লোৱা দেখা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
