অসম লাইভ ২৪ঃ একৈশ শতিকাৰ প্ৰাক মধ্যভাগ সঁচাকৈ কালিকা লগা। যেন কাৰোবাৰ অভিশাপত দগ্ধ একৈশ শতিকা। বিপদৰ অন্ত নাই বিশ্ববাসীৰ মাজত। মুকলি মনেৰে খাব নোৱাৰা হ’ল, ঘূৰিব নোৱাৰা হ’ল, মুকলি মনেৰে আনন্দ-ফুৰ্টি একোৱে কৰিব নোৱাৰ হ’ল বিশ্ববাসী। বিভিন্ন সমস্যাৰ মাজতে দুটা বৰ্ষৰ পূৰ্বে আহিল ক’ৰোণা নামৰ এটা বিশেষ সংক্ৰমিত ৰোগ। যি ৰোগত বিধ্বস্ত বিশ্ববাসী।
ক’ভিডৰ দুটা ঢৌৰ বিধ্বস্ত ৰূপত কোনোমতে বিশ্ববাসীয়ে নিজকে চম্ভালি লৈছিলহে। কিন্তু, তাৰ মাজতে আকৌ বিশ্ববাসীৰ মাজত পুনৰ ত্ৰাসৰ সৃষ্টি কৰিবলৈ আহিল অমিক্ৰণ নামৰ ক’ভিডৰ অন্য এটা ৰূপ। য’ত ক’ভিডৰ পূৰ্বৰ প্ৰায়বোৰ চৰিত্ৰ সলনি কৰি নিজৰ চৰিত্ৰৰ নতুন ৰূপ দি দক্ষিণ আফ্ৰিকাত জন্মলাভ কৰিছিল অমিক্ৰণ।
ক’ভিডৰ এই অমিক্ৰণৰ নতুন ৰূপত স্বাস্থ্য বিজ্ঞানীৰ পৰীক্ষাত ধৰা পৰিছিল অমিক্ৰণৰ দেহত পূৰ্বৰ সংখ্যাত কৈ অধিক স্পাইক প্ৰটিনৰ । ক’ভিডৰ ন-ৰূপ অমিক্ৰণৰ দেহত ধৰা পৰিছল প্ৰায় ৩২টা কৈ স্পাইক প্ৰ’টিন। য’ত পূৰ্বৰ ভেৰিয়েন্ট সমূহত ধৰা পৰিছিল অতি বেছি ৯ টা স্পাইক প্ৰ’টিন। আৰু নতুন ভেৰিয়েন্ট অমিক্ৰণৰ দেহত ৩২টা স্পাইক প্ৰ’টিন ধৰা পৰাৰ লগে লগে বিশ্ববাসীৰ মাজত ত্ৰাস আৰু হাঁহাকাৰৰ সৃষ্টি হৈছিল।
কিন্তু, এইবাৰ বিশ্ববাসীক আকৌ ভয় আৰু ভয়ংকৰ বিপদলৈ ঠেলি দি ফ্ৰান্সত ধৰা পৰিছে ক’ভিডৰ আন এটা নতুন ভেৰিয়েন্ট। যি ভেৰিয়েন্টৰ দেহত এইবাৰ স্পাইক প্ৰ’টিনৰ সংখ্যা অমিক্ৰণ ভেৰিয়েন্টতকৈ আৰু অধিক। ইতিমধ্যে ক’ভিডৰ এই নতুন ভেৰিয়েন্টত ফ্ৰান্সত আক্ৰান্ত হৈছে প্ৰায় ১২ জনতকৈয়ো অধিক লোক। আৰু এই ভেৰিয়েন্টৰ নতুন নাম দিয়া হৈছে ‘IHU’।
আৰু ক’ভিডৰ এই নতুন ভেৰিয়েন্টৰ উৎপত্তিস্থল হিচাপে চিনাক্ত কৰা হৈছে মধ্য আফ্ৰিকাৰ কেমাৰ’ন নামৰ এখন ৰাষ্ট্ৰৰ পৰা। IHUৰ নতুন ভেৰিয়েন্টত আক্ৰান্ত হোৱা ফ্ৰান্সৰ লোক কেইগৰাকীৰ শেহতীয়া ভ্ৰমণৰ ইতিবৃত্তি ধৰা পেলোৱা হৈছে মধ্য আফ্ৰিকাৰ কেমেৰ’নৰ দেশৰ লগত।
IHU কভিডৰ নতুন ভেৰিয়েন্টত ১৪ বিধ Amino acid substitutions হৈতে য’ত সংযুক্ত হৈ আছে N501Y আৰু E484K আৰু বিশেষ ৯ বিধ deletion। আৰু এই নতুন সংমিশ্ৰিত পেটাৰ্নটোৱে সৃষ্টি কৰিছে ক’ভিডৰ নতুন জি’নটাপ চিকোৱেঞ্চ B.1.640.2ৰ। যাক ভগ্নী গ্ৰুপ বুলি ক’ব পাৰি B.1.640 আৰু B.1.640.1ৰ। এতিয়া ক’ভিডৰ এই নতুন ভেৰিয়েন্টক লৈ পুনৰ চিন্তিত বিশ্ব স্বাস্থ্য সংস্থা আৰু বিভিন্ন চিকিৎসা বিজ্ঞানীসকল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
