নাম তেওঁৰ হো ভান লাং৷ ভিয়েটনামৰ লোক৷ বৰ্তমান বয়স ৪৯ বছৰ৷ জীৱনৰ ৪৯ টা বছৰৰ ভিতৰত ৪১ টা বছৰে অতব্য অৰণ্যত কটাইছো এই লোকজনে৷
ভান লাঙে পিতৃ আৰু ভাতৃৰ সৈতে ভিয়েটনাম যুদ্ধৰ পৰা পলায়ন কৰাৰ পিছত কোৱাং ঙাই প্ৰদেশৰ টাই ট্ৰা জিলাৰ গভীৰ অৰণ্যত ৪১ বছৰ সম্পূৰ্ণ বিচ্ছিন্নতাত কটায়।
বৰ্তমান ৪৯ বছৰীয়া হো ভান লাঙৰ উদ্ধৃতিৰে দ্য ছান-এ প্ৰকাশ কৰা অনুসৰি ১৯৭২ চনত ভিয়েটনাম যুদ্ধৰ সময়ত আমেৰিকাৰ বোমা বিস্ফোৰণৰ ফলত মাতৃ আৰু আন দুই ভাতৃৰ মৃত্যু হোৱাৰ পিছত তেওঁৰ পিতৃয়ে হো ভান লাং আৰু এজন ভাতৃক লগত লৈ অতব্য অৰণ্যলৈ পলায়ন কৰে।
লগতে পঢ়ক ঈদ-উজ-জোহাৰত কোৰবানী দিব পাৰিব নে? কি ক’লে অসম চৰকাৰে?
সেইদৰেই ৪০ বছৰতকৈও অধিক সময় দেউতাকৰ সৈতে জংঘলত বাস কৰা বাস্তৱ জীৱনৰ টাৰ্জান হো ভান লাঙে নাৰীৰ অস্তিত্ব বা যৌনতা কি সেই বিষয়ে কোনো ধাৰণাই নাই।
মৌ, ফল-মূল আৰু বনজ জীৱ-জন্তু খাই, আশ্ৰয় শিবিৰ নিৰ্মাণ কৰি সম্পূৰ্ণৰূপে জনবসতিৰ পৰা আঁতৰি থাকি জীৱন নিৰ্বাহ কৰিছিল তেওঁলোকে। কিন্তু ২০১৩ চনত তেওঁৰ পিতৃ আৰু ভাতৃসহ তিনিওকে বিচ্ছিন্ন জীৱনৰ পৰা ‘উদ্ধাৰ’ কৰি স্থানীয় এখন গাঁওলৈ অনা হৈছিল৷ ইয়াৰ পিছতে তাত তেওঁলোকে লাহে লাহে সভ্যতাৰ লগত খাপ খুৱাই লৈছে। এতিয়া তেওঁলোক দুৰ্গম অৰণ্যৰ কাষৰ এখন ওচৰৰ গাঁৱৰ এটা ঘৰত বসবাস কৰে।
২০১৫ চনত বিশ্বৰ দুৰ্গম, জনবসতিহীন অঞ্চলত ছুটী উদযাপন কৰিবলৈ যোৱা ড’কাষ্টৱেৰ পৰিচালন সঞ্চালক আলভাৰো চেৰেজোৱে পৰিয়ালটোক সাক্ষাৎ কৰাৰ পিছতে কৈছিল, ‘‘দূৰত মানুহক দেখিলেই তেওঁলোকে সদায় পলায়ন কৰিছিল। লাঙৰ পিতৃয়েও মানুহৰ মাজলৈ উভতি আহিবলৈ ভয় কৰিছিল। কাৰণ তেওঁ বিশ্বাস কৰা নাছিল যে ভিয়েটনাম যুদ্ধ শেষ হৈছে!’’
লগতে পঢ়ক বংলাদেশীয় মুছলমান নহয়, বদৰুদ্দিন আজমলৰ পূৰ্বপুৰুষ হিন্দু আছিল!
তেওঁ লগতে কয়, ‘‘এতিয়াও অতি আচৰিত কথাটো হ’ল যে তেওঁ আজিও পুৰুষ আৰু মহিলাৰ মাজৰ পাৰ্থক্যৰ বিষয়ে নাজানে৷ মই নিশ্চিত যে লাঙৰ যৌনতাৰ বিষয়ে ন্যূনতমো জ্ঞান নাই আৰু মানুহৰ প্ৰজনন প্ৰক্ৰিয়া সম্পৰ্কেও সম্পূৰ্ণ অজ্ঞ।’’
তেওঁৰ মতে হো ভেন লাঙৰ দেউতাকে তেওঁলোকক কেতিয়াও যৌনতাৰ বিষয়ে কোৱা নাছিল। আলভাৰো চেৰেজোৱেও কয়, ‘‘মই তেওঁৰ লগত জংঘলত থাকোঁতে দেখিছিলো যে তেওঁ বাদুলিকে জলপানৰ দৰেই খাইছিল।’’
অৰণ্যত পোৱা সামগ্ৰীৰ পৰাই তিনিওজনে সদায় জুই জ্বলাই ৰাখিছিল আৰু সঁজুলি, কাটলেৰী, ৰন্ধা-বঢ়াৰ বাচন-বৰ্তন তৈয়াৰ কৰিছিল। দেউতাকৰ স্বাস্থ্যৰ অৱনতি হ’বলৈ ধৰালৈকে লেঙৰ জীৱনটো ভালেই চলি আছিল।
লগতে পঢ়ক আক্ৰমণৰ ৬ ঘণ্টাৰ পিছতে মৃত্যু জাপানৰ প্ৰাক্তন প্ৰধানমন্ত্ৰী আবেৰ
চেৰেজোৱে লগতে কয় যে, “দেউতাকৰ দুৰ্বল মানসিক অৱস্থাৰ বাবে লাঙে যোৱা কেইবছৰমান মানসিক চাপ আৰু উদ্বেগেৰে জীৱন পাৰ কৰি আহিছে৷’’
গোটেই জীৱন অৰণ্যত পাৰ কৰা বাবে লাঙে মানৱ সমাজৰ মৌলিক সামাজিক ধাৰণা কি সেয়া বুজি নাপায়। চেৰেজোৱে কয়, ‘‘যদি মই লাঙক কাৰোবাক প্ৰহাৰ কৰিবলৈ কওঁ, তেওঁ সেয়া কৰিব। কাৰণ, তেওঁ ভাল বেয়াৰ পাৰ্থক্য একো বুজি নাপায়। লাং মাত্ৰ এটা শিশু। তেওঁ একো নাজানে।’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
