আজি হৈছে নগ্নতা দিৱস৷ বিশ্বৰ বিভিন্ন প্ৰান্তৰ নগ্নতাবাদী গোটসমূহে ১৪ জুলাইত ’au naturel’ত ৰাষ্ট্ৰীয় নগ্ন দিৱস উদযাপন কৰে।
নগ্নতাবাদ হৈছে নগ্নতাৰ অভ্যাস কৰা বা তেনে কৰাৰ অধিকাৰৰ বাবে যুক্তি দিয়া কাৰ্য। সকলো নগ্নতাবাদীয়ে একে দৰ্শনৰ দ্বাৰা প্ৰভাৱিত নহ’লেও বহুতে এইটোত বিশ্বাস তথা সমৰ্থন কৰে যে মানুহৰ শৰীৰটো সহজাতভাৱে সুন্দৰ আৰু কাপোৰেৰে কৃত্ৰিমভাৱে এই সৌন্দৰ্যক সীমাবদ্ধ কৰি ৰখাহে হয়।
ৰাষ্ট্ৰীয় নগ্নতা দিৱসৰ ইতিহাস
১৪ জুলাইত সমগ্ৰ বিশ্বতে ৰাষ্ট্ৰীয় নগ্ন তথা নগ্নতা দিৱস পালন কৰা হয়। এই দিৱস পালন কৰাসকলে এই দিনটোত শৰীৰৰ কাপোৰৰ আঁতৰাই পেলায়। বহুতে ইয়াক এক বিকৃত ধাৰণা হিচাপে অভিহিত কৰিব খুজিলেও, ইয়াক উদযাপন কৰাসকলে কিন্তু এই দিনটোত স্বাধীনতা আৰু মানৱ শৰীৰৰ নান্দনিকতাক উদযাপন কৰে।
লগতে পঢ়ক ‘কাৰ্যালয়ত হাঁহি থাকক, নহ’লে চাকৰি এৰক’, চৰকাৰী কৰ্মচাৰীলৈ কঠোৰ নিৰ্দেশ
উল্লেখ্য যে নগ্নতাৰ এক আন্দোলনো আছে, যাক প্ৰকৃতিবাদ বা নগ্নতাবাদ বুলি জনা যায় (যদিও দুয়োটাৰ মাজত অলপ পাৰ্থক্য আছে)। এই আন্দোলন তথা দিৱসটো নিউজিলেণ্ডৰ পৰা আৰম্ভ হৈছিল আৰু তাৰ পৰাই ই পশ্চিমীয়া তথা আন দেশলৈ বিয়পি পৰিছিল। বৰ্তমান বিশ্বৰ ৩০ খনতকৈও অধিক দেশত এই দিৱস পালন কৰা হয়।
নগ্নতাবাদীসকলে বিশ্বাস কৰে যে মানুহৰ শৰীৰটো যেতিয়া সম্পূৰ্ণৰূপে প্ৰাকৃতিক ৰূপত থাকে তেতিয়াই সৰ্বাধিক সুন্দৰ হয়। সেয়ে নগ্নতাবাদীসকলে আনকো কাপোৰ খুলি নগ্ন হ’বলৈ উৎসাহিত কৰে।
লগতে পঢ়ক মাতৃসকলে কন্যাৰ বাবে হোৰাহোৰে কিয় গৰ্ভ নিৰোধক ঔষধ ক্ৰয় কৰিছে?
আনহাতে নগ্নতা স্বাস্থ্যৰ বাবে উপকাৰী। বহু গৱেষণাই প্ৰমাণ কৰিছে যে খালী ভৰিৰে খোজ কাঢ়িলে এলঝেইমাৰৰ হোৱাৰ সম্ভাৱনা হ্ৰাস পায়, কিয়নো মগজুৰ নিউৰনবোৰ উদ্দীপিত হয়। ছালখন সূৰ্যৰ পোহৰৰ সংস্পৰ্শলৈ আহে আৰু সেয়েহে শৰীৰত অধিক মাত্ৰাত ভিটামিন ডি জমা হয়। চালত লাগি ধৰা কাপোৰে ৰক্ত সঞ্চালন বাধাগ্ৰস্ত কৰে।
আনহাতে, ৰাষ্ট্ৰীয় নগ্নতা দিৱসৰ দিনা পালন কৰা পৰম্পৰাবোৰ অতি ভদ্ৰভাৱে পালন কৰা হয়। ৰাজহুৱা স্থানত পালন কৰিলেও ৰাজহুৱা অশ্লীলতাৰ আইন মানি চলা হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
