এতিয়াও ফাইনেল খেলিব পাৰিবনে বিনেশে? উত্তৰ আহিল আন্তঃৰাষ্ট্ৰীয় মল্লযুঁজ ফেডাৰেচনৰ পৰা, ৰূপৰ ৰদকৰ দাবী উত্থাপন বহুতৰ
পেৰিছ অলিম্পিক ২০২৪ ত কোটি কোটি ভাৰতীয় ক্ৰীড়া অনুৰাগীয়ে বিনেশৰ পৰা দুখজনক খবৰ লাভ কৰিছে ৷ ভাৰতে পেৰিছ অলিম্পিক-২০২৪ত প্ৰথমটো স্বৰ্ণ বা ৰূপৰ পদকৰ বাবে আগ্ৰহেৰে অপেক্ষা কৰি আছিল যদিও এতিয়া সেই আশা নিৰ্বাপিত। অলিম্পিকৰ ইতিহাসত প্ৰথমবাৰৰ বাবে ভাৰতীয় মহিলা মল্লযুঁজাৰু ফাইনেলত প্ৰৱেশ কৰিছিল যদিও ফাইনেল মেচৰ পূৰ্বে তেওঁক অযোগ্য ঘোষণা কৰে।
ফাইনেল মেচৰ পূৰ্বে মাত্ৰ ১০০ গ্ৰাম ওজন বৃদ্ধিৰ বাবে অযোগ্য ঘোষণা কৰে বিনেশ ফ’গাটক। ইফালে ভাৰতৰ কোটি কোটি ক্ৰীড়াপ্ৰেমীৰ মনত এই প্ৰশ্ন উত্থাপন হৈছে যে বিনেশ ফ’গাটৰ কোনো সুযোগ এতিয়াও আছে নেকি যাতে তেওঁ চূড়ান্ত মেচ খেলিব পাৰে। এতিয়া আন্তঃৰাষ্ট্ৰীয় মল্লযুঁজ ফেডাৰেচনৰ পৰা এই বিষয়ত উত্তৰ আহিছে।
আন্তঃৰাষ্ট্ৰীয় মল্লযুঁজ ফেডাৰেচন (ইউনাইটেড ৱৰ্ল্ড ৰেছলিং)ৰ সভাপতি নেনাদ লালোভিচৰ এক বিবৃতি ওলাইছে। এই বক্তব্যত তেওঁ কয় যে ‘এইটোত একো কৰিব নোৱাৰি।’ আমি নিয়মক সন্মান কৰিব লাগিব। বিনেশৰ সৈতে যি হ’ল সেয়া অতি দুখজনক। বিনেশৰ ওজন অতি সামান্য বেছি আছিল যদিও নিয়ম নিয়মেই। নিয়মৰ বাহিৰত মানুহে যি ধৰণে কথা পাতিছে, সেয়া সম্ভৱ নহয়। খেলত অংশগ্ৰহণ কৰিবলৈ অহাসকলে নিয়মৰ বিষয়ে অৱগত।
আনহাতে বিনেশৰ অযোগ্য ঘোষণাক লৈ চলি থকা হুলস্থুলৰ মাজতে ২০১২ চনৰ অলিম্পিকৰ স্বৰ্ণ পদক বিজয়ী মল্লযুঁজাৰু জৰ্ডান বাৰ’ছৰ এটা ডাঙৰ বক্তব্য পোহৰলৈ আহিছে। বিনেশক ৰূপৰ পদক লাভৰ বাবে অভিযান আৰম্ভ কৰিছে। তেওঁ বিনেশ ফ’গাটক ৰূপৰ পদক দিবলৈ দাবী জনায়। ইয়াৰ সমান্তৰালকৈ তেওঁ ইণ্ডিয়ান অলিম্পিক এছ’চিয়েশ্যনৰ (আই অ’ এ)ৰ পৰা কিছু পৰিৱৰ্তনৰ দাবী জনায়।
তেওঁ লিখিছে- “এই ধৰণৰ কাহিনীয়ে হয়তো আই অ’ চিক জগাই তুলিব। মই ভাবো মল্লযুঁজত ছটাতকৈও অধিক ওজনৰ ক্লাছৰ প্ৰয়োজন। কোনো খেলুৱৈয়ে বিশ্বমানৰ প্ৰতিযোগীৰ বিৰুদ্ধে তিনিখনকৈ খেলত অপ্ৰতিৰুদ্ধ হৈ পিছত এনেদৰে স্বৰ্ণ পদকৰ বাবে প্ৰস্তুতি চলাই নিশা কটাব নালাগে। ভাৰতীয় দলটো সম্পূৰ্ণ হতাশ।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
