মুছলমান ছোৱালীয়ে এতিয়া ১৬ বছৰ সম্পূৰ্ণ কৰাৰ লগে লগে নিজৰ পছন্দৰ ল’ৰাক বিয়া কৰাব পাৰিব। পঞ্জাৱ আৰু হাৰিয়ানা উচ্চ ন্যায়ালয়ে এটা গোচৰৰ শুনানি গ্ৰহণ কৰি এই ৰায় দিছে। এগৰাকী ১৬ বছৰীয়া মুছলমান কিশোৰীয়ে ২১ বছৰীয়া স্বামীৰ সৈতে থাকিবলৈ আদালতৰ কাষ চাপিছিল আৰু এই আবেদনৰ শুনানি গ্ৰহণ কৰি উচ্চ ন্যায়ালয়ৰ এই ৰায় প্ৰদান কৰিছে৷ ইয়াৰ লগতে উচ্চ ন্যায়ালয়ে ১৬ বছৰীয়া কিশোৰীগৰাকীক স্বামীৰ সৈতে থাকিবলৈ প্ৰয়োজনীয় সকলো নিৰাপত্তা প্ৰদান কৰাৰো নিৰ্দেশ দিয়ে।
উল্লেখ্য যে পৰিয়ালৰ সন্মতি অবিহনে বিবাহপাশত আৱদ্ধ হোৱা এগৰাকী ১৬ বছৰীয়া মুছলমান কিশোৰীয়ে বিয়াৰ পিছত নিৰাপত্তাহিনীতা ভুগি পঞ্জাৱ আৰু হাৰিয়ানা উচ্চ ন্যায়ালয়ত আবেদন কৰিছিল। গোচৰটো শুনানি গ্ৰহণ কৰি উচ্চ ন্যায়ালয়ৰ ন্যায়াধীশ যশজিৎ সিং বেদীয়ে এই ৰায় প্ৰদান কৰিছে।
তেওঁ পাঠানকোটৰ আৰক্ষী অধীক্ষকক ১৬ বছৰীয়া কিশোৰীগৰাকীক স্বামীৰ সৈতে থাকিবলৈ প্ৰয়োজনীয় নিৰাপত্তা প্ৰদান কৰিবলৈ নিৰ্দেশ দিয়া হৈছে। এই গোচৰটো শুনানি গ্ৰহণ কৰাৰ সময়ত ন্যায়াধীশ বেদীয়ে মুছলিম ব্যক্তিগত আইন সম্পৰ্কে লিখা দিনশাহ ফাৰদুন জি মুল্লাৰ কিতাপখনৰ কথাও উল্লেখ কৰে।
লগতে পঢ়ক মুখৰ দুৰ্গ্ধন্ধ দূৰ কৰাৰ ঘৰুৱা প্ৰতিকাৰ, ৰাতিপুৱা শুই উঠাৰ পিছত মুখ গোন্ধাই নেকি?
প্ৰতিবেদন অনুসৰি, কিশোৰীজনীয়ে নিজৰ আবেদনত জনাইছিল যে ইছলাম ধৰ্মীয় ৰীতি-নীতি অনুসৰি যোৱা ৮ জুনত ২১ বছৰীয়া ল’ৰা এটাক বিয়া কৰাইছিল। কিন্তু তেওঁলোকৰ জীৱনলৈ দুয়োটা পৰিয়ালৰ পৰা বিপদত আহিছে।
তথ্য অনুসৰি এই দম্পতী হালে তেওঁলোকৰ অধিবক্তাৰ জৰিয়তেও যুক্তি দিছিল যে মুছলমান আইনত যৌৱনকাল আৰু প্ৰাপ্তবয়স্ক বয়স প্ৰায়ে সমান। ১৫ বছৰ বয়সতে এজন ব্যক্তিয়ে প্ৰাপ্তবয়স্কতা লাভ কৰে বুলি অনুমান কৰা হৈছে।
তেওঁ আৰু যুক্তি দিছিল যে যিজন মুছলমান ল’ৰা বা মুছলমান ছোৱালীয়ে যৌৱনকালত উপনীত হৈছে তেওঁ নিজৰ পছন্দৰ যিকোনো ব্যক্তিক বিয়া কৰাবলৈ স্বাধীন আৰু অভিভাৱকৰ হস্তক্ষেপ কৰাৰ কোনো অধিকাৰ নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
