দিল্লীৰ মুখ্যমন্ত্ৰী আৰু আম আদমী পাৰ্টিৰ (আপ) ৰাষ্ট্ৰীয় আহ্বায়ক অৰবিন্দ কেজৰিৱালে বিৰোধী ঐক্যক প্ৰচণ্ড আঘাত দিছে। সোমবাৰে কেজৰিৱালে স্পষ্টভাৱে কয় যে ২০২৪ চনৰ লোকসভা নিৰ্বাচনৰ বিৰোধী মহাজোটৰ অংশীদাৰ নহয় তেওঁ দল আম আদিম পাৰ্টিয়ে। আপৰ মুখ্য আহ্বায়ক গৰাকীয়ে অতি তাৎপৰ্যপূৰ্ণভাৱে কয় যে তেওঁলোকৰ দলৰ মিত্ৰতা কেৱল ‘১৩০ কোটি ভাৰতীয়ৰ সৈতে’হে হ’ব।
নাগপুৰৰ এক অনুষ্ঠানত ভাষণ দি কেজৰিৱালে লগতে কয় যে তেওঁ কেতিয়াও বহুদলীয় মিত্ৰতা বুজিব নোৱাৰে আৰু কোনো মিত্ৰতাৰ প্ৰতি তেওঁৰ কোনো আগ্ৰহ নাই।
‘‘মই ৰাজনীতি কেনেদৰে কৰিব লাগে নাজানো আৰু মই তেওঁলোকৰ ১০ বা ততোধিক দলৰ মিত্ৰতা আৰু কাৰোবাক পৰাজিত কৰিবলৈ গঠন কৰা মিত্ৰতা বুজি নাপাওঁ। মই কাকো পৰাজিত কৰিব নিবিচাৰো, মই বিচাৰো যে দেশখন জিকিব।’’ কেজৰিৱালে কয়৷
লগতে পঢ়ক বিকিনি পিন্ধি পিতৃ-মাতৃৰে বলিউদৰ কোন তাৰকাৰ কন্যাই পালন কৰিলে জন্ম দিন?
কিছুমান ৰাজ্যৰ লগতে দেশখনে বিত্তীয় অস্থিৰতাৰ দিশে আগবঢ়া বুলি সৃষ্টি হোৱা উদ্বেগক কেজৰিৱালে ‘ভিত্তিহীন আশংকা’ বুলিও অভিহিত কৰিছে। ‘‘এই সকলো অৰ্থনীতিবিদে লিখি আছে যে ৰাজসাহায্য সংস্কৃতিয়ে দেশখন ধ্বংস কৰিব। তেওঁলোকে কেতিয়াও লিখা নাই যে দুৰ্নীতিৰ সংস্কৃতিয়ে দেশখন ধ্বংস কৰিব। মই বস্তুবোৰ বিনামূলীয়াকৈ দিবলৈ সক্ষম কাৰণ আমি দুৰ্নীতি দূৰ কৰিছো। গতিকে সঞ্চয় কৰা ধন মানুহক ঘূৰাই দিয়া হয়।’’
বিজেপিৰ নাম নোলোৱাকৈ দিল্লীৰ মুখ্যমন্ত্ৰী কেজৰিৱালে কয় যে বৰ্তমান এটা ‘ডাঙৰ দলে’ গুণ্ডামি, দাঙ্গাৰ ষড়যন্ত্ৰ কৰি আছে, ধৰ্ষণকাৰীসকলৰ বাবে স্বাগতম জনাই দেশত শোভাযাত্ৰা উলিয়াইছে। ‘‘দেশখন গুণ্ডামিৰে আগবাঢ়িব নোৱাৰে। যদি আপুনি গুণ্ডামি আৰু দাঙ্গা বিচাৰে আপুনি তেওঁলোকৰ সৈতে যাব পাৰে, কিন্তু যদি আপুনি প্ৰগতি বিচাৰে তেনে আপুনি মোৰ সৈতে চামিল হৈ দেশৰ প্ৰগতিৰ অংশীদাৰ হ’ব পাৰে। আমি ১৩০ কোটি সাধাৰণ মানুহৰ মিত্ৰজোঁট গঠন কৰোঁ আহক।’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
