চমৎকাৰ, এগৰাকী মাতৃৰ গৰ্ভৰ পৰা দুবাৰকৈ জন্ম পালে একেজনী কন্যা সন্তানে
চমৎকাৰ, পাছে ই অলৌকিক নহয়। এয়া হৈছে চিকিৎসা বিজ্ঞানৰ চমৎকাৰ, যাৰ ফলতে এগৰাকী মাতৃৰ গৰ্ভৰ পৰা দুবাৰকৈ জন্ম পালে একেজনী কন্যা সন্তানে।
এই ঘটনা আমেৰিকাৰ । মাৰ্গাৰেট বোমাৰ নামৰ এগৰাকী মহিলাই এটি সন্তানকে জন্ম দিলে দুবাৰকৈ। পাছে কিদৰে এটি সন্তানকে দুবাৰকৈ জন্ম দিলে মাৰ্গাৰেটে। যাক লৈয়ে এতিয়া কৌতুহলৰ সৃষ্টি হৈছে।
ঘটনা সন্দৰ্ভত জানিব পৰা অনুসৰি, সন্তান গৰ্ভত থকাৰ সময়তে আন এক ৰোগতো আক্ৰান্ত হয় মাৰ্গাৰেট। সন্তানে থিতাপি লোৱা গৰ্ভৰ কাষতে এটি টিউমাৰ হয়।
যি টিউমান থাকিলে সন্তানৰ লগতে মাৰ্গাৰেটৰো জীৱনলৈ আশংকা থকা বুলি সদৰি কৰে চিকিৎসকে। আনকি সন্তানটো জন্ম পালে হাৰ্ট ফেইল হোৱাৰো কথা সদৰি কৰে। যাৰ বাবে সন্তানটো জন্ম নিদিয়াৰ বাবে পৰামৰ্শ আগবঢ়াই ।
কিন্তু এই ক্ষেত্ৰত নাচোৰবান্দা মাৰ্গাৰেট। সন্তান জন্ম দিবই। সেয়ে বহু চিকিৎসা চলে মাৰ্গাৰেটৰ। কিন্তু সুফল নোপোৱাত শেষত চিকিৎসকে লয় এক বিশেষ পন্থা।
গৰ্ভধাৰণৰ মাহ সম্পূৰ্ণ হোৱাৰ পূৰ্বে ২৩ সংখ্যক মাহতে এক ৰিস্কি অপাৰেচন হয় মাৰ্গাৰেটৰ। চিজাৰিয়ান পদ্ধতিৰে গৰ্ভৰ পৰা সন্তান উলিয়াই সেই টিউমাৰ বাহিৰ কৰে।
পাছত পুনৰ সেই সন্তান গৰ্ভত স্থাপন কৰে। তাৰ পাছতে সম্পূৰ্ণ চিকিৎসকৰ তত্বাবধানত থাকে মাৰ্গাৰেট। আৰু ৩৬ সপ্তাহৰ পাছত সুকলমে পুনৰ জন্ম দিয়ে সেই একেটি সন্তানকে। যি সম্পূৰ্ণ সুস্থ। এতিয়া মাক আৰু সন্তান দুয়ো সম্পূৰ্ণ সুস্থ বুলি সদৰি চিকিৎসকৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
