মুম্বাই এণ্টি নাৰ্কটিকছ চেলৰ ৱৰ্লি ইউনিটে মঙলবাৰে গুজৰাটৰ ভাৰুচ জিলাৰ অংকলেশ্বৰ অঞ্চলত এটা ড্ৰাগছ কাৰখানা জব্দ কৰিছে। এই অভিযানত দলটোৱে প্ৰায় ৫১৩ কিলোগ্ৰাম এমডি ড্ৰাগছো উদ্ধাৰ কৰিছে। আন্তঃৰাষ্ট্ৰীয় বজাৰত এই ড্ৰাগছৰ মূল্য ১০২৬ কোটি টকা বুলি কোৱা হৈছে। মুম্বাই এণ্টি নাৰ্কটিক চেলেও এই গোচৰত এগৰাকী মহিলাকে ধৰি ৭ জন অভিযুক্তক গ্ৰেপ্তাৰ কৰিছে।
ইয়াৰ পূৰ্বে জুন মাহত গুজৰাটৰ সাগৰীয় অঞ্চলত জব্দ কৰা হৈছিল কোটি কোটি টকাৰ ড্ৰাগছ। গুজৰাটৰ কুচ্চ জিলাৰ জাখোৱা জিলাত বি এছ এফ আৰু কুচ্চ আৰক্ষীয়ে যুটীয়া অভিযানত বিপুল পৰিমাণৰ হেৰ’ইন জব্দ কৰিছিল। এই কাৰ্যত গুজৰাট এটিএছ আৰু ইণ্ডিয়ান ক’ষ্ট গাৰ্ডে পাকিস্তানী নাওৰে ৭ গৰাকী পাকিস্তানীক হত্যা কৰিছিল।
ইফালে যোৱা বছৰ ২০২১ চনৰ ছেপ্টেম্বৰ মাহত গুজৰাটৰ আদানী মুন্দ্ৰা বন্দৰত ৩০০০ কিলোগ্ৰাম ড্ৰাগছ জব্দ কৰিছিল। আন্তঃৰাষ্ট্ৰীয় বজাৰত ইয়াৰ মূল্য ২১ হাজাৰ কোটি বুলি কোৱা হৈছিল।
লগতে পঢ়ক প্ৰেমে নামানে বয়সৰ কোনো সীমনা! ২৭ বছৰীয়া যুৱকেৰে বিয়া ৭৪ বছৰীয়া বৃদ্ধাৰ
ৰাজহ চোৰাংচোৱা সঞ্চালকালয়ে আফগানিস্তানৰ পৰা আমদানি কৰা দুটা কণ্টেইনাৰৰ পৰা ৩০০০ কিলোগ্ৰাম হেৰ’ইন উদ্ধাৰ কৰিছিল। এই গোচৰত চেন্নাইৰ পৰাও দুজন লোকক গ্ৰেপ্তাৰ কৰা হয়। তাৎপৰ্যপূৰ্ণভাৱে মুন্দ্ৰা বন্দৰটো গৰাকী হৈছে আদানী গ্ৰুপ। আদানী বন্দৰ হৈছে গৌতম আদানীৰ এটা কোম্পানী।
ইয়াৰ পূৰ্বে ২০২২ চনৰ মে’ মাহত ৫৬ কিলোগ্ৰাম আৰু ২০২২ চনৰ জুলাই মাহত ৭৫ কিলোগ্ৰাম ড্ৰাগছ জব্দ কৰা হৈছিল। গুজৰাটত নিৰন্তৰ ড্ৰাগছ জব্দ কৰাৰ বিষয়টোক লৈ কংগ্ৰেছে বিজেপিক আক্ৰমণৰ লক্ষ্য কৰি লৈছে। কংগ্ৰেছ নেতা ৰাহুল গান্ধীৰ অভিযোগ যে ৰাজ্য চৰকাৰৰ মন্ত্ৰী-বিধায়কসকলে ড্ৰাগছৰ নিচাযুক্ত ব্যৱসায়ত লিপ্ত হৈ আছে, যাৰ বাবে এনে ঘটনা ৰোধ কৰিব পৰা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
